Ucat Moisesasti campamentor jac'achasisasti, uñjänwa korit lurata vaca kallu, uqhamarac thokhorinaca, ucatsti wali colerasisawa amparanacapancqui uca tablanacamp jakt'asinjja kollu cayuru jisc'a jisc'a t'unjäna.
1 Samuel 11:6 - Qullan Arunaca Ucanac ist'asinsti, Saúl waynajj Diosan ajayupampi phokt'atäsinjja wali colerasïna. Aymar Bibliia 1986 Ucanac ist'asinsti, Saúl waynajj Diosan ajayupampi phokt'atäsinjja wali colerasïna. Qullan Arunaka DC Ukanak ist'asinsti, Saúl waynax Diosan ajayupampi phuqt'atäsinxa, wal phiñasïna. |
Ucat Moisesasti campamentor jac'achasisasti, uñjänwa korit lurata vaca kallu, uqhamarac thokhorinaca, ucatsti wali colerasisawa amparanacapancqui uca tablanacamp jakt'asinjja kollu cayuru jisc'a jisc'a t'unjäna.
Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.
Colerasisinjja jan juch lurapjjamti, uca colerasiñanacamajj jan jornalpachäpati.
Ucatsti Diosan ajayupaw Jefté chachjjaru jutäna; jupajj saränwa Galaad, Manasés, uqhamarac Mizpa sat Galaad marca cheka pasawayasa amonitanacan take orakenacapa atipjasina catuntasiñataqui.
Mä urusti Sansón chachajj Zora, Estaol sat marcanac taypincqui, uca Dan tribun campamentopancquipanjja Diosan ajayupawa jupana uñstäna.
Ucatsti Diosan ajayupaw Sansón chachjjaru jutäna, mä cabritöcaspas uqhamwa leonarojj jisc'a jisc'a tucjäna. Ucampis awquinacaparojj cunatejj pascän ucjja janiw yatiycänti.
Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.
Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.
Ucampis Diosan ajayupawa Gedeonjjaru jutäna, ucatsti jupajj mä ovejan maysa wajjrapa llamct'äna Abiezer satan familiapanquirinacajja jupampi mayachasipjjañapataqui.
Ucatsti cunapachatejj Saúl waynampi uywatapampi Gabaa sisqui uca chekaru puripcäna ucapachasti, uca mä kawkha profetanacaw jicjjatiri mistuni. Ucapachasti Diosan ajayuparaquiw Saúl waynjjarojj jutäna; jupajj uca profetanacjamaraquiw parläna.
Ucapachaw Tatitun ajayupajj jumjjaru jutani, jupanacampi chicaw profecía arunac parlaraquïtajja, ucatsti yakha jakeruw tucuraquïtajja.
Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.
Ucañcamasti Tatitun ajayupajj janiw Saúl reyimpïcjjänti, Tatitun qhitanita mä ñankha ajayuw juparojj t'akhesiyäna.