Jueces 11:29 - Qullan Arunaca

²⁹ Ucatsti Diosan ajayupaw Jefté chachjjaru jutäna; jupajj saränwa Galaad, Manasés, uqhamarac Mizpa sat Galaad marca cheka pasawayasa amonitanacan take orakenacapa atipjasina catuntasiñataqui.

Aymar Bibliia 1986

²⁹ Ucatsti Diosan ajayupaw Jefté chachjjaru jutäna; jupajj saränwa Galaad, Manasés, uqhamarac Mizpa sat Galaad marca cheka pasawayasa amonitanacan take orakenacapa atipjasina catuntasiñataqui.

Qullan Arunaka DC

²⁹ Uka qhipatsti Tatitun ajayupaw Jefté chachxarux jutäna, ukat jupax Galaad, Manasés uraqinak sarakipäna, Galaad chiqankir Mispá sarakipasa, amonitanakan uraqip katuntasiñataki.

Jueces 11:29 Jak'a apnaqawi uñst'ayäwi

Génesis 31:49

Uqhamarus Mizpa sataraquiwa, Labanan aqham satap laycu: —Tatituy uñjistpan jiwasa paninirojja, cunapachatejj jan jiquisiñ puedcjjañäni ucapachajja.

1 Crónicas 12:18

Ucatsti Amasai chachajj, quimsa tunca jakenacata jilïrïcäna, qhititï Diosan ajayupansa phokt'atäcäna ucajja aqham sasaw art'äna: “¡Sumancañäpan juma Davidampi, Isaí chachan yokapa! ¡Sumancañajja jumampïpan! ¡Sumancañäpan jumataquisa, uqhamarac yanapirinacamataquisa, Diosamaw jumar yanaptam uca laycu!” sasa. Davidasti jupanacarojj catokänwa, ucatsti tamapan jilïrinacapampi chicwa uchäna.

Números 11:25

Ucatsti Tatitu Diosajj kenayanjam sarakanisinjja, Moisesampiw parläna; ucapachasti Moisesan chicat ajayup catusinjja, uca pakallk tunca jilïrinacaruw churäna. Cunapachatejj ajayojj jupanac patjjaru purïn ucqhajj profetanacjamaw parlapjjäna, ucampis janiw mayampsa uqhamjja parlapcjjänti.

Jueces 10:17

Amonitanacajj tantacht'asisinjja Galaad sat chekaruw campamento uchantasipjjäna, ucampis israelitanacajja uca quipcaraquiquiw tantacht'asisajj Mizpa sat chekaruraquiw campamento uchasipjjaraquïna.

Jueces 11:11

Ucampis Jefté chachajj jilïrinacampejj saränwa; puripanjja marcanquir take jakenacajja jilïripatwa utt'ayapjjäna. Ucampis Mizpa sat marcanjja Jefté chachajja Dios nayrakatanjja cuna arunactejj arscäna uca pachpa arunacaracwa arsuraquiquïna.

Jueces 11:28

Uqhama Jefté sat chachan yatiyäwi arunacapa ist'casinsa amonitanacan reyipajj janiw jaysañ muncänti.

Jueces 11:30

Jefté chachasti aqhama arumpiw Diosaru arsüna: “Jumatejj amonitanacaru atipjayitäta ucajja,

Jueces 13:25

Mä urusti Sansón chachajj Zora, Estaol sat marcanac taypincqui, uca Dan tribun campamentopancquipanjja Diosan ajayupawa jupana uñstäna.

Jueces 3:10

Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Jueces 6:34

Ucampis Diosan ajayupawa Gedeonjjaru jutäna, ucatsti jupajj mä ovejan maysa wajjrapa llamct'äna Abiezer satan familiapanquirinacajja jupampi mayachasipjjañapataqui.

1 Samuel 10:10

Ucatsti cunapachatejj Saúl waynampi uywatapampi Gabaa sisqui uca chekaru puripcäna ucapachasti, uca mä kawkha profetanacaw jicjjatiri mistuni. Ucapachasti Diosan ajayuparaquiw Saúl waynjjarojj jutäna; jupajj uca profetanacjamaraquiw parläna.

1 Samuel 11:6

Ucanac ist'asinsti, Saúl waynajj Diosan ajayupampi phokt'atäsinjja wali colerasïna.

1 Samuel 12:11

“Uca laycuw Tatitojj qhitanïna, Jerobaal, Barac, Jefté, uqhamarac Samuel ucanacaru, jumanacar uñisirinacamat khespiyañapataqui, uqhamat jumanacajj sumaqui jacasipjjañamataqui.