Apocalipsis 9:4 - Qullan Arunaka DC

⁴ Ukanakasti uraqinkir quranakaru jan ñanqha lurapxañapatakiw ixwa katuqapxäna, janirak kuna ch'uxñanakarusa, kuna quqanakarus ñanqha lurapxañapataki, jan ukasti, khitinakatix Tatitun chimpupampi paranakapan jan chimpt'atäpki uka jaqinakaruk t'aqhisiyañataki.

Aymar Bibliia 1986

⁴ Uca t'ijut'ijunacasti janiraquiw cuna ch'ojjñanacarusa, ni kokanacarusa jan wali lurapjjañapäcänti, jan ucasti qhitinacatï Tatitun sellopampi paranacapan jan chimpt'atäpqui uca jakenacar t'akhesiyañataqui qhitanitäpjjänwa.

Qullan Arunaca

⁴ Uca t'ijut'ijunacasti janiraquiw cuna ch'ojjñanacarusa, ni kokanacarusa jan wali lurapjjañapäcänti, jan ucasti qhitinacatï Tatitun sellopampi paranacapan jan chimpt'atäpqui uca jakenacar t'akhesiyañataqui qhitanitäpjjänwa.

Apocalipsis 9:4 Jak'a apnaqawi uñst'ayäwi

Job 1:10

Jumax janiw khitin jupar llamkt'añapsa munktati, utapankirirusa, kuna yänakapatix utjki ukanakarusa; jumax taqi luratanakaparuw askimp phuqt'araktaxa, ukat jupax taqi aka uraqin walja uywanakani qamir jaqixa.

Job 1:12

Tatitusti juchañchir angelarux sarakïnwa: —Ukhamax walikiwa. Kunjämarutix jumax Job chachan taqi yänakapamp lurañ munkta ukhamar luram, ukampis juparux janiw kuna jan walsa lurätati —sasa. Ukat juchañchir angelax Tatitun nayraqatapat sarawayxäna.

Job 2:6

Diosasti juchañchir angelar sarakïnwa: —Walikiwa, kunjämtix jumax munkta ukham jupampix luram, ukampis janiw jakañap apaqätati —sasa.

Salmos 76:10

10 (11) Jaqin tipusiñapax jumar jach'añchañaruw tuku; juk'a q'apisiñapas jumaruw jach'añchi.

Éxodo 12:23

Tatitux egipcionakar jiwarayir sarakipkani ukapachasti, uta punkun wila uñjasinxa, uka uta sarakipawayxakiniwa, Tatitux janiw jumanakat maynin jiwañapsa munkaniti.

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Mateo 24:24

Ukürunakanxa walja k'ari cristonaka, k'ari profetanakaw jutani; jupanakasti sallqjañatakix kunayman unañchanaka, muspharkañanak lurapxani, pachpa Diosan ajllitanakapar kunaw pantjayapxani.

Efesios 4:30

Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.

Apocalipsis 14:1

Ukatsti Corderoruw uñjta, Sión qullu patan sayaskiri. Jupamp chikasti patak pusi tunka pusin waranqa jaqinakaw ukankaskäna, jupanakasti paranakaparux Corderon sutipampi, Awkipan sutipampi qillqt'atäpxänwa.

Apocalipsis 6:6

Ukatsti uka pusi jakaskirinak taypit mä aru ist'arakta akham siri: “Mä urpacha irnaqatat qullqi katuqatax mä kilo trigo, jan ukax, kimsa kilo cebada alasiñatakikïniwa; ukampis janiw aceitempina, vinompin alap irxattayätati” sasa.

Apocalipsis 7:1

Uka qhipatsti, pusi angelanakaruw uñjarakta. Jupanakasti aka uraqin pusi tuqitpach sayt'atäsipkänwa, pusi tuqit jutir thayanak jark'asipkäna, kuna thayas aka uraqxar jan thayt'aniñapataki, janirak jach'a qutanakxarusa, kuna quqanakxarusa.

Apocalipsis 8:7

Nayrïr angelaw trompetap phust'äna, ukatsti chhijchhimpi, ninampiw aka uraqirux warxattanïna, wilampi kituntata. Uraqisti niya chikatan chikatapaw nakhantäna, quqanakatsa, taqi ch'uxña quranakatsa niya chikatan chikatapaw nakhantarakïna.