Jueces 14:4 - Qullan Arunaca

⁴ Awquinacapajj janiw yatipcänti uqhamäñapa Diosatti jutaspa jan ucajj janicha ucjja. Ucampis jupajja thakhascänwa filisteonacampi cunjämata nuwasiñataquisa. Uca urunacajj filisteonacaw israelitanacar apnakäna uca laycu.

Aymar Bibliia 1986

⁴ Awquinacapajj janiw yatipcänti uqhamäñapa Diosatti jutaspa jan ucajj janicha ucjja. Ucampis jupajja thakhascänwa filisteonacampi cunjämata nuwasiñataquisa. Uca urunacajj filisteonacaw israelitanacar apnakäna uca laycu.

Qullan Arunaka DC

⁴ Awkip taykapasti janiw amuyapkänti Tatit pachpa taqi kunsa ukhamäñapatak wakt'ayatapa, Tatitux filisteonakampi kunjämatsa nuwasiñ thaqhaskäna, uka urunakansti filisteonakaw israelitanakar apnaqäna.

Jueces 14:4 Jak'a apnaqawi uñst'ayäwi

1 Reyes 12:15

Reyisti janiw ist'cänti marcarojja, Tatituw uqham lurasiñapa wact'ayäna uca laycu, phokhasiñapataqui cuntejj Tatitojj Nabat ucan Jeroboam yokaparu arscäna, Ahías profeta toke Silo chekana ucaru.

1 Reyes 12:24

Nayaw sapjjsma jan nuwasipjjamti israelita jilanacapampi. Takenisa utanacaparcama cutt'jjapjjpan, nayajj uqhamwa wact'ayta uca laycu” sasa. Tatitun take uca arunacapa ist'asinjja, cutt'awayjjapjjänwa, cunjämtï Tatitojj siscäna uqhamaru phokhasina.

2 Reyes 6:33

Jupanacampi uqham parlquipanwa qhitatajj purinïna jupan ucaru; ucatsti Eliseorojj sänwa: —Chekpachansa Tatitojjaya aca jan walt'añjja apayanchistojja, ¿cunsa nayajj jupat juc'ampi suyiristjja?

2 Crónicas 10:15

Reyisti janiw marcarojj ist'añ muncänti, Tatituw uqham pasañapataqui wact'ayatayna uca laycu, uqhamarac lurascäna ucajj phokhasiñapataqui cuntï Nabat chachan Jeroboam yokapar arscäna uca, Silo chekanquiri Ahías chacha toke.

2 Crónicas 22:7

Diosaw waquichäna Ocoziasajj Joram reyin ucar uñjt'ir sarcas jiwañapataqui. Uca horasa purisinjja Joramampi mistusinwa Nimsi chachan Jehú uca yokapampi jiquisir sarapjjäna. Ucampis Diosajj Jehú chacharuw ajllisïna Acab chachan familiaparu tucjañapataqui.

2 Crónicas 25:20

Ucampis Amasiasajj janiw jupar ist'cänti, Diosaw uqhamäñapataqui wact'ayäna uca laycu, Joás reyin amparapar catuyañataqui, jupan Edom chekanquiri diosanacapar saratap laycu.

Salmos 115:3

Diosasajj alajjpachanquiwa, cuntejj jupajj munqui uc luri.

Daniel (hebreo) 6:4

Ucatsti uca uñjirinacajja uqhamaraqui marca apnakerinacasa, cunaymanit Daniel chacharojj aynacht'ayañ thakapjjäna, janiw suma apnakerïquiti sasa aynacht'ayañataqui, ucampisa cunjämatejj Daniel jupajj chekapa jakënjja, janiw cunjämatsa juparojj aynacht'ayañ puedipcänti.

Deuteronomio 28:48

Jumaraquiw sirvïta cawquïri uñisirinacamtejj Diosajj jumjjaru apayanïtam ucanacarojja; umatsa, mank'atsa t'akhesiraquïtawa, isitsa jalstasa take pist'ayasiñanaca uñt'araquïta. Diosaw esclavot t'akhesiyätam jumaru t'unjañcama.

Josué 11:20

Dios quipcaraquiw uca jakenacarojj chuymanacap kalarayäna jupanacan wali ch'amampi israelitanacampi nuwasiñapataqui, ucata israelitanacan mayaqui t'unjatäñapataqui jan qhuyapayasisa cunjämtï Diosajj Moisesaru sawaycänjja uqhama.

Jueces 13:1

Israelitanacasti wastatampiw Dios nayrakatanjja jan walinaca lurjjapjjaraquiquïna. Ucatsti Diosajja pusi tunca maranaca filisteonacampi t'akhesiyatäñaruw catuyäna.

Jueces 14:5

Sansón waynasti, awquipampi, taycapampi uqhamaw Timnat sat marcaru sarapjjäna. Cunapachatejj marca jac'a uva yapunacar puripcäna ucqhajja mä leonawa warart'asis mistsunïna jaljjatañataqui.

Jueces 15:11

Uqham ist'asinsti Judá tribunquir quimsa waranka jakenacasti tantacht'asiwayasajj Etam sat kala janqhara p'iyaruw sarapjjäna. Ucar purisajj Sansón chacharojj sapjjänwa: —¿Janiti yatcta filisteonacajj jiwasanacatsa juc'ampi ch'amanïtapjja? ¿Cunatsa aqhama jan walt'añanacar apantapjjesta? —sasa. Ucat Sansón chachajj saraquïnwa: —Janiw nayajj cuna jan walsa lurcti, jan ucasti jupanacawa nayarojj jan wali lurapjjetu —sasa.

Jueces 15:3

Ucat Sansón chachajj saraquïnwa: —¡Jichhasti janiw nayajj cuna juchanïcäsa cuna jan walinactejj filisteonacaru lurcä ucatjja! —sasa.