1 Samuel 11:7 - Qullan Arunaca

⁷ Ucatwa pä orko vacanaca irpcatanisin, qharinokäna; mayni qhitanac qhitanucusajja, uca aychanacjja take israelit jakenacaruw apayäna, take Israel marcpachana, uca qhitatanacajj aqham sasaw jakenacarojj sapjjäna: “Uqhamaw lurasini cawquïri jaketejj jan Saúl waynampiru, Samuelompiru mayachascani, uqhamarac arccaraquini uca jaken orko vacanacapampejja” sasa. Uc ist'asinsti jakenacajj wali ajjsarapjjäna; mä wawaquïcaspasa uqhamaw jakejj jupanacaru jakcatjjapjjäna.

Aymar Bibliia 1986

⁷ Ucatwa pä orko vacanaca irpcatanisin, qharinokäna; mayni qhitanac qhitanucusajja, uca aychanacjja take israelit jakenacaruw apayäna, take Israel marcpachana, uca qhitatanacajj aqham sasaw jakenacarojj sapjjäna: “Uqhamaw lurasini cawquïri jaketejj jan Saúl waynampiru, Samuelompiru mayachascani, uqhamarac arccaraquini uca jaken orko vacanacapampejja” sasa. Uc ist'asinsti jakenacajj wali ajjsarapjjäna; mä wawaquïcaspasa uqhamaw jakejj jupanacaru jakcatjjapjjäna.

Qullan Arunaka DC

⁷ Ukatsti pä urqu vacanak katusin jisk'a jisk'a kharinuqäna, uka aychanakxa khithanakapampiw taqi Israel markpachar apayäna, jupanakasti sapxänwa: “Kawkïri jaqitix Saúl waynampiru, Samuelumpiru jan mayacht'asis arkkani ukan urqu vacanakapax ukham kharinuqatäniwa” sasa. Uk ist'asinsti jaqinakax axsarañat wal khathatipxäna; ukatsti mä wawakïkaspas ukhamaw jupanakar jaqkatxapxäna.

1 Samuel 11:7 Jak'a apnaqawi uñst'ayäwi

Génesis 35:5

Cunapachatejj jupanacajj sarjjapjjäna ucapachasti, Diosajj uca yakha marcanacarojj wali ajjsarañanaca churäna, ucatwa jupanacajj jan Jacobon wawanacaparojj arctapcänti.

2 Crónicas 14:14

Ucjjarusti Gerar jac'an marcanacajj utjcäna uca marcanacaruw mantantapjjaraquïna, uca laycusti take uca marcanquirinacawa Tatitutaqui ajjsarayasipjjäna. Judá marcanquir jakenacasti take uca marcanacarojja take kamir yänacapwa aparapjjäna.

2 Crónicas 17:10

Uccacamasti Judá marcaru muytatäpcäna take uca marcanacana reinonacapawa Tatitur wali ajjsarapjjäna ucatsti janiw Josafat reyimpi nuwasi munapcänti.

2 Crónicas 19:7

Uqhamasti Tatiturojj ajjsarapjjam, uqhamarac suma amuyasipjjaraquim cuntï lurapcäta ucanacanjja, jiwasan Tatit Diosasasti janiw alekaqui uñjcaniti jan chekapar luratjja, mä kawkhaniruqui uñjatarusa, ni kollke chilltañanacsa” sasa.

Isaías 8:13

Take ch'amani Dios Tatitu saparuquiw ajjsarañajja, jupajj Kollana Diosawa, jupan nayrakatapan ajjsarañasajja.

Jueces 19:29

Utaparu purisasti uñt'atapan jiwat janchipjja cuchillompiw jisc'a jisc'a tunca payaniru qharinokäna, ucatjja take Israel orakpacharuw apayäna.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.