Jueces 3:10 - Qullan Arunaka DC

¹⁰ Tatitun ajayupaw Otoniel chachxaru jutäna, jupaw israelitanakarux irptäna; nuwasiriw mistüna, ukatsti Tatitux Cusán-risataim reyiruw atipt'ayäna.

Aymar Bibliia 1986

¹⁰ Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Qullan Arunaca

¹⁰ Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Jueces 3:10 Jak'a apnaqawi uñst'ayäwi

1 Crónicas 12:18

18 (19) Ukhamasti Amasai sat kimsa tunka jaqinakan irpiripax Tatitun ajayupan phuqhantatax akham sasaw art'asïna: “¡David, Jesé chachan yuqapa! ¡Sumankañax jumatakïpan! ¡Sumankañax jumampïpan! ¡Sumankañax jumataki, yanapirinakamampitakïpan, Diosamaw jumarux yanapasktam!” sasa. Davidasti jupanakarux katuqänwa, ukatsti jilïrinak taypin lurañanak churäna.

2 Crónicas 15:1

Azarías chachan Oded sat yuqaparux Diosan ajayupaw parläna,

2 Crónicas 20:14

Ukapachaw Tatitun ajayupax Zacarías chachan Jahaziel yuqapxar jutäna, jupax Benanías, Jeiel, Matanías wila masinkirïnwa. Matanías chachasti Asaf chachan wawanakapat levita jaqïnwa, jupax uka tantachäwinkarakïnwa.

Salmos 51:11

11 (13) Nayraqatamat jan apanukusistati, janirak qullan ajayumsa irpaqasistati;

Números 11:17

Nayax saraqanisin jumar parläma, ukatsti juman ajayumat apaqasaw uka jilïr jaqinakar churä, jumar aka marka apnaqañ yanapt'añapataki; jan juma sapak taqi kun luraskañamataki.

Números 11:25

Ukapachasti Tatitux qinayanjam saraqanisinxa, Moisesampiw parläna; ukatsti Moisesan utjkän uka ajayut apaqäna, ukatsti uka paqallq tunka jilïr jaqinakaruw churäna, ajayux jupanakxar purkän ukkhasti, jupanakax Tatitut katuqat arunak yatiyañ qalltapxäna; ukasti mä kutikiw ukham lurasïna.

Números 11:29

Moisesasti jupar sänwa: —¿Kunatarak jumasti naya sapan parlañaxak muntasti? ¡Nayax Tatitun taqpach markapar ajayup churañapa, ukatsti taqinis profetäpxañap munirista! —sasa.

Números 24:2

Balaamax Israel markarux ayllunakapatkam utjnuqtat uñjäna, ukhamaruw Tatitun ajayupax jupxar jutäna,

Números 27:18

Tatitusti Moisesarux sarakïnwa: —Josué sat Nun chachan yuqapar irpanim, jupax suma chuyman jaqiwa. Jupar amparamamp luqxatam,

Hebreos 6:4

Khitinakatix mä kutix Diosan qhanap katuqapkäna, Diosan luräwip munapkäna, Qullan Ajayu katuqapkäna,

Jueces 11:29

Uka qhipatsti Tatitun ajayupaw Jefté chachxarux jutäna, ukat jupax Galaad, Manasés uraqinak sarakipäna, Galaad chiqankir Mispá sarakipasa, amonitanakan uraqip katuntasiñataki.

Jueces 11:32

Jefté chachax amonitanakan uraqinakapar mantaranttasin jupanakarux katuntäna, Tatitusti juparux atipt'ayänwa.

Jueces 13:25

Mä urusti, Sansonax Sorá, Estaol chiqanak taypina, Dan chiqankir campamentonkkipan, Tatitun ajayupax jupa tuqi uñacht'ayasiñ qalltäna.

Jueces 14:19

Ukatsti ukspachaw Tatitun ajayupax Sansonxar purïna; ukat Sansonax Ascalón chiqaru saräna, ukawjansti kimsa tunka jaqinakaruw jiwarayäna, ukanakat isinakap aparaniwayasin, ukampiw jiskt'anak chiqt'apkatayna ukanakarux arsutap phuqhäna. Uka qhipatsti wali phiñasitaw awkipan utapar kutt'xäna,

Jueces 14:6

Ukapachaw Tatitun ajayupax Sansonar purïna, ukat mä cabritökaspas ukhamak leonarux jisk'a jisk'a tukjäna; ukampis ukxa janiw awkip taykaparux yatiykänti.

Jueces 15:14

Kunapachatix Lejí chiqar puripkän ukkhasti, filisteonakax kusisiñat wali arnaqt'asisaw jupar jikxatir mistunipxäna. Ukampis Tatitun ajayupaw Sansonxar jutäna, ukat jupax amparanakapan ñach'antata wiskanakxa, jan kunak t'aqaräna, ninampi nakhantat lino ch'anqhäkaspas ukhama;

Jueces 3:11

Uka qhipatsti pusi tunka maraw uka uraqin samarañax utjäna.

Jueces 3:8

Ukat Tatitux jupanakatak q'apisïna, ukatsti Cusán-risataim sat Mesopotamia markankir reyin amparaparuw katuyäna. Israelitanakax Cusán-risataim reyirux kimsaqallq maraw luqtapxañapäna,

Jueces 6:34

Ukampis Tatitun ajayupaw Gedeonxar jutäna, ukatsti jupax trompet phust'äna, Abiézer wila masi tamanakapan jupampi mayacht'asipxañapataki;

1 Samuel 10:10

Ukatsti Saúl waynampi uywatapampix Guibeá chiqar puripkäna ukkhaxa, mä tama profetanakaw jupanakar jikxatir mistunïna. Ukapachasti Diosan ajayupaw Saúl waynxarux jutäna, jupasti uka profetanakjamarakiw parläna.

1 Samuel 10:6

Ukapachaw Tatitun ajayupax jumxaru jutani, jupanakamp chikaw profecía arunak arsüta, yaqha jaqiruw tukurakïta.

1 Samuel 11:6

Ukanak ist'asinsti, Saúl waynax Diosan ajayupampi phuqt'atäsinxa, wal phiñasïna.

1 Samuel 16:13

Ukspachaw Samuelux aceiten uchat waxra aptasin uka waynarux jilanakapan nayraqatapan aceitempi p'iqipxar warxatasin reyïñapatak yaqhachxäna, uka waynasti David satänwa. Ukat uksarusti Tatitun ajayupaw jupxankäna. Ukatsti Samuelux Ramá chiqaruw sarxäna.