Apocalipsis 10:1 - Qullan Arunaka DC

¹ Ukatsti ch'aman kankañan yaqha angelaruw uñjta, alaxpachat qinayan llawuntat saraqasinkiri; p'iqipxansti mä kürmiw utjäna, ajanupax intir uñtataw qhanäna, kayunakapasti nina lawranakar uñtatänwa.

Aymar Bibliia 1986

¹ Ucatsti mä wali munañani angelaruw alajjpachat sarakasinquir uñjta mä kenayampi muyuntata, p'ekeparusti mä cürmini cuna. Ajanupajj intir uñtataw khanäna, cayunacapasti ninar uñtataraquïnwa.

Qullan Arunaca

¹ Ucatsti mä wali munañani angelaruw alajjpachat sarakasinquir uñjta mä kenayampi muyuntata, p'ekeparusti mä cürmini cuna. Ajanupajj intir uñtataw khanäna, cayunacapasti ninar uñtataraquïnwa.

Apocalipsis 10:1 Jak'a apnaqawi uñst'ayäwi

Salmos 104:3

¡Jumaw utjäwimarux umanakxar utt'aytaxa! Qinayanakax juman sarnaqañ carronakawa; ¡thayan chhiqhanakapxan sarnaqtaxa!

Salmos 97:2

Jupax ch'amak qinayanakamp muyuntatawa; chiqapar uñjañampi, aski kankañampiw reyi qunuñaparux ch'amañchi;

Éxodo 16:10

Aaronax israelitanakamp parlaskän ukkhasti, akatjamat wasar tuqit mä qinay uñstanir uñjapxäna, Tatitun qhapaq kankañapaw mä qinay taypit uñstanïna.

Cantar de los cantares 5:15

kayunakapax mármol qalat lurat sayirinakar uñtatawa, suma quri patxar utt'ayata; sayt'asitapasti wali sumawa, Libanonkir cedro quqar uñtata;

Isaías 19:1

Egipto markataki profecía arunaka: Tatitur uñtapxam, Egiptoruw jutaski mä jaliri qinayar lat'xatata. Jupa nayraqatansti Egipton diosanakapax khathatipxiwa, Egiptonkir jaqinakasti wal axsarapxi.

Isaías 54:9

Tatitusti Israel markarux siwa: “Uma juiciompi aka uraq q'al chhaqtaykäyäta ukkhaxa, Noé chacharux mä juramentompiw akham sas arsüyäta: ‘Janipuniw mayampsa aka uraqirux uma juiciompi mutuykxäti’ sasa. Uka kipkarakiw jichhax juramentompi arsta, jumampix janipuniw mayampsa phiñaskxäti, janirakiw mayampsa axsaraykxämati.

Lamentaciones 3:44

Nanakan mayisitanakax jan ist'añatakisti qinay taypiruw imantastaxa.

Ezequiel 1:28

uka qhanasti kürmir uñtatarakïnwa, kunapachatix kürmix jallu uruna qinay taypin uñstki ukhama. Tatitun qhapaq kankañapax ukhamar uñtataw nayar uñstitu. Uk uñjasasti, nayax uraqir puriñkamaw p'iqix alt'asirakta.

Daniel (hebreo) 10:6

Janchipasti q'illu qhispillutäkaspas ukhamänwa, ajanupas lliju llijur uñtataw qhantäna. Nayranakapax nina lawranakjamarakïnwa, amparanakapampi, kayunakapampisti broncer uñtataw k'ajäna, jach'a arupax walja jaqinakan parlasipxatanakapjamaw ist'asïna.

Daniel (hebreo) 7:13

“Nayax uka unañchäwinak arumax uñjaskakïyätwa: “Qinayanak taypin maynir jutaskir uñjta, jaqin yuqapar uñtata, jupasti chuymani Jilïr jaqiruw jak'achasi, ukat nayraqatapar irpkatapxaraki.

Levítico 16:2

Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Mateo 17:2

Ukansti Jesusax jupanak nayraqatan qhankiriw tukuwayäna. Ajanupasti intjamaw k'ajäna, isipasti wali janq'ururakiw tukuwayäna.

Lucas 21:27

Ukapachaw Jaqin Yuqapar uñjapxani, qinay patan jach'a ch'amampi, qhapaq kankañamp jutaskiri.

Hechos 26:13

Agripa reyixay, thakhinjam sarkasinsti, chika urükipan mä jach'a qhanax alaxpachat qhant'anitu. Uka qhanasti intit sipan juk'amp jilt'atänwa, uka qhanaw nayar muyuntitu, nayamp chik saririnakarus muyuntaraki.

Apocalipsis 1:7

¡Uñtapxam, Cristox qinay patanjam jutaski! Taqi jaqiw jupar uñjani, jupar chhuxriñchirinakas uñjapxaniwa; akapachankir taqpach markanakas jupar uñjasax wal jachapxani. Jïsa. Ukhamäpan.

Apocalipsis 18:1

Taqi ukanak qhipatsti, yaqha angelaruw uñjarakta alaxpachat wali munañan kankañampi saraqasinkiri; uraqisti uka angelan k'ajatapampiw qhanäna.

Apocalipsis 18:21

Ukatsti mä wali ch'aman angelaw mä jach'a qala apti, ukasti molino qalar uñtat jach'änwa, ukatsti jach'a qutaruw jaqunti akham sasa: “Jach'a Babilonia marka, akham jaquntataw uñjasïta, janirakiw mayampsa uñjapkxätamti.

Apocalipsis 20:1

Ukatsti alaxpachat mä angelar saraqasinkir uñjta, amparaparusti mä jach'a cadena iqt'ata, manqhapach ch'amakan jist'arañap apt'ata.

Apocalipsis 4:3

Qhapaq qunuñan qunt'atäkän ukasti diamante, rubí qalanakar uñtataw k'ajäna, qhapaq qunuñarusti mä kürmiw muyuntäna, ukasti esmeralda qalar uñtatarakiw k'ajäna.

Apocalipsis 5:2

Ukatsti mä wali munañan angelaruw uñjarakta, wali jach'at art'as jiskt'askiri: “¿Khitirak aka qillqat jist'arañataki, sellonaksa ch'iyarañatak askïspasti?” sasa.

Apocalipsis 8:13

Uñtaskakïyätwa, ukatsti mä pakaruw uñjta, alaxanjam tuyuskiri, wali jach'at sarakïna: “¡Ay! ¡Kunakïkan aka uraqin jakir jaqinakatxa, kunapachatix yaqha kimsa angelanakax trompetanakap phust'apkani ukapachaxa!” sasa.