Jueces 3:10 - Qullan Arunaca

¹⁰ Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Aymar Bibliia 1986

¹⁰ Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Qullan Arunaka DC

¹⁰ Tatitun ajayupaw Otoniel chachxaru jutäna, jupaw israelitanakarux irptäna; nuwasiriw mistüna, ukatsti Tatitux Cusán-risataim reyiruw atipt'ayäna.

Jueces 3:10 Jak'a apnaqawi uñst'ayäwi

1 Crónicas 12:18

Ucatsti Amasai chachajj, quimsa tunca jakenacata jilïrïcäna, qhititï Diosan ajayupansa phokt'atäcäna ucajja aqham sasaw art'äna: “¡Sumancañäpan juma Davidampi, Isaí chachan yokapa! ¡Sumancañajja jumampïpan! ¡Sumancañäpan jumataquisa, uqhamarac yanapirinacamataquisa, Diosamaw jumar yanaptam uca laycu!” sasa. Davidasti jupanacarojj catokänwa, ucatsti tamapan jilïrinacapampi chicwa uchäna.

2 Crónicas 15:1

Obed chachan Azarías yokapasti, Diosan ajayupanïnwa,

2 Crónicas 20:14

Uqhama take jakenacajj tantachatäsipcäna ucqhajja, Zacariasana Jahaziel yokapa qhititï Benaía chachan allchhipäcäna, jupasti Jeiel chachan yokaparaquïnwa, uqhamarac Matanías chachan allchhiparaqui, qhititï Asaf chachan saraker wawanacapat levitäcäna ucajja, Tatitun ajayupanïnwa.

Salmos 51:11

nayrakatamat jan apanucusistati, janirac kollan ajayums irpakasistati;

Números 11:17

Nayaw sarakanisin jumampi parlä, ucatsti juman chicat ajayumwa jupanacar churä jumaru aca marca apnakañ yanapt'añapataqui. Uqhamatwa jani juma sapaquïcjjätati.

Números 11:25

Ucatsti Tatitu Diosajj kenayanjam sarakanisinjja, Moisesampiw parläna; ucapachasti Moisesan chicat ajayup catusinjja, uca pakallk tunca jilïrinacaruw churäna. Cunapachatejj ajayojj jupanac patjjaru purïn ucqhajj profetanacjamaw parlapjjäna, ucampis janiw mayampsa uqhamjja parlapcjjänti.

Números 11:29

Ucampisa Moisesajj sänwa: —¿Cunatsa jumajj naya sapan parlañajjaqui muntajja? Tatitojj inas takpach marcaru ajayup churaraquispa, ucatsti takeniw profetanacäpjjaspajja —sasa.

Números 24:2

Balaamajj israelitanacarojj tribunacapatcama utjnokatwa uñjäna, uqhamaruw Diosan ajayupajj jupjjaru juti.

Números 27:18

Tatitusti Moisesarojj sänwa: —Josué sat Nun chachan yokapajj suma amuyt'ani jakewa. Irptanim ucatsti amparamampi p'ekepat lokjjatam,

Hebreos 6:4

Qhitinacatejj Diosan khanapan sarnakapjjäna, Diosajj churqui ucsa mallt'apjjaraquïna, uqhamarac Kollan Ajaysa catokapjjaraquïna,

Jueces 11:29

Ucatsti Diosan ajayupaw Jefté chachjjaru jutäna; jupajj saränwa Galaad, Manasés, uqhamarac Mizpa sat Galaad marca cheka pasawayasa amonitanacan take orakenacapa atipjasina catuntasiñataqui.

Jueces 11:32

Jefté chachajja amonitanacampi nuwasisajj atipjasinjja take orakenacapwa catuntasïna. Ucampis Diosawa juparojj uqhama atipjayäna.

Jueces 13:25

Mä urusti Sansón chachajj Zora, Estaol sat marcanac taypincqui, uca Dan tribun campamentopancquipanjja Diosan ajayupawa jupana uñstäna.

Jueces 14:19

Ucampis Diosan ajayupaw Sansón chachjjaru jutäna, ucatsti Sansón chachajj Ascalón sat chekaruw saräna, ucansti quimsa tunca jaquinacaruw jiwarayäna, ucanacatwa isinacapjja aparaniwayasajja, yatjjatañan atipapqui ucanacaru churañataqui. Ucatsti churawayasinjja awquipan utaparojj wali colerataw cutt'jjäna.

Jueces 14:6

Ucatsti Diosan ajayupaw Sansón chachjjaru jutäna, mä cabritöcaspas uqhamwa leonarojj jisc'a jisc'a tucjäna. Ucampis awquinacaparojj cunatejj pascän ucjja janiw yatiycänti.

Jueces 15:14

Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.

Jueces 3:11

Uca khepatsti uca orakenjja pusi tunca marawa samarañajja utjäna. Cenaz sat chachan Otoniel yokapajj jiwjjaraquïnwa.

Jueces 3:8

Diosasti uqham uñjasinjja jupanacatac colerasisasti Cusan-risataim sat Mesopotamia marcanquir reyin amparaparuw catuyäna. Ucatsti israelitanacajj Cusan-risataim sat reyirojj quimsakallko marawa sirvipjjäna.

Jueces 6:34

Ucampis Diosan ajayupawa Gedeonjjaru jutäna, ucatsti jupajj mä ovejan maysa wajjrapa llamct'äna Abiezer satan familiapanquirinacajja jupampi mayachasipjjañapataqui.

1 Samuel 10:10

Ucatsti cunapachatejj Saúl waynampi uywatapampi Gabaa sisqui uca chekaru puripcäna ucapachasti, uca mä kawkha profetanacaw jicjjatiri mistuni. Ucapachasti Diosan ajayuparaquiw Saúl waynjjarojj jutäna; jupajj uca profetanacjamaraquiw parläna.

1 Samuel 10:6

Ucapachaw Tatitun ajayupajj jumjjaru jutani, jupanacampi chicaw profecía arunac parlaraquïtajja, ucatsti yakha jakeruw tucuraquïtajja.

1 Samuel 11:6

Ucanac ist'asinsti, Saúl waynajj Diosan ajayupampi phokt'atäsinjja wali colerasïna.

1 Samuel 16:13

Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.