Marcos 3:5 - Qullan Arunaca

⁵ Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

Aymar Bibliia 1986

⁵ Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

Qullan Arunaka DC

⁵ Jesusax phiñasitaw jupanakar uñkatäna, jan amuyt'añ munapxatap yatisin llakt'asïna, ukatsti usut jaqiruw säna: —Amparam ayatatam —sasa. Jupasti iyawsasaw amparap ayatatäna, ukatsti k'umarakïxänwa.

Marcos 3:5 Jak'a apnaqawi uñst'ayäwi

Génesis 6:6

jupajj jaquir uscutapjja wal amtäna, walirac chuymapjja usuyasïna,

1 Reyes 13:6

Ucatsti reyejj profetarojj sänwa: —Nayajj achict'assmawa Tatitu Diosamaru naya laycu mayiñama, amparajjana c'umaräjjañapataqui —sasa. Profetasti Tatituruwa mayïna, ucatsti reyin amparapajj c'umaräjjänwa nayrjama.

Nehemías 13:8

Uqham luratapasti janiw nayataquejj sumäcänti, ucatsti uca utatjja Tobiasan take yänacapjja ankarcamawa apsunta.

Salmos 95:10

Pusi tunc maraw qhä jakenacataquejj k'apisïyäta, ucat säyäta: Aca marcajj wali pantjataw sarnake; ¡janiw arsutanacajjar jaysapquiti!, sasa.

Mateo 12:13

Uca jakerusti saraquïnwa: —Amparam lokatatam —sasa. Uqham satapatsti lokatatiwa, uca amparapasti c'umaräjjaraquïnwa.

Marcos 3:4

Ucatsti Jesusajj jakenacarojj jisct'araquïnwa: —¿Cuna lurañas waquisi samarañ urunjja, asqui lurañat jan ucajj ñankha lurañacha? ¿Kollañati jan ucajj jiwayañacha? —sasa. Jakenacasti amuquïpjjänwa.

Lucas 13:15

Ucapachaw Tatitojj jupar saraquïna: —C'ari chuymaninaca, ¿janit jumanacat cawquïris vacapsa jan ucajj asnopsa jararquejj samarañ urunjja, umt'ayir irpañataquejja?

Lucas 17:14

Jesusasti jupanacar uñjasinjja sänwa: —Sarapjjam, sacerdoter uñstanipjjam —sasa. Jupanacasti sarcasawa c'umaräjjapjjäna.

Lucas 6:10

Ucapachaw Jesusajj jupar muyuntatäcäna ucanacaru uñti, usut jakerusti siwa: —Amparam ayatatam —sasa. Jupasti iyawsasaw amparap ayatatäna, amparapasti c'umaräjjänwa.

Juan 9:7

Ucatsti saraquïnwa: —Saram, Siloé estanquer jarekasiri —sasa. (Ucajj qhitanita, sañ muni.) Juyqhusti sarasinjja jarekasïnwa; cutt'anjjän ucqhasti uñj-jjänwa.

Romanos 11:25

Jilatanaca, nayajj muntwa jumanacajj Diosan jamasan imantatäqui uca yatipjjañama, jan jumanacajj wali yatiñaninacjam tucupjjañamataqui. Ucasti acawa: Yakhep israelitanacajj chekpachansa chuymanacapjja kalarayasipjjewa, ucasti qhitinacatejj jan israelitanacäquis ucanacan mantañapcamaquiw lurasi.

2 Corintios 3:14

Ucampis jupanacajj janiw amuyapcänti. Jichhas cunapachatï uca nayra arust'äwi leet'asipqui ucqhajja, janiw amuyapquiti. Uca velosti janiw jupanacat apakatäquiti, Cristoquiw uca veljja apakaspa.

Efesios 4:18

Uca amuyunacapasti ch'amact'atawa, chuymanacap kalarayasipjjatap laycusti janiw cuns yatipquiti, ucatwa Diosat jutqui uca jacañsa jan catokapquiti.

Efesios 4:26

Colerasisinjja jan juch lurapjjamti, uca colerasiñanacamajj jan jornalpachäpati.

Efesios 4:30

Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

Hebreos 3:10

Ucatwa colerasta uca jakenacataquejja, ucat saracta: ‘Chuymanacapanjj jayanpun sarnakapjje, ucatsti janiw thaquejj-jja uñt'añ munapquiti.’

Hebreos 3:17

¿Qhitinacampiraquis Diosajj pusi tunc mara coleratänjja? Juchachasirinacampi, cawquïrinacatejj wasaranjj jiwarapjje ucanacampiwa.

Hebreos 5:9

Uqhama suma tucuyatäsinjja wiñay khespiyasiñ chuririw tucu take jupar jaysirinacarojja;

Apocalipsis 6:16

Kollunacarus karkanacarus sapjjaraquïnwa: “¡Nanacjjaru jaljjattapjjeta, imantapjjaraquita qhititejj tronon kont'atäqui ucata, uqhamarac cuna ajjsarcañ mutuñtï Corderojj apancani ucatsa imantapjjaraquita! sasa.

Jueces 10:16

Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.

1 Samuel 20:34

Uqhamasti Jonatanajj wali colerataw sarti cawqhantejj kont'atäcäna ucqhata, uqhamaraqui khepürojja janiw uca mank'äwiru sarcjjänti, Davidat wali llaquisitapata, awquipan uca ñankha lurañ amtatap laycu.