Jueces 6:34 - Qullan Arunaca

³⁴ Ucampis Diosan ajayupawa Gedeonjjaru jutäna, ucatsti jupajj mä ovejan maysa wajjrapa llamct'äna Abiezer satan familiapanquirinacajja jupampi mayachasipjjañapataqui.

Aymar Bibliia 1986

³⁴ Ucampis Diosan ajayupawa Gedeonjjaru jutäna, ucatsti jupajj mä ovejan maysa wajjrapa llamct'äna Abiezer satan familiapanquirinacajja jupampi mayachasipjjañapataqui.

Qullan Arunaka DC

³⁴ Ukampis Tatitun ajayupaw Gedeonxar jutäna, ukatsti jupax trompet phust'äna, Abiézer wila masi tamanakapan jupampi mayacht'asipxañapataki;

Jueces 6:34 Jak'a apnaqawi uñst'ayäwi

1 Crónicas 12:18

Ucatsti Amasai chachajj, quimsa tunca jakenacata jilïrïcäna, qhititï Diosan ajayupansa phokt'atäcäna ucajja aqham sasaw art'äna: “¡Sumancañäpan juma Davidampi, Isaí chachan yokapa! ¡Sumancañajja jumampïpan! ¡Sumancañäpan jumataquisa, uqhamarac yanapirinacamataquisa, Diosamaw jumar yanaptam uca laycu!” sasa. Davidasti jupanacarojj catokänwa, ucatsti tamapan jilïrinacapampi chicwa uchäna.

1 Crónicas 12:19

Uqhamaraquiw Manasés uca tributa yakhep jakenacajj Davidampïñataqui jutjjapjjatayna, cunapachatï jupajj filisteonac taypiru jaquiri sarjjäna Saúl reyimpi nuwasiñataqui ucqha. Chekpachansa Davidajj janiw filisteonacar yanapañ amtanicänti, jilïrinacapajja tantachasisinjja amtapjjänwa qhithanucjjaña, aqham sasa: “Jiwasanacaru jan walt'ayasaw Saúl jilïripan ucar jakcattjjaspan” sasa.

2 Crónicas 24:20

Ucatsti Joiada sacerdoten Zacarías yokapajja, Diosan Ajayupanïnwa, jupasti patäjja chekawjaru sayt'asisinjja marcarojj sänwa: “Diosajj aqham siwa: ‘¿Cunatsa jumanacajj mandamiento arunacajjarojj jan ist'apquistajja, uqhamarac jumanac pachpa jan walt'añanacjja thakasipjjtajja? ¡Jumanacajj nayar apanucupjjatamatjja, nayajj jumanacarojj apanucupjjaraquïmawa!’ ” sasa.

Salmos 51:11

nayrakatamat jan apanucusistati, janirac kollan ajayums irpakasistati;

Números 10:3

Cunapachatejj uca paypacha trompetanacajj phust'asini, ucapachajj takpach marcaw juma nayräjjaru tantacht'asini Tatitu Diosampi Jiquisiñ Carpäquis uca mantañaru.

Romanos 13:14

Jan ucasti Jesucristomp isthapt'asipjjam, janiraqui lup'ipjjamti janchin munañapa lurañjja.

Gálatas 3:27

Take jumanacajj Cristompi mayachasiñataqui bautisasipjjta ucanacajja, jupampejj mä isimpi isthapitäpcasmas uqhamäpjjtawa.

Josué 17:2

Uqhamaraquiw Manasés tribun wawanacapan orakenacapas suerteta laquintataraquïnwa, cawquïrinacatï Abiezer, Helec, Asriel, Siquem, Hefer, Semida satäpqui ucanaca; jupanacasti Josean allchhinacaparaquïnwa.

Jueces 13:25

Mä urusti Sansón chachajj Zora, Estaol sat marcanac taypincqui, uca Dan tribun campamentopancquipanjja Diosan ajayupawa jupana uñstäna.

Jueces 14:19

Ucampis Diosan ajayupaw Sansón chachjjaru jutäna, ucatsti Sansón chachajj Ascalón sat chekaruw saräna, ucansti quimsa tunca jaquinacaruw jiwarayäna, ucanacatwa isinacapjja aparaniwayasajja, yatjjatañan atipapqui ucanacaru churañataqui. Ucatsti churawayasinjja awquipan utaparojj wali colerataw cutt'jjäna.

Jueces 15:14

Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.

Jueces 3:10

Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Jueces 3:27

Ucat israelitanacan orakepar purisasti ovej wajjratwa pututt'äna Efraín sat lomanacata israelitanacar jawsañataqui. Uqham pututt'ir ist'asinsti take israelitanacaw lomanacat sarakanipjjäna, Aod chachat irpirini.

Jueces 6:11

Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

Jueces 8:2

Ucampis Gedeonajj saraquïnwa: —¿Janiti jumanacajj amuyasipcta cuntejj lurapcta ucajj, nayan luratajjatsa juc'ampïtapa? Jumanacana juc'aqui luratanacamajj wali asquiwa nanacana walja luratanacajjat sipansa.

1 Samuel 10:6

Ucapachaw Tatitun ajayupajj jumjjaru jutani, jupanacampi chicaw profecía arunac parlaraquïtajja, ucatsti yakha jakeruw tucuraquïtajja.

1 Samuel 11:6

Ucanac ist'asinsti, Saúl waynajj Diosan ajayupampi phokt'atäsinjja wali colerasïna.

1 Samuel 13:3

Gabaa sisqui uca chekan Jonatanasti soldadonacampejj filisteonacarojj k'alwa tucjäna, ucanacjja filisteonacasti yatipjjänwa. Uqhamasti Saúl reyejj take Israel marcpachanwa trompetanaca phust'ayäna, uqhamat take jakenacajj cunataquis janc'aquïpjjañapataqui.

1 Samuel 16:14

Ucañcamasti Tatitun ajayupajj janiw Saúl reyimpïcjjänti, Tatitun qhitanita mä ñankha ajayuw juparojj t'akhesiyäna.