Jueces 14:5 - Qullan Arunaca

⁵ Sansón waynasti, awquipampi, taycapampi uqhamaw Timnat sat marcaru sarapjjäna. Cunapachatejj marca jac'a uva yapunacar puripcäna ucqhajja mä leonawa warart'asis mistsunïna jaljjatañataqui.

Aymar Bibliia 1986

⁵ Sansón waynasti, awquipampi, taycapampi uqhamaw Timnat sat marcaru sarapjjäna. Cunapachatejj marca jac'a uva yapunacar puripcäna ucqhajja mä leonawa warart'asis mistsunïna jaljjatañataqui.

Qullan Arunaka DC

⁵ Ukhamasti, Sansonax awkipampi, taykapampiw Timná markar saräna. Kunapachatix Sansonax markan uva yapunakapar purkän ukkhaxa, mä leonaw warart'asis jupar jalxatäna.

Jueces 14:5 Jak'a apnaqawi uñst'ayäwi

2 Samuel 23:20

Joiada jaken yokapa, Benaía satäqui cawquïritejj Cabseel sisqui uca chekan utjcän ucasti mä suma jakeraquïnwa, janiraquiwa cunsa ajjsarirïcänti, jupajj wali suma jach'a luräwinacwa luraraquïna. Juparaquiw Moab marcanquiri Ariel sat jaken pani yokanacaparojj jiwarayänjja. Mä urusti cunapachatejj wali qhunuscän ucapachasti jupajj mä jach'a p'iyaruw sarakascäna, ucansti mä leonaruw jiwt'ayaraquïna.

1 Crónicas 11:22

Joiada chachan, Cabseel marcanquiri Benaía yokapasti, wali aytatänwa walja luräwinaca luratap laycu. Jupawa jiwayäna Moab ucanquir Ariel chachan pani yokanacaparu. Mä urojj qhunuscäna ucqhajja mä puturu mantasinwa uca mankhena mä leonaru jiwayäna.

Salmos 91:13

catarinacarusa, asïrunacarus takjjatascaquïtawa, leonanac taypinsa, ajjsarcañ animalanac taypinsa, sarnakascaquïtawa.

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Hebreos 11:33

Iyawsäwi laycuw yakha marcanacarus jupanacajj atipapjjäna, suma apnakapjjaraquïna, uqhamarac Diosajj arscatayna uca yanapt'apsa catokapjjaraquïnwa. Leonanacan lacanacapsa jist'antapjjaraquïnwa,

Josué 15:10

Baala chekatsti korpajj muytanïnwa intis jalantqui ucsacama Seir sat kollur puriñcama; pasascaquïnwa Quesalón sutin chekanjama Jearim kollu amsta thiyanjam pasasina ucata Bet-semes chekar puriñcama, Timna sat cheka pasañataqui.

1 Pedro 5:8

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

Jueces 14:4

Awquinacapajj janiw yatipcänti uqhamäñapa Diosatti jutaspa jan ucajj janicha ucjja. Ucampis jupajja thakhascänwa filisteonacampi cunjämata nuwasiñataquisa. Uca urunacajj filisteonacaw israelitanacar apnakäna uca laycu.

Jueces 14:6

Ucatsti Diosan ajayupaw Sansón chachjjaru jutäna, mä cabritöcaspas uqhamwa leonarojj jisc'a jisc'a tucjäna. Ucampis awquinacaparojj cunatejj pascän ucjja janiw yatiycänti.

1 Samuel 17:35

nayajj khepat arctirïyäta, ucat uca oveja aparirïtjja. Ucampisa cunapachatejj uca animalajj cutiquipstanisin jaljjatañ munitän ucqhasti, nayajj lacat catusin ch'iyt'irïyäta, jiwayañcamaraquiw jawk'jirïyäta.