Efesios 1:13 - Qullan Arunaka DC

¹³ Cristonkasaw jumanakax suma yatiyäwin chiqpach arunakap ist'apxtaxa, qhispiyasiñ suma arupa, iyawsañat katxarusipxtaxa, ukatsti Cristox arsuwaykistu uka Qullan Ajay katuqapxaraktaxa.

Aymar Bibliia 1986

¹³ Cunapachatejj jumanacajj Tatitun khespiyasiñ arunacap ist'apjjta ucqhajja, Cristorojj iyawsapjjtawa, juparuw mayachasjjapjjaractajja uqhamarac Diosanquirinacjamajj Kollan Ajayumpi sellatäjjapjjaractawa cawquïrtejj jupajj qhitaniñatac arsuwaycäna ucampi.

Qullan Arunaca

¹³ Cunapachatejj jumanacajj Tatitun khespiyasiñ arunacap ist'apjjta ucqhajja, Cristorojj iyawsapjjtawa, juparuw mayachasjjapjjaractajja uqhamarac Diosanquirinacjamajj Kollan Ajayumpi sellatäjjapjjaractawa cawquïrtejj jupajj qhitaniñatac arsuwaycäna ucampi.

Efesios 1:13 Jak'a apnaqawi uñst'ayäwi

Salmos 119:43

Janikiy lakaxat chiqa arunak apaqistati, nayax arunakamaruw chuymax uchta.

Joel 2:28

28 (1) “Taqi akanak qhipatsti, nayax jaqinakxaruw ajayux khithanï; yuqanakamasa, phuchhanakamasa, nayat parlapxani, chuyman jaqinakasti samkanak samkasipxani, waynanakasti jutir urut unañchäwinak uñjapxarakini.

Lucas 11:13

Jumanakatix qhurükasin wawanakamarux sumanak churañ yatipxstaxa, ¡ukat juk'ampi, alaxpachankir Awkimax jupat mayirinakar Qullan Ajay churani!

Lucas 24:49

Nayasti kuntix Awkixax arskitu uk khithanï. Jumanakasti Jerusalén markan qhiparapxam, alaxpachat jutir ch'ama katuqañkama —sasa.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Juan 14:26

ukampis Awkix nayan sutixar khithanki uka Chuymachasir Qullan Ajayuw jumanakar taqi kun yatichapxätam, ukatsti kuntix nayax sapksma ukanak amtayapxarakïtam.

Juan 15:26

“Nayaw Awkixat jutki uka Ajay khithanipxäma, ukatsti kunatix chiqäki uk yatichapxätam. Uka Ajayuw jumanakar yanapapxätam, jupaw nayat arsurakini.

Juan 3:33

Kawkïritix iyawski ukaxa: Diosan arsutapax “Chiqawa” siwa;

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Hechos 1:4

Jesusax apostolunakapampïskän ukapachaw jupanakar akham iwxt'äna: —Jerusalenat janiw kawkirus sarapxätati, Awkixan arsutap phuqhasiñapkam suyapxam, nayax ukxat niy jumanakar yatiyapxsmawa.

Hechos 13:26

“Israelit jilat masinaka, Abrahaman wawanakapa, jumanaka, Diosar axsartas sarnaqir yaqha markankir jaqinaka, aka qhispiyäwi arunakax taqi jiwasanakatakiwa.

Hechos 2:33

Jesusax Diosan kupïxapankañatak aptatänwa, ukatsti Dios Awkit Qullan Ajayu katuqaraki. Jichhasti Jesusax uka pachpa Qullan Ajayu churistu, jupan arsutaparjama. ¡Ukpï jumanakax uñjasipktaxa, ist'asipkaraktasa!

Romanos 1:16

Janiw nayax Diosan suma yatiyäwi arunakapat p'inqaskti, ukasti Diosan ch'amapawa, taqi khitinakatix iyawsapki jupanakan qhispiyasiñ jikxatañapataki, nayraqatax judionakaru, ukhamarak jan judiöpki jupanakarusa.

Romanos 4:11

Abrahamax uka qhipat circuncisión katuqaski, mä chimpükaspas ukhama, Diosax iyawsäwip laykux niyaw aski jaqit katuqxäna. Ukhamat Abrahamax taqi iyawsirinakan awkipaxa, janisay circuncisión katuqapkchïn ukasa; Diosax uka kipkarakiw jupanakarux aski jaqinakat katuqaraki.

Romanos 6:17

Jumanakax nayrax juchan t'aqhisiyat jaqinakäpxäyätawa, Diosasti yuspagaratäpan, yatichäwinak taqi chuyma katuqasin phuqhapxatamata.

2 Corintios 1:22

Jupaw jiwasanakarux chimpt'istu, chuymasarusti Qullan Ajayu ucharakistu, kuntix churapxämaw siskistu uk katuqañax phuqhasiñapataki.

2 Corintios 6:7

ukatsti Diosan chiqa arunakap jupan ch'amapampi parlapxatax laykuraki, kunatix chiqapäki uk arsupxta, ukampipuniw sayt'asipxarakta.

Gálatas 3:14

Ukatpï, kuna askinaktix Diosax Abrahamar arskäna ukax jan judiöpki ukanakatakirakixa. Ukhamasti, Jesucristorutix iyawsañänixa, Diosan arsutaparjamaw Ajay katuqañäni.

Efesios 4:21

chiqpachansa jumanakax jupat yatiyäwi ist'apxtaxa, ukat jumanakax kunjämtix jupax munki ukham jakañ yatiqapxtaxa, Jesusankki uka chiqa kankañaparjama.

Efesios 4:30

Diosan Qullan Ajayuparux jan llakisiyapxamti, jumanakax uka Ajayumpi chimpuntatäpxtawa, ukhamat kunürutix jupax phuqhat qhispiyasiñ churapkätam ukürun Diosankirjam uñt'atäpxañamataki.

1 Tesalonicenses 2:13

Ukat nanakax Diosar sapa kuti yuspagarapxta, kunapachatix nanakax Diosan yatiyäwip yatiyapksma ukkhaxa, jumanakax Diosan yatiyäwipjam katuqapxtaxa, janiw jaqinakan yatiyäwipjamak katuqapktati. Chiqpachansa uka Diosan yatiyäwipaw juma iyawsirinak tuqix qhansti.

2 Timoteo 2:15

Kunäkipansa, Diosan nayraqatapan suma irnaqirjam uñstañatak ch'amachasim, jan kunat p'inqa tukur irnaqir jaqjama, Tatitun chiqa arunakap yatichirjama.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

2 Timoteo 3:15

Ukhamarus jumax wawatpach Tatitun arunakap yattaxa, uka arunakaw yatichätam, Cristo Jesusar iyawsatam laykuw qhispiyasiñar irparakïtam.

Tito 2:11

Tatitusti khuyapayasiñapxa, taqi jaqitak qhispiyasiñap apanisaw uñacht'ayistu.

Hebreos 2:3

¿Kunjämarak uka jach'a qhispiyasiñar jan yäqkañän ukasti mutuyatäñat jaltañänisti? Pachpa Tatituw uka qhispiyasiñat nayraqat yatiyäna, ukatsti khitinakatix uka qhispiyasiñat ist'apkän ukanakarakiw jiwas taypin qhanañchistäna.

Santiago 1:18

Jupax ukham munatap laykux jiwasarux chiqa arunakap tuqiw jakañ churistu, jupan luräwipan nayrïr achupäñasataki.

Santiago 1:21

Ukhamasti, jumanakax q'añu lurañanak apanukupxam, jan wali lurañax utjki ukanak apanukupxarakim, ukatsti kuna arunakatix chuymanakaman yapuchatäki uka arunak llamp'u chuymampi katuqapxam, uka yatiyäwi arusti jumanakar qhispiyañatakix ch'amaniwa.

1 Pedro 2:10

Jumanakax nayrax janiw mä markäpkayätati, jichhasti Diosan markapäxapxtawa. Nayrax jupax janiw jumanakat khuyapayaskänti, ukampis jichhax khuyapayasxapxtamwa.

Apocalipsis 7:2

Ukatsti inti jalsu tuqit yaqha angelar jutaskir uñjarakta, jupasti jakaskir Diosan chimpupanïnwa. Uka angelasti wali jach'at art'äna maynïr pusi angelanakaru, uka angelanakasti munañanïñ kankañ katuqapxatayna aka uraqimpiru, jach'a qutampir jan walt'ayañataki,