Apocalipsis 9:14 - Qullan Arunaka DC

¹⁴ Uka arusti trompeta phust'katayna uka suxtïr angelaruw säna: “Éufrates jawir thiyan chinuntatäkis uka pusi angelanakar antutnukxam” sasa.

Aymar Bibliia 1986

¹⁴ Uca arusti trompeta apt'atäcän uca sojjtïr angelarojj sänwa: “Antutnucjjam jach'a Eufrates jawiran chinutäquis uca pusi angelanacaru” sasa.

Qullan Arunaca

¹⁴ Uca arusti trompeta apt'atäcän uca sojjtïr angelarojj sänwa: “Antutnucjjam jach'a Eufrates jawiran chinutäquis uca pusi angelanacaru” sasa.

Apocalipsis 9:14 Jak'a apnaqawi uñst'ayäwi

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Génesis 2:14

Kimsïri jawirasti Tigris satawa, uka jawirasti Asiria tuqit inti jalsu tuqiruw muytaraki. Pusïri jawirasti Éufrates satawa.

2 Samuel 8:3

Davidasti Rehob jaqin Hadad-ézer yuqaparux atipjarakïnwa, Sobá uraqin reyiparu, kunapachatix uka reyix Éufrates jawir tuqi uraqi wasitat apnaqañampïkän ukapacha.

Jeremías 51:63

Ukat aka qillqata, mä qalampi chinuntasin Éufrates jawirar jaquntäta,

Deuteronomio 1:7

Jichhasti taqi yänakam apthapisxapxam, ukatsti amorreonakan qullunakaparu, jupanak jak'an utjir uraqinakar sarapxam: Arabá wasararu, qullu chiqanakaru, qhirwanakaru, Négueb pampanakaru, quta thiyanakaru, cananeonakan uraqiparu, Líbano uraqiru, Éufrates sat jach'a jawirar puriñkama.

Josué 1:4

Jumanakarux wasarata, Líbano qullunakat qalltasa, Éufrates jach'a jawirkam churapxäma, hitita jaqinakan taqi uraqinakapa, Mediterráneo sat jach'a qutakama.

Apocalipsis 16:12

Suxtïr angelasti Éufrates jach'a jawirxaruw qirup warxatäna, ukatsti uka jawiran umanakapax q'alaw wañsüna, inti jalsu tuqit jutir reyinakan sarakipapxañapataki.

Apocalipsis 7:1

Uka qhipatsti, pusi angelanakaruw uñjarakta. Jupanakasti aka uraqin pusi tuqitpach sayt'atäsipkänwa, pusi tuqit jutir thayanak jark'asipkäna, kuna thayas aka uraqxar jan thayt'aniñapataki, janirak jach'a qutanakxarusa, kuna quqanakxarusa.

Apocalipsis 7:2

Ukatsti inti jalsu tuqit yaqha angelar jutaskir uñjarakta, jupasti jakaskir Diosan chimpupanïnwa. Uka angelasti wali jach'at art'äna maynïr pusi angelanakaru, uka angelanakasti munañanïñ kankañ katuqapxatayna aka uraqimpiru, jach'a qutampir jan walt'ayañataki,

Apocalipsis 8:2

Ukatsti paqallqu angelanakar Diosan nayraqatapankaskir uñjarakta, jupanakarusti paqallqu trompetanakaw churasïna.

Apocalipsis 8:6

Ukatsti paqallqu trompetanak apt'atäpkän uka paqallqu angelanakax phust'añatakiw wakichasipxäna.

Apocalipsis 9:15

Ukapachaw uka pusi angelanakax jaranukut uñjasipxäna, niya chikatan chikatap jaqinakar jiwarayañataki, jupanakasti uka pachataki, uka urutaki, uka phaxsitaki, uka maratak wakichatäpxataynawa.