Luke 1:20 - ASII LAKDAP Bible (BSI)

²⁰ Shatmaq, ümniiraq i tsütsa arma kam maü. Arka akhing riikhaqli na mihong wan. Ümniiraq kam maü arkha maq, ümchaü sanha, ümnü ka atang she mirki. Ümniika i kiqkham ara miku shaq wiiwii, bomhü miili she misi haü.”

Hawa Naga Bible 2001

²⁰ Yuq muinz mnoz kuex vkhing httuiuc ruiux yuq yaungx wvnc tuex ngvy bomjungc muex kvmx muq ningkhvnc nuex, vhtenc vruex yaungx wvnc tuex raungnuiyq nuex httuiuc laz kvjaz dung muq nuix tuingx yaungx tuiux,” ngoz tueq piq muex jungx tueq.

Muklom

²⁰ Etharin nang aa iraaq kam mu angtu, bara khakla rangham thupha jo asing angna; nang aa kam mu angtu ethi rangma nang raaq may raaq mu angnu; nga nang ma chamta bat taphang sha asing ang wey moq ling nang raaq hunga shu shu tong nu.”

Luke 1:20 Referencias Cruzadas

2 HOKHVMX 7:19

Kra tiithaitaq bomtre ka siihiipwe tsaitaq kriiraq akha treto, “Kriika riimak. Jamwo kiikhiika misaü. Tatiwe apaiq raq ajaq maq tlothit rai awong kra pheakuq raümin hongmak miraq!” nguta bomto. Kiimaq Elisha raq treto, “Ümniiraq ümmak maq michhi haü. Shatmaq kra phaq nai sea ka ümniiraq ümnü na telap maü mirhaü,” nguta Elisha raq treto.

2 HOKHVMX 7:2

Kra tai raüta hokhamwe shiiliti jaqshise raq Elisha ma nguto, “Kriika riimak. Jamwo kiikhiika misaü. Tatiwe apaiq raq ajaq maq tlothit rai awong kra pheakuq raümin hong mak miraq!” “Ümniiraq ümmak maq michhi haü. Shatmaq kra phaq nai sea ka ümniiraq ümnii na telap maü mirhaü,” nguta Elisha raq treto.

DUNGWVNC 4:11

Kiijiishe Tatiwe raq apaiq ma nguto, “Maiqse ma anübok keti ka juwa? Kiimaq apaiq ka juro nibii ma tiijabaiqtla? Riimakla apaiq ka juro nütang ma tiijabaiqtla? Apaiq ma amakpo ka juro kuqtla? Riimakla juro amak ka tiichukbaiqtla? Arka Ngi, Tatiwe raq klo tiikang.

ISAIA 7:9

Israil mung ka tsangmung nyung chong chela Samaria thaq na ajong riimak. Kiimaq Samaria chela ka tsang Hokhamwe Peka ningkun thaq na ajong riimak. “Ümkam tsantsii ka phataqtaq atsing angang riimak raüla, ümniika tsinglot maü mirhaü.”

EJEKIEL 24:27

Kra ranaiq akhing niisiitiq she, ümbom mokitaq kra abom miitu ningkun she milap nong haü. Kiimaq ümniika apaiq rai mirbom haü. Akha ümniika mungmaiqse ma miithu shong ashi miraq. Kiimaq tsangshiq raq Ngi ardea Tatiwe nguta misap wan.”

EJEKIEL 3:26

Ngi raq ümtili ka atiitsai mirbaiqha. Krai mren, ümniiraq ara ikiqkhii srutinok ma honlam bom ka chongkuqlot maü she mirhaü.

DANIEL 10:15

Ümtiikiiwa apaiq raq ara ngutaq, ngi ka hiq nü na kusaq, bom asa min dongmak she, liirat kang.

WEAWEA 20:12

Shatmaq Tatiwe raq Mosheq nai Aron ka sonto. Apaiq raq akha nguto, “Ümniiraq Ngi asii ningkun ka Israilnok makki na tiichhike wan miitu kamtsantsii hongli rüm maü dea kha maq, Ngi raq tsangshiq ma mikuqha nguta kiqkham kuqkang mung kriijaq ümniiraq tsangshiq ka shea wan lot maü she mirhaü.”

Mark 16:14

Atiisup niishe, Jesuq ka ajaqshisetiim roqshi ri weshi pha na, tsangshiq dungsea rea liipan na dongkito. Tsangshiq raq apaiq ka ama wa atra she dong wanto nguta kammak kha na, kiimaq nanok raq apaiq ka atra chhi kai nguta tsütsa chongkuqtaq kriima kammak maq, tsangshiq tsan ka wanshakshak li tiitsin wan kha na, apaiq raq tsangshiq ka ason rea riito.

Mark 9:19

Jesuq raq tsangshiq ma nguto, “Namshiq ara kamtsantsii thü man! Ngi ka namshiq raili siwan ruq sha misi ha? Ngi raq namshiq tiinan shan kriika jam riim mo minin ha? No ka ana shea wan laq!”

Luke 1:19

Kiijiishe, rase raq treto, “Ngi ka Gebriel. Ngi ka Shiikeawe man na ngati we. Apaiq raq ara tsütsa ahea ara, ümniima tiichong kai tiikito.

Luke 1:21

Kra liipan bala, Shomjam kinphai na thungti nokwe thun riika, Jekeria ka Shomjam mong wa dong kai kra khe, athe ange she riito. Kiimaq, tsangshiq raq apaiq ka Shomjam mong na luhea jamto khing watiinya nguta, tiimakhiq she riito.

Luke 1:22

Apaiq ka jam mong maq dongki raüta sanha, tsangshiq rai ka riibom lot mak she riito. Kra chhi raüta, apaiq ka Shiikeawe rai riihumto sham nguta tsangshiq raq takto. Apaiq ka abom dong mak she kha maq, nokwe miika, ajaq maq thi nam raütli she bom ka chongkuqto.

Luke 1:45

Tatiwe raq ümniima tsütsa chongkuqtaq kriika poimak mihong tha wan nguta ümniiraq kamwan tlaü krai mren, ümniima pinthum kechu jonghea miraq!”

Luke 1:64

Kra liipan bala li she, Jekeria ka abom dongsaq she riito. Krai mren, apaiq ka chojong chise maq, Shiikeawe shomnoqto.

Romans 3:3

Shatmaq, tsangshiq phong wa maiq wiijamti raq, Shiikeawe bomtsi ka samhea tsapkapkap maq, lang mak dea shishe tlo nguta, Shiikeawe riimin, Jehudinok ma apaiq bom khamkuqtaq kra, adü she dea sha mirbaiq?

2 Timothy 2:13

Kiimaq nashiq raq, apaiq ka Tatiwe riimak nguta shishe hai jiimin, Apaiq ka Tatiwe li dongdii misi wan. Jamkhano ngukla, apaiq raq apaiq kiqkham ka, arot ma tiija baiq wan lot mak.”

Titus 1:2

Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.

Revelation 3:19

Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.