Apocalipsis 9:3 - Qullan Arunaca

³ Uca jek'etsti t'ijut'ijunacaw misturäna, ucatsti aca orakenwa wali jalanakapjjäna. Uca t'ijut'ijunacarusti munañanïñawa churasïna cunjämtï alacrán sat lak'onacajj munañanejja uqhama.

Aymar Bibliia 1986

³ Uca jek'etsti t'ijut'ijunacaw misturäna, ucatsti aca orakenwa wali jalanakapjjäna. Uca t'ijut'ijunacarusti munañanïñawa churasïna cunjämtï alacrán sat lak'onacajj munañanejja uqhama.

Qullan Arunaka DC

³ Uka jiwq'itsti t'iju t'ijunakaw misturäna, ukatsti aka uraqin phuqhantapxäna, ukanakasti munañanïñ kankañ katuqapxäna, jaqinakar alacrán sat laq'unakar uñtat achjañataki.

Apocalipsis 9:3 Jak'a apnaqawi uñst'ayäwi

1 Reyes 12:11

jupatejj ch'ama lurañanaca jumanacjjaru wayt'apjjstamjja, nayasti juc'ampwa wayt'apjjäma; jupatejj chicotempi jawk'apjjchïyätamjja, nayasti hierro puntani chicotempiw jawk'apjjäma’ —sasa.

2 Crónicas 10:11

jupatejj churapjjchïyätam ch'ama tucuñampi sirviña ucajja, nayajj juc'amp ch'ama tucuñampi sirviñwa churapjjäma; jupatejj lazompi jawk'apjjchïyätam ucajja, nayasti hierro puntan chicotempiw jawk'apjjäma’ —sasa.

2 Crónicas 10:14

ucatsti cunjämtï waynanacajj amuyt'a arunaca churapcäna uca pachpwa arsuraquïna: —Awquejjatejj khorüchïna ucajja, nayajj juc'amp khorüyäwa; jupatejj churapjjchïyätam ch'ama tucuñampi sirviña ucajja, nayasti juc'amp ch'ama tucuñampi sirviñwa churapjjäma; jupatejj lazompi jawk'apjjchïyätam ucajja, nayasti hierro puntan chicotempiw jawk'apjjäma —sasa.

Isaías 33:4

uñisirinacapasti t'ijut'iju tamjamaw, jupanacjjaru chhucjjatapjje, kamir cancañanacapsa apakapjjaraquiwa.

Ezequiel 2:6

Jumasti, chacha, jan ajjsaramti jupanacaru, janiraqui ajjsaramsa cuntejj sapcätam uca arunacarusa, ch'aphinacan muyuntatjamas uñjaschïta ucasa, uqhamaraqui alacranes sat animalanac taypinjam jicjjatascchïta ucasa. Janipun ajjsaramti cuntejj sapcätam uca arunacatjja, janiraqui mayjt'asimsa jupanacan mayja uñnakapjjatapatsa, kawkha naya toke sayt'asiri jakenacäsipcpasa.

Joel 1:4

Takwa t'ijut'ijunacajj mank'suwayapjje, cuntejj mayninacajj jilt'ayapcän ucsa yakhanacaw jutasin k'al mank'suwayapjje.

Joel 2:25

“T'ijut'ijunac jumanac contra qhitancta ejercitor uñtata jumanacar tucjañataqui uca maranacatjja, nayaw cuttayjjapjjäma.

Nahúm 3:15

Ucanwa ninajj k'al naqhantätam, espadampi tucjataw uñjasïta, t'iju t'ijunacjamaraquiw mank'antätam. ¡Uca t'iju t'ijunacjamaraqui mirantam! ¡Kollunacan jalnaker t'iju t'ijunacjama!

Nahúm 3:17

Guardianacamasa, jilïrinacamasa t'iju t'ijunacjamawa, kenayar uñtata, cunapachatejj thayäqui ucqhajja perka patanacaru puripjje, lupi lupt'anjjatatsti sarapjjaraquiwa, ucampis janiw cawquir saratapas yatisquiti.

Lucas 10:19

Nayaw jumanacarojj ch'amjj churapjjsma catarinacjjaru, uqhamarac alacrananacjjaru tacjjatapjjañamataqui, uqhamarac uñisirin take ch'amaparu atipt'apjjañamataqui, janiraquiw cunas camachapcätamti.

Deuteronomio 8:15

Cawquïri Diosatï irpanipjjtam uca jach'a ajjsarcañ wasaranjama, venenon asirunacani, escorpionanacan phokhantata, cawqhantï umas jan utjcäna uca cheka, ucampisa Tatitu Diosajj mä karkat uma jalsuyäna jumanacan umañanacamataqui.

Apocalipsis 9:5

Janiraquiw uca t'ijut'ijunacajj munañanïpcänti jaker jiwarayañataquejja, jan ucasti alekaqui pheska phajjsi t'akhesiyañataqui uscutaquïpjjänwa. Uca jakenacan t'akhesitanacapasti cunjämatï alacrán sat lak'ojj jaker achjqui uqhamänwa.

Apocalipsis 9:7

Uca t'ijut'ijunacasti guerrar sarir caballonacjamänwa, p'ekenacaparojj mä kori coronampjam asjjatata, jake ajanut ajanunjamaraqui.

Jueces 7:12

Ucampis madianitanaca, amalecitanaca, uqhamarac inti jalsu toket jutir jakenacasa valle chekanjja t'ijut'iju lak'onacjamaw aywitatapjjatayna. Jupanacan camellonacapasti waljapunïnwa, kota thiya ch'allaru uñtata.