1 Samuel 11:6 - Qullan Arunaka DC

⁶ Ukanak ist'asinsti, Saúl waynax Diosan ajayupampi phuqt'atäsinxa, wal phiñasïna.

Aymar Bibliia 1986

⁶ Ucanac ist'asinsti, Saúl waynajj Diosan ajayupampi phokt'atäsinjja wali colerasïna.

Qullan Arunaca

⁶ Ucanac ist'asinsti, Saúl waynajj Diosan ajayupampi phokt'atäsinjja wali colerasïna.

1 Samuel 11:6 Jak'a apnaqawi uñst'ayäwi

Éxodo 32:19

Campamentor jak'achasasti, Moisesax qurit lurat vaca qallu uñjäna, thuqhurinakaruw uñjarakïna, ukat walpun q'apisïna, amparapankkän uka tablanaksa uraqir jaqt'asin qullu kayun jisk'a jisk'a t'unjäna;

Números 12:3

Chiqpachansa, Moisesax taqi akapachan wali llamp'u chuyman jaqïnwa.

Marcos 3:5

Jesusax phiñasitaw jupanakar uñkatäna, jan amuyt'añ munapxatap yatisin llakt'asïna, ukatsti usut jaqiruw säna: —Amparam ayatatam —sasa. Jupasti iyawsasaw amparap ayatatäna, ukatsti k'umarakïxänwa.

Efesios 4:26

Phiñasisinxa, jan juchachasipxamti; uka phiñasiñax jan jayp'ukamäpanti.

Jueces 11:29

Uka qhipatsti Tatitun ajayupaw Jefté chachxarux jutäna, ukat jupax Galaad, Manasés uraqinak sarakipäna, Galaad chiqankir Mispá sarakipasa, amonitanakan uraqip katuntasiñataki.

Jueces 13:25

Mä urusti, Sansonax Sorá, Estaol chiqanak taypina, Dan chiqankir campamentonkkipan, Tatitun ajayupax jupa tuqi uñacht'ayasiñ qalltäna.

Jueces 14:6

Ukapachaw Tatitun ajayupax Sansonar purïna, ukat mä cabritökaspas ukhamak leonarux jisk'a jisk'a tukjäna; ukampis ukxa janiw awkip taykaparux yatiykänti.

Jueces 15:14

Kunapachatix Lejí chiqar puripkän ukkhasti, filisteonakax kusisiñat wali arnaqt'asisaw jupar jikxatir mistunipxäna. Ukampis Tatitun ajayupaw Sansonxar jutäna, ukat jupax amparanakapan ñach'antata wiskanakxa, jan kunak t'aqaräna, ninampi nakhantat lino ch'anqhäkaspas ukhama;

Jueces 3:10

Tatitun ajayupaw Otoniel chachxaru jutäna, jupaw israelitanakarux irptäna; nuwasiriw mistüna, ukatsti Tatitux Cusán-risataim reyiruw atipt'ayäna.

Jueces 6:34

Ukampis Tatitun ajayupaw Gedeonxar jutäna, ukatsti jupax trompet phust'äna, Abiézer wila masi tamanakapan jupampi mayacht'asipxañapataki;

1 Samuel 10:10

Ukatsti Saúl waynampi uywatapampix Guibeá chiqar puripkäna ukkhaxa, mä tama profetanakaw jupanakar jikxatir mistunïna. Ukapachasti Diosan ajayupaw Saúl waynxarux jutäna, jupasti uka profetanakjamarakiw parläna.

1 Samuel 10:6

Ukapachaw Tatitun ajayupax jumxaru jutani, jupanakamp chikaw profecía arunak arsüta, yaqha jaqiruw tukurakïta.

1 Samuel 16:13

Ukspachaw Samuelux aceiten uchat waxra aptasin uka waynarux jilanakapan nayraqatapan aceitempi p'iqipxar warxatasin reyïñapatak yaqhachxäna, uka waynasti David satänwa. Ukat uksarusti Tatitun ajayupaw jupxankäna. Ukatsti Samuelux Ramá chiqaruw sarxäna.

1 Samuel 16:14

Ukchañkamasti Tatitun ajayupax janiw Saúl reyimpïkxänti, Tatitun khithanita mä ñanqha ajayuw juparux t'aqhisiyäna.