2 Corintios 1:21 - Qullan Arunaka DC

²¹ Ukatsti Diosaw nanakarusa, jumanakarus Cristompi mayachasax sum sayt'ayistu, jupaw yaqhacharakistu.

Aymar Bibliia 1986

²¹ Diosaw nanacarus jumanacarus sum sayt'ayistu Cristo Tatitunjja, uqhamarac jupataquiqui tucuyistu.

Qullan Arunaca

²¹ Diosaw nanacarus jumanacarus sum sayt'ayistu Cristo Tatitunjja, uqhamarac jupataquiqui tucuyistu.

2 Corintios 1:21 Jak'a apnaqawi uñst'ayäwi

Salmos 45:7

7 (8) Aski kankañarux munastawa, ñanqharusti uñistawa. Ukat Diosamax jumar ajllistam, masinakam taypin kusisiñampiw phuqhanttam.

Salmos 87:5

Jerusalén markatxa, sapxaniwa: “Aka markasa, khaya markas jupan utjayatawa, Alaxpachankir pachpaw Jerusalén marka utt'ayi” sasa.

Salmos 89:4

4 (5) “Wawanakamaruw wiñayatak utt'ayä, reyit juma lanti qunt'asiñapataki” sasa.

Isaías 49:8

Tatitux siwa: “Khuyapayasiñax uñacht'ayañ urux puriniwa, ukat khuyapt'ayaraksma; qhispiyasiñ urux puriniwa, nayasti qhispiyaraksmawa. Nayaw jumarux arxatsma, arust'äwinakax aka markamp lurañatakiw uskt'sma, tukjat uraqinaka wasitat katusxañapataki,

Isaías 59:21

Tatitux siwa: “Nayaw jumanakampix mä arust'äwi lurta, arsuraktwa, ch'amaxasa, yatichäwinakax churapksma ukanakasa, janipuniw jumanakatxa juk'ampi jayarst'kxaniti, janirakiw wawanakamatsa jayarst'kxaniti, ukanakasti wiñayatakipunïniwa” sasa.

Isaías 61:1

Tatitun ajayupax nayxankiwa, jupaw nayarux yaqhachasitu; jan kunaninakar suma yatiyäwinak yatiyiriw khithanitu, llakt'atanakaru chuymachiri, katuntatanakar antutat sarnaqasiñ yatiyiri, carcelankirinakar antutat sarnaqasiñ churiri,

Isaías 62:7

Jerusalenar wasitat sayt'ayañapkama, mä jach'a marka tukuyañapkamax Tatiturux jan samarayapxamti.”

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Levítico 7:35

Kuna waxt'anakatix Tatitutaki nakt'ayatäki ukanakax Aaronampiru wawanakapampiruw wakt'i, kunürutix Tatitux jupanakar sacerdotëpxañapatak utt'ayaski uka uruta.

Habacuc 2:12

¡Ay kunakïkan juma Babiloniatxa, markanakamxa jiwayañanakxaru, jan chiqa uñjañanakxaruw sayt'ayaraktaxa!

Juan 3:34

Diosan khithanitapax Diosan arunakap parli, Diosax Ajayup jilarkir churatap layku.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Romanos 16:25

Diosaruy yupaychapxañäni, jupaw jumanakarux ch'aman tukuyapxiristam, nayax jumanakar Diosan suma yatiyäwi arunak yatiykta ukarjama, Jesucristo tuqit yatichäwiparjama. Akasti Diosax imantat amtäwinakap uñstaykän ukarjamawa, ukasti akapachax janïr utjkän ukkhatpach imantatäskänwa,

Romanos 8:9

Ukampis jumanakax janiw janchin munañaparjam jakxapxtati, jan ukasti, Ajayun munañaparjamaw jakxapxtaxa, Diosan Ajayupaw jumanakan jakxi. Khititix Criston jan Ajayupanïki ukanakax janiw Cristonkirïkiti.

1 Corintios 1:8

Diosax jumanakarux tukuykamaw ch'amañchapxätam, ukhamat jan khitis jumanakar juchañchaskañapataki, Jesucristo Tatitusan kutiniñapkama.

2 Corintios 5:5

Diosaw ukham wakicharapistu, uk phuqhañatakisti jupaw Qullan Ajayu churistu.

Colosenses 2:7

jupxan saphintata, iyawsäwi layku jupxan suma utt'ata, kunjämatix yatichatäpkäyät ukhamaru, ukatsti Diosar yuspagarasaraki.

1 Tesalonicenses 3:13

Jupay chuymanakaman utjir iyawsäwir thuruñchpan, Jesucristo Tatitusax taqpach qullananakapampi jutkani ukapachasti, Dios Awkisan nayraqatapan jan kuna juchani, qullanaptat uñstapxañamataki. Ukhamäpan.

2 Tesalonicenses 2:17

jupay chuymanakamar ch'amachpan, ch'aman sayt'ayarakpan, kunatix askïki uk arsupxañamataki, lurapxañamatakiraki.

2 Tesalonicenses 2:8

Ukatsti uka ñanqha jaqiw uñstanini, juparusti Tatit Jesusax lakapampi phust'asakiw tukjani, ukatsti kunapachatix k'ajkir jutäwipampi jutkan ukkhax jisk'aruw tukuyani.

2 Tesalonicenses 3:3

Ukampis Tatitux phuqhiriwa, jupasti ch'amañchapxätamwa, taqi ñanqhatsa imapxarakïtamwa.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.

1 Pedro 5:10

Ukampis uka mä juk'a urunakan t'aqhisipxatamatsti, Diosax jumanakarux chiqap tukuyapxätam, ch'amani jan unxtkay sayt'ayapxarakïtam. Uka Dios pachpaw jach'a munasiñapan jawsistu, Jesucristomp wiñayatak chikäñasataki.

1 Juan 2:20

Cristo Tatitux Qullan Ajayu churasaw jumanakarux yaqhachapxtam, uksti taqi jumanakaw yatipxta.

1 Juan 2:27

Ukampis jumanakan Qullan Ajayuw utjapxtam, Jesucristox ukampiw jumanakar luqtapxtam, janiw jumanakar khitin yatichañapas munaskxiti, kawkïr Ajaytix jupax churapktam ukaw jumanakarux taqi kun yatichapxtam, yatichäwinakapasti chiqapawa, janiw k'arïkiti. Ukhamay Tatit Jesucristompix mayak jakapxam, kunjämtix Qullan Ajayux yatichapktam ukhamarjama.

Apocalipsis 1:6

ukatsti reyinaka sacerdotenak jiwasarux tukuyistu Dios Awkiparu luqtañasataki. ¡Qhapaq kankañasa, ch'aman kankañas wiñayatak jupankpan! Ukhamäpan.

Apocalipsis 3:18

Ukatpï nayax amuyt'aysmaxa: ninar naksuyat suma quri nayat alasita, ukampi qamiriptañamataki, isthapisiñamatakisti, janq'u isinak nayat alasita, uka p'inqa q'alal janchim imxatañataki, ukatsti nayramatak qulla nayat alasita, nayramar ch'aqt'ayasisin uñjañamataki.