1 Samuel 16:13 - Qullan Arunaca

¹³ Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.

Aymar Bibliia 1986

¹³ Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.

Qullan Arunaka DC

¹³ Ukspachaw Samuelux aceiten uchat waxra aptasin uka waynarux jilanakapan nayraqatapan aceitempi p'iqipxar warxatasin reyïñapatak yaqhachxäna, uka waynasti David satänwa. Ukat uksarusti Tatitun ajayupaw jupxankäna. Ukatsti Samuelux Ramá chiqaruw sarxäna.

1 Samuel 16:13 Jak'a apnaqawi uñst'ayäwi

2 Samuel 12:7

Natanasti saraquïnwa: —¡Jumätaw uca jakejja! Ucwa khanañchi Israelan Tatitu Diosapajja: ‘Nayaw jumarojj Israelan reyipat ajllissma, uqhamaraqui Saúl reyin amparapatsa khespiyaracsma;

2 Samuel 2:4

Ucaruw Judá tokenquir jakenacajj purintanipjjaraquïna, ucanwa Davidarojj Judá marcan reyipäñapataqui utt'ayjjapjjaraquïna. Davidarusti yatiyapjjaraquïnwa Jabes de Galaad sisqui ucsa jakenacan Saúl reyir imantjjatapa.

2 Samuel 23:1

Acanacaw Davidan khepa arunacapajja: “David, Isaí chachan yokapa, Diosan jach'aru aptata jake, Jacob chachan Diosapan ajllisit reyi, Israelan suma k'ochunacap k'ochuri, jupasti aqham saraquiwa:

2 Samuel 5:3

Uqhamaw Israelanquir take jilïri jakenacajj Hebrón chekan David reyimpi parliri sarapjjäna, jupasti mä arust'äwi luraraquïna jupanacampejja, Tatituru testigot uscusa. Uqhamasti jupanacajj uca urojj Davidarojj reyit utt'ayjjapjjäna, take Israel marcjjaru.

2 Reyes 9:6

Ucspachaw Jehú capitanajj sartasisina utaru mantäna. Ucatsti profetajj p'ekeparuwa aceite warjjatäna, aqham yatiyasa: —Israelan Tatit Diosapajj aqham siwa: ‘Nayawa Israel marcajj-jjarojj reyita utt'aysma.

1 Crónicas 11:3

Uqhamatwa Israelana take chuyman awquinacajj sarapjjäna David reyimpi parliri Hebrón chekana, ucatsti Davidajj jupanacampiw mä suma parlt'äwiru mantäna, Tatituru testigota uchasina. Ucatsti jupanacajj Davidarojj Israelan reyipatwa utt'ayapjjäna, cunjämtï Diosajj arscäna Samuel toke uqhamaru.

Salmos 89:20

¡David uywatajjaruw jicjjatta! kollan aceitemp jawintasaw reyit utt'ayta;

Salmos 89:21

yanapajjajj janipuniw jupatac pist'caniti, ¡ch'amajjampiw jupar ch'amañchä!,

Números 11:17

Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Números 27:18

Tatitusti Moisesarojj sänwa: —Josué sat Nun chachan yokapajj suma amuyt'ani jakewa. Irptanim ucatsti amparamampi p'ekepat lokjjatam,

Juan 3:34

Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.

Hechos 13:22

Uca khepatsti Diosajj Saúl reyir jakonucusinjja, Davidaruw reyit utt'ayäna. Jupatsti aqham saraquïnwa: ‘Nayajj Isaí chachan David yokaparuw jicjjatta. Cawquïritejj munañajjarjam sarnakerïqui, ucawa take cuntï nayajj muncta uc lurani’ sasa.

Hebreos 1:9

Cunatejj chekäqui ucwa muntajj, jan walïqui ucsti uñistawa; ucatwa juman Diosamajj chhijllastam, jumjjarojj juc'amp jila cusisiñjj churtamjja mayninacat sipansa.

Hebreos 11:32

¿Cunamps säjja? Tiempow jan utjquituti Gedeón, Barac, Sansón, Jefté, David, Samuel take ucanacata, profetanacampita parlañajjataquejja.

Jueces 11:29

Ucatsti Diosan ajayupaw Jefté chachjjaru jutäna; jupajj saränwa Galaad, Manasés, uqhamarac Mizpa sat Galaad marca cheka pasawayasa amonitanacan take orakenacapa atipjasina catuntasiñataqui.

Jueces 13:25

Mä urusti Sansón chachajj Zora, Estaol sat marcanac taypincqui, uca Dan tribun campamentopancquipanjja Diosan ajayupawa jupana uñstäna.

Jueces 14:6

Ucatsti Diosan ajayupaw Sansón chachjjaru jutäna, mä cabritöcaspas uqhamwa leonarojj jisc'a jisc'a tucjäna. Ucampis awquinacaparojj cunatejj pascän ucjja janiw yatiycänti.

Jueces 3:10

Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

1 Samuel 1:19

Khepärmanthisti wali alwat sartasïna, Tatituru yupaychasinsti, Ramá chekancqui uca utaparuw cuttanjjapjjäna. Ucatsti Elcanajj Ana warmipampiw mayachasi, Tatitusti mayisitaparojj ist'araquïnwa.

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

1 Samuel 10:6

Ucapachaw Tatitun ajayupajj jumjjaru jutani, jupanacampi chicaw profecía arunac parlaraquïtajja, ucatsti yakha jakeruw tucuraquïtajja.

1 Samuel 11:6

Ucanac ist'asinsti, Saúl waynajj Diosan ajayupampi phokt'atäsinjja wali colerasïna.

1 Samuel 16:18

Ucat jupanacat maynejj arsu: —Nayajj uñjtwa, Belenanquir Isaí chachan mayni yokapaw suma toct'añ yati; uqhamarus guerran nuwasiñataquejj jan ajjsaririwa. Cunapachatejj cunsa parli ucqhajj, wali suma amuyumpiw parli, uqhamarac wali suma uñnakt'ani waynawa. Tatitusti jupampiraquiwa —sasa.

1 Samuel 18:12

Saúl reyisti Davidarojj ajjsaränwa, Tatitusti Davidaruquiw yanapäna, ucampisa juparojj janiw yanapcjjänti.

1 Samuel 2:35

Ucatsti nayajj mä suma sacerdote, chekapar uñjiri, uqhamarac nayan munañajj phokheri uscuraquï, ucan wawanacaparusti wiñayataquiw churaraquï, cawquïri reytejj nayajj ajllcä ucar sirviri tucuyaraquëjja.