Jueces 15:14 - Qullan Arunaca

¹⁴ Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.

Aymar Bibliia 1986

¹⁴ Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.

Qullan Arunaka DC

¹⁴ Kunapachatix Lejí chiqar puripkän ukkhasti, filisteonakax kusisiñat wali arnaqt'asisaw jupar jikxatir mistunipxäna. Ukampis Tatitun ajayupaw Sansonxar jutäna, ukat jupax amparanakapan ñach'antata wiskanakxa, jan kunak t'aqaräna, ninampi nakhantat lino ch'anqhäkaspas ukhama;

Jueces 15:14 Jak'a apnaqawi uñst'ayäwi

Job 20:5

Ñankha jaken cusisiñapajj juc'ataquiquiwa, uca cusist'añapasti mä juc'ataquiquiraquiwa.

Salmos 118:11

Take toket muyuntapjjetäna, Tatitun ch'amapampisti atipjtwa;

Salmos 18:34

jupaw nuwasiñataquejj amparanacajjar waquichi, broncet lurat flechanac jiyintañataquiw ch'am churaraquitu.

Éxodo 14:3

Ucampis faraonajj aqham saniwa: ‘Israelitanacajj janiw cawcsarus sarapcaspati, wasaranjj chhakhataw sarnakasipqui’ sasa.

Éxodo 14:5

Faraonarusti yatiyapjjänwa israelitanacan sarjjapjjatapjja. Ucatsti faraonampi, yanapirinacapampejj israelitanacat parlaquipasinjja sapjjaraquïnwa: “¿Cunsa lurtan israelitanacar sarjjer antutasinjja, uqhamat jan jiwasar sirviñapataquejja?” sasa.

Miqueas 7:8

“Jumasti, nayan uñisirejja marca, aynacht'atajjatjja jan cusisimti, aynacht'atatsa sartascaquïwa. Lajja ch'amacas muyuntitpan ucasa, Tatituw khanajjajja.

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Filipenses 4:3

Jumarusti, wali munat nayampi chica irnakeri, achict'assmawa jumajj yanapt'amaya uca cullacanacarojja, jupanacajj nayampi chicaraquiw khespiyasiñ arunaca yatiyañanjja, irnakapjjänjja. Clementempi cunaraquiw irnakapjjänjja, uqhamarac mayni yanapirinacajjampi. Jupanacan sutinacapasti jacañ libron kellkatäjjewa.

Jueces 14:19

Ucampis Diosan ajayupaw Sansón chachjjaru jutäna, ucatsti Sansón chachajj Ascalón sat chekaruw saräna, ucansti quimsa tunca jaquinacaruw jiwarayäna, ucanacatwa isinacapjja aparaniwayasajja, yatjjatañan atipapqui ucanacaru churañataqui. Ucatsti churawayasinjja awquipan utaparojj wali colerataw cutt'jjäna.

Jueces 14:6

Ucatsti Diosan ajayupaw Sansón chachjjaru jutäna, mä cabritöcaspas uqhamwa leonarojj jisc'a jisc'a tucjäna. Ucampis awquinacaparojj cunatejj pascän ucjja janiw yatiycänti.

Jueces 15:13

Jupanacasti sapjjaraquïnwa: —Janiw nanacajj jiwayapcämati, jan ucasti catuntasinjja filisteonacaruquiw irpjjaruyapjjäma —sasa. Ucatsti pä machak wiscanacampi chinuntasinwa imantascäna uca kala janqhar p'iyata irpsunipjjäna.

Jueces 15:9

Filisteonacajja jutasinjja Judá orakenacata Lehi satcamaw campamentonacapa sayt'ayasipjjäna.

Jueces 16:12

Ucatsti Dalilajj machaka wiscanacampi ñach'antasinjja sänwa: —¡Sansón, filisteonacaw jumar catuntiri jutapjjatayna! —sasa. Jichha cutinjja uqhamaraquiquiw utaparu jakenacjja imantaraquiquïna. Ucampis Sansón chachajja may thokthapisinjja jan cunac uca wiscanacjja t'akthapïna mä juch'usa hilor uñtata.

Jueces 16:24

Cunapachatejj jakenacajj uñjapjjäna ucqhasti k'ochupjjänwa, yupaychapjjaraquïnwa diosaparu aqham sasa: “Jiwasan diosasawa catuyistu Sansón uñisirisarojja, jupasti yapunacasa tucjiri, uqhamarac walja jakenacasa jiwarayiriraquiwa” sasa.

Jueces 16:9

Ucampis jamasa utaru jakenaca imantasinjja sänwa: —¡Sansón, filisteonacaw jumar catuntiri jutapjjatayna! —sasa. Ucatsti Sansón chachajj may thokthapisajj uca phalanacjja jan cunac t'akaräna naqhantata phalanacäcaspas uqhama. Ucampis filisteonacajj janiw yatjjataña puedipcänti, Sansón chachan ch'amapajj cawqhatsa jutän ucjja.

Jueces 3:10

Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Jueces 5:30

‘Inasa cuntejj guerrana gananipqui ucanaca jaljasisipcchi. Maya, jan ucajj paya warmi sapa maynitaqui, Sisarataquisti suma coloranacat lurat telanaca, maya jan ucajj paysa, uqhamarac walja coloranacampi bordatäqui ucsti atipjirina cuncapataquiraqui’ sasa.

1 Samuel 10:10

Ucatsti cunapachatejj Saúl waynampi uywatapampi Gabaa sisqui uca chekaru puripcäna ucapachasti, uca mä kawkha profetanacaw jicjjatiri mistuni. Ucapachasti Diosan ajayuparaquiw Saúl waynjjarojj jutäna; jupajj uca profetanacjamaraquiw parläna.

1 Samuel 10:6

Ucapachaw Tatitun ajayupajj jumjjaru jutani, jupanacampi chicaw profecía arunac parlaraquïtajja, ucatsti yakha jakeruw tucuraquïtajja.

1 Samuel 11:6

Ucanac ist'asinsti, Saúl waynajj Diosan ajayupampi phokt'atäsinjja wali colerasïna.

1 Samuel 17:35

nayajj khepat arctirïyäta, ucat uca oveja aparirïtjja. Ucampisa cunapachatejj uca animalajj cutiquipstanisin jaljjatañ munitän ucqhasti, nayajj lacat catusin ch'iyt'irïyäta, jiwayañcamaraquiw jawk'jirïyäta.

1 Samuel 4:5

Campamentoru uqham Tatitun Arust'äwi Arcapa purinitapatsti israelitanacajj cusisiñatjja walpun arnakasipjjäna, oraksa qhathatiyapjjänwa.