WEAWEA 20:12 - ASII LAKDAP Bible (BSI) Shatmaq Tatiwe raq Mosheq nai Aron ka sonto. Apaiq raq akha nguto, “Ümniiraq Ngi asii ningkun ka Israilnok makki na tiichhike wan miitu kamtsantsii hongli rüm maü dea kha maq, Ngi raq tsangshiq ma mikuqha nguta kiqkham kuqkang mung kriijaq ümniiraq tsangshiq ka shea wan lot maü she mirhaü.” Hawa Naga Bible 2001 Yuq muinz Yehowa rueq Moshe nuiyc Arun muex ngoc, “Nuimshiq kuex Israel miqsaz khaungkac nuex vsawc ngvy luimc vkawc muex kvmluimx vkomc ningkhvnc nuex bomkhvmc vtaq mungx nuex tsuingshiq kuex shvlx wvnc shaungx rvmuq,” ngoz tueq jungx tueq. |
Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”
Meriba jüsetsiim hiq maq nokmaiqse raq Tati tsan tiikhiqto, kriikha na tsangshiq raq Mosheq ma mintsa tiipato.
O Tati, naishiq Shiikeawe lei, ümniiraq ümsenginok achujaü trelaü; tsangshiq raq ngarai thun tang kha na, tsangshiq ma mo tiiholaü li jiimin, ümniika tsangshiq ngarai diiketi Shiikeawe nguta tsangshiq ma tiichhikuqlaü.
Israil mung ka tsangmung nyung chong chela Samaria thaq na ajong riimak. Kiimaq Samaria chela ka tsang Hokhamwe Peka ningkun thaq na ajong riimak. “Ümkam tsantsii ka phataqtaq atsing angang riimak raüla, ümniika tsinglot maü mirhaü.”
Ümtsan na samhea tiitsangshat thülaq, Ngi Ajong Pinthum Tatiwe ka asii. Ümniiriika Ngi ma haisong tsantsii thü ratlo.
Ngi raq namshiq ka pongmung thun na anyin baiq wanha kriiwa, adam niishe riichom lata, tiisi wan tiikang akhing na, namshiq raq Ngi ma honglu thun wa na chaq ma takuq wan tlan thun kra mitao wanha. Kra chhi raüta, pongmungti thun raq Ngi ka asii dea nguta misap wan.
Ümtiikiiwa Ngi raq i mang asii jonglu kra, namshiq raq maiq mung thun na, i khushü tiijam wan lan kra mung thun na, Ngi raq ijaqsham jonghea maq tiichhikuq wan tiikang kiitiikaq, tsangshiq raq, Ngi ardea Tatiwe nguta misap. Arka, Ngi, Tati Rakaü Hiqwe raq toqtan tiikang. Ngi raq namshiq ka lang lata, maiq mung thun ma Ngi ka asii dea sitiikang nguta mitiichhikuqha.
Tati Rakaü Hiqwe raq Gog ma akha ngutlo: “Ümtiikiiwa kra akhing she saü wanjiiq, ümniiraq abi kiimung ashi she miphoq haü.
Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.
Riita ümniiraq ngi ka akhli tlitkot chang jiika, ngi ara mangchan laüta, tiitsailaq atseali riibaiqlaq. Kra nguraü ka ümniiraq ngi atinkhan tiichamchao tlaü homa arka alaq she mirbaiqha. Ninwan ruq ka nin mang she miraq.”
“Aron ka Ngi raq Israilnok ma mung ashi mikuqha nguta kiq kham kuq kang kiijaq saü wa lot mak. Apaiq ka atsai she miraq. Jamkhano ngukla namnai wiita Meriba wang maq ikiq khiilan.
Jamkhano ngukla namnai wiita raq Jin bintang jüngi wang maq, ikiq khii wan lan. Israilnok mung kunli raq Meriba hiq maq Ngi ma bom nam bot nyan wantaq akhing na, ümniiraq asii iningkun ka tsangshiq makki na shreng maü riilaü.” (Meriba ka khamphok raise Jin bintang jüngi wang na Kadesh hiq na riito.)
Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”
Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”
Shatmaq, ümniiraq i tsütsa arma kam maü. Arka akhing riikhaqli na mihong wan. Ümniiraq kam maü arkha maq, ümchaü sanha, ümnü ka atang she mirki. Ümniika i kiqkham ara miku shaq wiiwii, bomhü miili she misi haü.”
Tatiwe raq ümniima tsütsa chongkuqtaq kriika poimak mihong tha wan nguta ümniiraq kamwan tlaü krai mren, ümniima pinthum kechu jonghea miraq!”
Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.
Apaiq kamtsantsii ka atsan mong wa jam mak phan riito. Kiimaq apaiq raq Shiikeawe kiqkham ka tsan nai maq tiima wan mak phan riito. Apaiq kamtsantsii ka apa, tsan mong na atsaü maq pha wan wan khoti pha wanto. Kiimaq apaiq raq Shiikeawe kli she tiishomra wanto.
Kiimaq namshiq lümaq Tatiwe ka ngi miimin akhiq she riikito. Raüta akha nguto, ‘Mosheq ümnaq kriimin kra mung na saüwa lu maüshe mirhaü.
Kra lot raütiishe Tatiwe raq Mosheq ma nguto, “Armung ahata Ngi raq Abraham ma, Isak ma, kiimaq Jakob ma, tsangsaütiim ma mikuqha nguta kiqkham kuqkang mung kra. Ngi raq ümniima tiichhi kuqkang she. Shatmaq Ngi raq ümniika kiina tiiwa mang.”
Namshiq ningkhan na Tatiwe namshiq Shiikeawe ka ngi ma atsan khiq riito. Kra ningkhan ngi raq Jordan Rai kra jin wan lata kra hipo hiq win mung namshiq ma kuq wantlaq kra mung na ngi ka saü wan maimak nguta apaiq raq atiitum raüta kha ka toqtan wanto.
Apaiq raq nguto, “Ijaqshise Mosheq ka tsaikito she. Ümchaü min tiije laq. Laüta ümniirai Israilnok kunli ka, ara Jordan rai reko mung nü na tsangshiq ma kuq tiikang kiina jin wan ronglaq.
Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.