Apocalipsis 8:3 - Qullan Arunaka DC

³ Ukatsti yaqha angelarakiw jutäna, qurit lurat incienso q'apichañ apt'ata, jupasti altar nayräxaruw sayt'asïna. Uka angelasti walja incienso katuqi, qhapaq qunuñ nayraqatankir quri altarxan luqtañataki, qullan markan mayisïwinakapamp chika luqtañataki.

Aymar Bibliia 1986

³ Ucatsti yakha angelaraquiw mä kori incensario apt'ata jutäna, ucatsti altar nayräjjaruwa sayt'asi. Uca angelarusti walja inciensoraquiw churatäna, take qhitinacatejj Diosancapqui ucanacan oracionanacapampi chica loktatäñapataqui. Uca loktäwsti trono nayräjjancquis uca kori altarjjaru loktañapänwa.

Qullan Arunaca

³ Ucatsti yakha angelaraquiw mä kori incensario apt'ata jutäna, ucatsti altar nayräjjaruwa sayt'asi. Uca angelarusti walja inciensoraquiw churatäna, take qhitinacatejj Diosancapqui ucanacan oracionanacapampi chica loktatäñapataqui. Uca loktäwsti trono nayräjjancquis uca kori altarjjaru loktañapänwa.

Apocalipsis 8:3 Jak'a apnaqawi uñst'ayäwi

1 Reyes 7:50

jisk'a qirunaka, pabilo nakhatanak khuchhuqañanaka, jach'a qirunaka, jach'a wisllanaka, incienso q'aphichañanaka, taqpachasti suma qurit luratkamakïnwa. Ukatsti Qullanansa Qullanap chiqawjan punkunakapan katxäsirinakapax qurit luratänwa, ukhamaraki Tatitun utapan punkunakapansa.

Salmos 141:2

Mayisitaxax incienso q'aphir uñtat nayraqatamar makhatanpan, luqatatat amparanakaxasti, jayp'u luqtäwjamäpan.

Éxodo 40:26

Qurit lurat altarsti Tatitumpi Jikisiñ Carpa manqhiruw uchäna, cortina nayräxaru,

Isaías 6:6

Ukapachaw ninjam k'ajkir serafinanakat maynix nayan ukar jalanïna. Altarat aptanit mä nina sank'a tenazanakar achxaruyat apxäsiskäna,

Ezequiel 41:22

lawat lurat altarar uñtata, sayt'urusa, iramarusa mä metronkamänwa, amstarusti mä metro chikataniraki. Ukat uka jaqix sarakitu: “Akax Tatitun nayraqatapankir mesawa” sasa.

Amós 9:1

Tatiturux altar jak'ankaskir uñjta, jupasti situwa: “Uta pirqar k'uphantam piläranakap unxtayañkama; ¡ukhamat jaqinakxar allxattasin jiwaraypan! Qhiparapkani ukanakarusti espadampiw jiwarayä: inakiw jaltañsa munasipkani, janipuniw maynis qhispkaniti;

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Números 4:11

“Qurit lurat altar patxarusti morado isi janatatapxani, suma lip'ichinakampiw ukar llawuntapxani, altar aptañatakisti lawanakampiw uskupxani.

Lucas 1:10

Incienso nakt'ayas luqtañapkamasti, taqi jaqinakaw anqäxan Tatitur mayisisipkäna.

Romanos 8:34

¿Khitirak jupanakar juchañchaspasti? Janiw khitisa, Cristo Jesusaw jiwawayi; jupaw jiwatat jaktawayi, jichhasti Diosan kupïxapan qunt'atäskiwa, jiwasanakatakiw mayiskaraki.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

Hebreos 9:4

ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.

Apocalipsis 10:1

Ukatsti ch'aman kankañan yaqha angelaruw uñjta, alaxpachat qinayan llawuntat saraqasinkiri; p'iqipxansti mä kürmiw utjäna, ajanupax intir uñtataw qhanäna, kayunakapasti nina lawranakar uñtatänwa.

Apocalipsis 14:18

Yaqha angelasti altarat mistunirakïna. Uka angelasti ninar apnaqañatak munañanïnwa, ukatsti ari yawiñ ayt'atäkänsa uka angelaruw jach'at art'äna: “¡Uka ari yawiñamampi yawirañ qalltam! ¡Uraqin utjir uva yapunakat uva achunak apthapim, uvasti puquratäxiwa!” sasa.

Apocalipsis 5:8

ukatsti ukspachaw, uka pusi jakaskirinakasa, uka pä tunka pusin jilïrinakas Cordero nayraqatan killt'asipxäna. Sapa maynin arpax utjäna, inciensompi phuqt'ata qurit lurat qiru ast'atkamarakïnwa, uka inciensosti Diosan markapan mayisitanakapänwa.

Apocalipsis 6:9

Corderox phisqïr sello ch'iyaqkän ukkhasti, altar manqhan uñjta, khitinakatix Tatitun arunakap parlapxatap layku jiwarayat uñjasipkatayna ukanakaru.

Apocalipsis 7:2

Ukatsti inti jalsu tuqit yaqha angelar jutaskir uñjarakta, jupasti jakaskir Diosan chimpupanïnwa. Uka angelasti wali jach'at art'äna maynïr pusi angelanakaru, uka angelanakasti munañanïñ kankañ katuqapxatayna aka uraqimpiru, jach'a qutampir jan walt'ayañataki,

Apocalipsis 8:4

Incienso jiwq'isti angelan amparapat Diosan nayraqataparuw makhatäna, qullan markan mayisitanakapamp chika.

Apocalipsis 8:5

Ukatsti angelax incienso q'apichañ katusinxa, altarankir nina sank'anakampiw ukar phuqhantäna, ukatsti aka uraqiruw uk wartanxäna; ukapachasti taqi chiqanakan qhixu qhixunakampi, uxuñanakampi, lliju llijunakampi, uraq khathatimpiw utjarakïna.

Apocalipsis 9:13

Suxtïr angelax trompetap phust'arakïna. Ukatsti akatjamat mä aru ist'ta, uka arusti Diosan nayräxapankkis uka quri altaran pusi waxrap taypit mistunïna.