Apocalipsis 9:3 - Qullan Arunaka DC

³ Uka jiwq'itsti t'iju t'ijunakaw misturäna, ukatsti aka uraqin phuqhantapxäna, ukanakasti munañanïñ kankañ katuqapxäna, jaqinakar alacrán sat laq'unakar uñtat achjañataki.

Aymar Bibliia 1986

³ Uca jek'etsti t'ijut'ijunacaw misturäna, ucatsti aca orakenwa wali jalanakapjjäna. Uca t'ijut'ijunacarusti munañanïñawa churasïna cunjämtï alacrán sat lak'onacajj munañanejja uqhama.

Qullan Arunaca

³ Uca jek'etsti t'ijut'ijunacaw misturäna, ucatsti aca orakenwa wali jalanakapjjäna. Uca t'ijut'ijunacarusti munañanïñawa churasïna cunjämtï alacrán sat lak'onacajj munañanejja uqhama.

Apocalipsis 9:3 Jak'a apnaqawi uñst'ayäwi

1 Reyes 12:11

jupatix ch'ama lurañanak jumanakxar wayt'apxstamxa, nayax juk'amp jathi lurañanak wayt'apxäma; jupatix jawq'jas mutuyapxstamxa, nayax hierro k'achin wiskanakampiw jawq'japxäma” —sasa.

2 Crónicas 10:11

jupatix ch'ama tukuñampi irnaqayapxchiyätamxa, nayax juk'amp ch'ama tukuñampiw irnaqayapxäma; jupatix aliq jawq'añampik jawq'apxchïyätamxa, nayax hierro k'achin jawq'añampiw jawq'apxäma” —sasa.

2 Crónicas 10:14

ukatsti kunjämtix waynanakax amuyt'aykän uka pachpa arunak arsüna: “Awkixatix jumanakatak wali qhurüchïnxa, nayax juk'amp qhurüyäwa; jupatix wali ch'ama tukuñampi irnaqayapxchiyätamxa, nayax juk'amp ch'ama tukuñampiw irnaqayapxäma; jupatix aliq jawq'añampik jawq'apxchïyätamxa, nayax hierro k'achin jawq'añampiw jawq'apxäma” sasa.

Isaías 33:4

uñisirinakapasti t'iju t'iju tamjamaw jupanakxar chhukxatapxi, qamir kankañanakapsa aparapxaraki.

Ezequiel 2:6

Jumasti, jupanakarux jan axsaramti, kuntix sapkätam uka arunakarus janirak axsaramti, ch'aphinakan muyuntatjamas uñjaskchïta, jan ukax alacran sata laq'unak taypinjam jikxataskchïta ukasa. Arunakapar janipun axsaramti, jupanakan mayja uñnaqapxatapatsa janirak mayjt'asimti, qawqha naya tuqi sayt'asir jaqinakäsipkpasa.

Joel 1:4

T'iju t'ijunakax q'al manq'suwayapxi, kuntix mayninakax jilt'ayapkän uksa yaqhanakaw jutasin q'al manq'suwayapxi.

Joel 2:25

“Jumanakar tukjañatak t'iju t'ijunak khithankta uka maranakatxa, nayaw kuttayxapxäma.

Nahúm 3:15

ninamp nakhantataw jiwäta, nuwasiñan tukjataw uñjasïta; uñisirinakamax t'iju t'ijunakjamaw jumar tukjätam. Jach'a ch'aman walja soldadonakamas inamayäskaniwa.

Nahúm 3:17

Marka apnaqirinakamax, t'iju t'ijunakar uñtatäpxiwa; soldadonak apnaqirinakax laq'u tamanakar uñtatawa: thayäki ukkhax pirqa patanakaruw junt'urt'asiñatak puripxi, inti lupt'anipansti sarawayxapxiwa, janiw kawkir saratapas yatiskiti.

Lucas 10:19

Nayaw jumanakarux ch'am churapxsma katarinakaru, mich'isir laq'unakar takxatapxañamataki, ukhamarak uñisirin taqi ch'amapar atipt'apxañamataki, ukatsti janiw kunas kamachapkätamti.

Deuteronomio 8:15

Jupaw uka axsarkañ jach'a wasaranjam irpanipxtam, mich'intasir asirunakani, ajarankhunakan phuqhantata, kawkhantix umas jan utjkäna uka chiqa, ukampis Tatitux mä qarqat uma jalsuyäna jumanakan umapxañamataki.

Apocalipsis 9:5

Janiw uka t'iju t'ijunakax jaqir jiwarayañatak munañanïñ katuqapkänti, jan ukasti, jaqinakar phisqa phaxsi t'aqhisiyañatak uskutäpxänwa; t'iju t'ijunakan achjatapasti, alacrán sat laq'un mich'ipat sipan juk'amp usuykirïnwa.

Apocalipsis 9:7

Uka t'iju t'ijunakasti nuwasiñatak wakichat caballonakar uñtatänwa, p'iqinakaparux niyas quri pillumpjam asxatatänwa, jaqi ajanut ajanunjamarakïnwa.

Jueces 7:12

Madianitanaka, amalecitanaka, inti jalsu tuqinkir jaqinakax qhirwa chiqawjan t'iju t'ijunakjamaw ch'iqitatapxatayna, jupanakan camellonakapax quta thiyan utjir ch'allar uñtatänwa.