Jueces 14:6 - Qullan Arunaca

⁶ Ucatsti Diosan ajayupaw Sansón chachjjaru jutäna, mä cabritöcaspas uqhamwa leonarojj jisc'a jisc'a tucjäna. Ucampis awquinacaparojj cunatejj pascän ucjja janiw yatiycänti.

Aymar Bibliia 1986

⁶ Ucatsti Diosan ajayupaw Sansón chachjjaru jutäna, mä cabritöcaspas uqhamwa leonarojj jisc'a jisc'a tucjäna. Ucampis awquinacaparojj cunatejj pascän ucjja janiw yatiycänti.

Qullan Arunaka DC

⁶ Ukapachaw Tatitun ajayupax Sansonar purïna, ukat mä cabritökaspas ukhamak leonarux jisk'a jisk'a tukjäna; ukampis ukxa janiw awkip taykaparux yatiykänti.

Jueces 14:6 Jak'a apnaqawi uñst'ayäwi

Salmos 91:13

catarinacarusa, asïrunacarus takjjatascaquïtawa, leonanac taypinsa, ajjsarcañ animalanac taypinsa, sarnakascaquïtawa.

Isaías 42:2

Janiw arnakascaniti, janiraquiw arscanisa, jupan arupajj janiraquiw callenacansa ist'ascaniti,

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Mateo 11:29

Nayan yugojja apapjjam, ucatsti nayat yatekasipjjaraquita. Nayasti llamp'u chuymani, alt'at chuymaniraquïtwa, ucatwa almaman samarañapjja jicjjatapjjäta.

Hebreos 11:33

Iyawsäwi laycuw yakha marcanacarus jupanacajj atipapjjäna, suma apnakapjjaraquïna, uqhamarac Diosajj arscatayna uca yanapt'apsa catokapjjaraquïnwa. Leonanacan lacanacapsa jist'antapjjaraquïnwa,

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.

Jueces 11:29

Ucatsti Diosan ajayupaw Jefté chachjjaru jutäna; jupajj saränwa Galaad, Manasés, uqhamarac Mizpa sat Galaad marca cheka pasawayasa amonitanacan take orakenacapa atipjasina catuntasiñataqui.

Jueces 13:25

Mä urusti Sansón chachajj Zora, Estaol sat marcanac taypincqui, uca Dan tribun campamentopancquipanjja Diosan ajayupawa jupana uñstäna.

Jueces 14:19

Ucampis Diosan ajayupaw Sansón chachjjaru jutäna, ucatsti Sansón chachajj Ascalón sat chekaruw saräna, ucansti quimsa tunca jaquinacaruw jiwarayäna, ucanacatwa isinacapjja aparaniwayasajja, yatjjatañan atipapqui ucanacaru churañataqui. Ucatsti churawayasinjja awquipan utaparojj wali colerataw cutt'jjäna.

Jueces 14:5

Sansón waynasti, awquipampi, taycapampi uqhamaw Timnat sat marcaru sarapjjäna. Cunapachatejj marca jac'a uva yapunacar puripcäna ucqhajja mä leonawa warart'asis mistsunïna jaljjatañataqui.

Jueces 14:7

Ucat sarasinjja cawquïr tawakorutejj muncäna ucampiw parlanïna.

Jueces 15:15

Ucjjarusti mä chhuyu asno quijada ch'aqha catusinsti, ucampiw waranka filisteonaca jiwarayäna.

Jueces 15:8

Ucat wali colerata nuwasisasti filisteonacan take ch'aqhanacapwa p'aquiräna. Ucatsti Etam sat kala janqhara p'iyaruw jaquiri sarjjäna.

Jueces 16:30

jach'at art'äna: “¡Take filisteonaca nayampi chica jiwarapjjam!” sasa. Take ch'amapampiw nuqhutatäna. Ucat templojj alljjattänwa filisteonacan take jilïrinacaparu, uqhamarac take uca mankhenquirinacaru. Sansón chachajj jiwañapa horasanjja waljaninacwa jiwarayawayäna, jaccasinsa jiwaraycän ucatsa juc'amp jila.

Jueces 3:10

Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

1 Samuel 10:16

Saúl waynajj tioparojj saraquïnwa: —Khanwa sapjjetu kachu asnonacajj uñstjjatapata —sasa. Ucampisa Saúl waynajj janipuniw cuntejj reyïña toket Samuelojj parlcatayna ucanacjja arsuscänti.

1 Samuel 10:6

Ucapachaw Tatitun ajayupajj jumjjaru jutani, jupanacampi chicaw profecía arunac parlaraquïtajja, ucatsti yakha jakeruw tucuraquïtajja.

1 Samuel 11:6

Ucanac ist'asinsti, Saúl waynajj Diosan ajayupampi phokt'atäsinjja wali colerasïna.

1 Samuel 14:1

Saúl reyin Jonatán yokapajj mä urojj yanapiriparojj sänwa: “Jutam, jawir maqhatañäni, ucat uca jawira qhurcatanquir filisteonacar nuwjaniñäni” sasa. Ucampisa Jonatanajj janiw uca toketjja cunsa awquiparojj yatiycänti.

1 Samuel 17:46

Jichhajj Tatitojj jumarojj amparajjaruw catuyitani, ucatsti jichhpachaw jiwt'ayäma, p'ekemsa apakaraquïmawa. Uqhamarac filisteonacan janchipsa alajjpach jamach'inacaruw mank'añanacapataqui churä, pampanquir animalanacaw mank'apjjaraquini. Uqhamatwa take jakenacajj yatipjjani, Israelanjja mä Diosajj utjatapa.