Mateo 16:16 - Qullan Arunaka DC

¹⁶ Simón Pedrosti sänwa: —Jumax Cristo Tatitütawa, jakkir Diosan Yuqapätawa —sasa:

Aymar Bibliia 1986

¹⁶ Ucapachaw Simón Pedrojj sï: —Jumajj Cristo Tatitütawa, jacquir Diosan Yokaparaquïtawa —sasa:

Qullan Arunaca

¹⁶ Ucapachaw Simón Pedrojj sï: —Jumajj Cristo Tatitütawa, jacquir Diosan Yokaparaquïtawa —sasa:

Mateo 16:16 Jak'a apnaqawi uñst'ayäwi

Salmos 2:7

Tatitun arsutap yatiyä: Jupax situwa: “Jumaw nayan wawaxätaxa: jichhüruw jumarux jakañ chursma.

Salmos 42:2

2 (3) Nayax jakkir Diosat pharjatätwa: ¿Kunapacharak Diosan nayraqatapar uñstir sarästi?

Daniel (hebreo) 6:26

26 (27) Nayaw arsta: taqpach markanakaxan Danielan Diosapax yupaychatäpan, yäqatarakïpan. “Jupaw wiñayatak jakkiri Diosaxa. Jupan markapax janipuniw t'unjatäkaniti, ch'amapas janirakiw tukuskaniti.

Mateo 1:16

Jacobux Josean awkipänwa, Joseasti Marian chachapänwa, uka Mariaw Jesusan taykapaxa, Cristo sapktan ukana.

Mateo 14:33

Ukapachaw botenkirinakax killt'asisin Jesusarux sapxäna: —¡Jumax chiqpachapuniw Diosan Yuqapätaxa! —sasa.

Mateo 16:15

Ukat jupanakar jiskt'arakïna: —Jumanakasti ¿khitiw sapxistasa? —sasa.

Mateo 26:63

Jesusasti janiw kuns arskänti. Ukat sacerdotenakan jilïripax jupar säna: —Jakkir Diosan sutipxaruw chiq arsuñamatak maysma. Sapxita: ¿Jumax Diosan Yuqapa Cristötati? —sasa.

Mateo 27:54

Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Mateo 4:3

Supayasti Jesusar yant'añatakiw jak'achasïna, akham sasa: —Jumatix Diosan Yuqapästa ukaxa, aka qalanakar t'ant'ar tukuyam —sasa.

Marcos 14:61

Ukampis Jesusax amukiw ist'äna, janirakiw kuns arskänti. Jilïr sacerdotex wasitat jiskt'askakïnwa: —¿Jumätati Cristoxa, Qullan Diosan Yuqapäki ukaxa? —sasa.

Lucas 2:11

Jichhürux mä Qhispiyiriw Davidan markapan jumanakatak yuri, jupasti CRISTO Tatituwa.

Juan 1:49

Natanaelasti sarakïnwa: —Yatichiri, ¡jumax Diosan Yuqapätawa, Israel markan Reyipa! —sasa.

Juan 11:27

Martasti sarakïnwa: —Jïsa Tatay, jumax Diosan Yuqapa, Cristötawa, khititix akapachar jutañapäkän ukätawa —sasa.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Juan 6:57

Khithankitu uka Awkix jakañaniwa, nayasti jupïpan jakaskta; uka pachparakiw khititix nayat manq'ki ukax nayïpan jakani.

Juan 6:68

Simón Pedrosti juparux sänwa: —Tatay, ¿khitin ukarurak sarapxästi? Juman arunakamax wiñay jakañ arunakawa.

Juan 6:69

Nanakax iyawsxapxtwa, jumax jakkir Diosan Yuqapa Cristötam yatipxarakta —sasa.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Hechos 8:36

Thakhinsti, uma chiqäwja sarkasaw uka etiope jaqix säna: —Akaxay umaxa; ¿kunarak bautismo katuqañaxatak jark'itaspasti? —sasa.

Hechos 8:37

[Felipex jupar sarakïnwa: —Taqi chuyma iyawsasma ukaxa, bautismo katuqasmawa —sasa. Uka jaqisti sarakïnwa: —Nayax iyawstwa, Jesucristox Diosan Yuqapawa —sasa.]

Hechos 9:20

Ukatsti Saulox sinagoganakan Cristot yatiyañ qalltäna: “Jesusax Diosan Yuqapawa” sasa.

2 Corintios 1:19

Diosan Jesucristo wawapasti, khitittix Silvanosa, Timoteosa, nayasa parlapksma ukax janiw “jïsa, janiwa” sirïkänti, jan ukasti, jupanxa Diosan arunakapax chiqapapunïnwa,

2 Corintios 3:3

Ukax qhanakïskiwa, uka qillqatax jumanakäpxtawa, pachpa Criston qillqantata, nanak tuqi churataraki; uka qillqatax janiw tintampi qillqatäkiti, jan ukasti jakkir Diosan Ajayupampi qillqatawa; uka qillqatax janiw sillp'a qalanakar qillqatäkiti, jan ukasti, jaqinakan chuymanakapar qillqatawa.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Deuteronomio 5:26

¿khiti jaqirak jiwasanakjam jakkir Diosan arup nina taypit parlaskir ist'asin, jan jiwkisti?

1 Tesalonicenses 1:9

Jan ukasti jupanak pachpaw nanakan purinitaxat arsusipki, kunjämtix jumanakax yaqha diosanak apanukusax jakkir chiqpach Diosar luqtañatak kutikipstapkta,

1 Timoteo 3:15

ukat aka arunak qillqansma, kunjämsa maynix jakkir Diosan iglesiap taypin sarnaqañapa uka tuqita, uka iglesiaw chiqa kankañar thurxäsi, katxäsiraki.

1 Timoteo 4:10

Ukatakiw jisk'achatäkasas irnaqañatak ch'amachastan, jakkir Diosarus katuyasiraktan, jupasti taqinin Qhispiyiripawa, ukat juk'ampi jupar iyawsapki ukanakan Qhispiyiripawa.

Hebreos 10:31

¡Jakkir Diosan amparapar jalt'añax axsarkayapuniwa!

Hebreos 12:22

Ukatsipan jumanakax Sión qulluru, jakkir Diosan alaxpach Jerusalén markaparu, Diosar yupachañatak tantachat waranqa waranq angelanakaruw jak'achasipxtaxa,

Hebreos 3:12

¡Jilatanaka, amuyasipxam! Janiy jumanakat khitis jan iyawsir ñanqha chuymanix tukpati, janirak jakaskiri Diosatsa saraqpati.

Hebreos 9:14

Ukampis ukatix ukhamächi ukax, ¡qawqha ch'amanïpachas Criston wilapaxa! Cristosti wiñay jakir Ajayu tuqiw Diosarux jupa pachpa jan q'añucht'at luqtasiwayi, uka wilapaw jiwañar apki uka luräwinakasat q'umachistu, ukhamat jakkir Diosar yupaychañasataki.

1 Juan 4:15

Khititix “Jesusax Diosan Wawapawa” sas arski ukax Diosan jaki, Diosasti jupan jakaraki.

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

1 Juan 5:5

Khititix Jesusarux Diosan Wawapätap iyawski ukax akapacharuw atipji.

Apocalipsis 7:2

Ukatsti inti jalsu tuqit yaqha angelar jutaskir uñjarakta, jupasti jakaskir Diosan chimpupanïnwa. Uka angelasti wali jach'at art'äna maynïr pusi angelanakaru, uka angelanakasti munañanïñ kankañ katuqapxatayna aka uraqimpiru, jach'a qutampir jan walt'ayañataki,