LEWI 10:3 - ASII LAKDAP Bible (BSI)

³ Kiijiishe Mosheq raq, “Ümtiikiiwa Tatiwe raq, ‘I jaq shamtibi wiitarü raq ngi asii arai ka shreng ratlo; Ngi raq ikhushü ka isenginok ma mitiichhi kuqha,’” nguta ngutaq irka akhnok ara ngo nangnga nguto, nguta Aron ma chongto. Shatmaq Aron ka kaiqshak li riito.

Hawa Naga Bible 2001

³ Kvruex yimaq Moshe rueq Arun muex, “Yehowa rueq ngoc, ‘Ngvy yauk shuimc jix lotlaz rueq vsawc ngaz kuex tvtsanc nganc wuez rax; ngvy miq htenc muex ngvy ngauz vngax kuex tvdung tvkhic shaungx,’ ngoz tueq kuex vruex ngoc ngoz tueq,” ngoz tueq jungx tueq. Yuq muinz Arun kuex kuiyqshuik dvyx rvtueq.

LEWI 10:3 Referencias Cruzadas

RAPHA HIQWA LAK 18:25

Riikhaqli miika, ümniiraq maiqsangti ka ashutti rai ka tsat baiq maü mirhaü. Kriika ümkhiiriitii jiimin klolot maü! Ümniiraq kiikhiika klolot maü. Kra ümniiraq klo haü jiika, maiqsangti kiimin ashutti rai khoshi na mo tiiho ma mikhat wa. Arka ümkhiiriitii jiimin riimak. Mangjong hiq tlot li kha photiwe riika tingting maq phoke chang li.”

YOBA 2:10

Kiijiishe Job raq treto, “Ümniika angok angiti ikha bomtlaü! Ümtiikiiwa Shiikeawe raq nashiq ma ahea awa phan tiisaü tlaq, nashiq raq tao tiikai. Ikhiijiika apaiq raq nashiq ma chamchao tiisaütlaq niika, nashiq raq apaiq ma jamkho mibot nyan?” Job riika kiitin khan chamchao riihum jai niimin, Shiikeawe ma ngeng seng bom bom mak riito.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 148:14

Apaiq raq amungtan ahong ala tiiqto, krai mren asengi tlotli raq apaiq tiitsamtlo- Israilnok, apaiq raq mangchan heanok raq, Tatiwe tiitsam ronglaq!

Tvtsvmc 39:10

Ngi ma mo ka pahea naq tiihokiq she! Ngi ka ümjaqtham mo hotsi raq atsai wan napnap she.

Tvtsvmc 39:9

Ngi ka kaiqshak mingaha, poshi min bom mang mirha, jamkhano ngukla ngi tiichamchaoti ka ümnaq kata.

Tvtsvmc 46:10

“Tsaq ronglaq naq riikhat rongkiq,” nguta apaiq raq ngutlo, “kiimaq namshiq raq sap ronglaq, ngi ka Shiikeawe, maiqmung thun thaq na ajong pinthum; kiimaq mangjonghiq raikhü na ajong pinthum,”

Tvtsvmc 89:7

Ramungtan na rung thungtlaq kiijaq winjikong thun ka ümniima haitlo; tsangshiq tarü ümman na haikhiq chaptlo.

Tvtsvmc 93:5

Ümtri raütu ka pattup pat-sa thumki maq phan, O Tatiwe lei, kiimaq üm Shomjam ka tengteng asii kriika pattup pat-sa siruqli.

DUNGWVNC 14:17

Ngi raq Ejip mungti tsantsii ka wanshak shak mitii tsin baiqha. Krai mren tsangshiq ka Israilnok jai ka mijo wan. Kiimaq Ngi raq hokhamwe nai asengi phenlabi, akumrang leng thun, kiimaq akumrang leng jiiqtibi thun kra mikhat ha, lata mitangha. Lata ikhushü mitiijongha.

DUNGWVNC 14:4

Ngi raq apaiq ka wanshak shak mitiitsin baiqha. Kiimaq apaiq raq namshiq ka mijoho. Kiimaq Ngi raq hokhamwe nai asengi phen phung khat lata mitangha. Kra lümaq ikhushü ka mitiijong. Kiijiishetiq Ejip mungti raq Ngi ka Tatiwe ngutiishe misap wan.” Tsangshiq ma chongkuqtaq kra phan phan Israilnok raq kloto.

DUNGWVNC 19:22

Kiimaq ramwebi Ngi tho na watlaqti kiimin tsangshiq khum ka atiisiihe ratlo. Riimakla Ngi raq tsangshiq ma mo mitiihoha.”

DUNGWVNC 19:24

Tatiwe raq treto, “Ümniika satkikiq. Laüta Aron ka ümniirai ana sheakikiq. Shatmaq ramwebi nai mungmaiqse ka hiqtrai ka jin raüta ana Ngi phana wa maimak. Riimakla Ngi raq tsangshiq ma mo mitiihoha.”

DUNGWVNC 30:30

Kra laütiishe Aron nai asetiim khum na ramkham kiimaq tiibok nyat laq. Laüta tsangshiq ka Ngi shiikumpan ma ramwebi ma shonglaq.

ISAIA 39:8

Hokhamwe Hejekia raq arka apaiq pat niika mungtsing maq misi wan nguta takto. Kra ningkhan apaiq raq akha treto, “Ümniiraq ngi ma Tatiwe tsütsa chonglaü ka ahea riikhaqli.”

ISAIA 49:3

Apaiq raq ngi ma nguto, “Israil lei, ümniika ijaqshise; ümnaq asi khamaq, mungmaiqse raq Ngi mitiitsam.”

ISAIA 52:11

Bebilon mung baiqthü miitu khekham sironglaq, namshiq wiita Shomjam hupsam pitibi raq! Apii chang phan hupsam riiqkhiq jaq maq naqsham rongkiq; namkhum ka asii maq thüronglaq. Lantea kra mung wa laü wan tlo ronglaq.

EJEKIEL 20:41

Ngi raq namshiq ka pongmung thun na anyin baiq wanha kriiwa, adam niishe riichom lata, tiisi wan tiikang akhing na, namshiq raq Ngi ma honglu thun wa na chaq ma takuq wan tlan thun kra mitao wanha. Kra chhi raüta, pongmungti thun raq Ngi ka asii dea nguta misap wan.

EJEKIEL 28:22

Kiijaq siti mungmaiqse ma, Ngi, Tati Rakaü Hiqwe raq tsangshiq miitu jamlai wa ngutiikang ara tsangshiq ma chongkuqlaq: Sidon chela lei, Ngi ka ümniima wesang. Ngi raq ümniima jamkho mo tiihotiikang, kra chhiraüta maiqse raq Ngi mishom ra. Ngi raq ümtiikiiwa ümhiq na siti maiq thun ka tsat tiikang, lata Ngi ka asii dea nguta tiichhikuq tiikang, kiitiikaq tsangshiq raq, Ngi ardea Tatiwe nguta misap.

EJEKIEL 38:16

Ümniiraq isengi Israilnok ka rathaiq henghea mung hamli maq thaiq wantlaq ikha mikhat haü. Ümtiikiiwa akhing she saüjiiq, Ngi raq ümniika i mung kra khatkai mitiikiha. Ngi raq i mung khatkai tiikitiikang kriika, mangjong hiq na maiq thun sitlaq kriima, Ngi ka juwa kra tiichhike miitu kiimaq ümnaq lümaq Ngi raq jamlai jaq wa shamtiikang kriimaq Ngi ka asii sitiikang kra mitiichhi kuqha.

EJEKIEL 40:46

Kiimaq shekhu nü kilamchong nü na tiinyi raü ahai khokti kriika berong-wacha na jaqshamti ramwebi miitu nguta chongto. Ramwebi thun tlotli ka ramwe Jadok saüse phan siisaq. Tsangshiq kli Lewi phan wa Tatiwe man na chap raüta apaiq jaqshamti riito.

EJEKIEL 42:13

Kra maiqwe raq ngi ma nguto, “Ara jam wiinai arka asii. Ara jam wiinai arjaq Tatiwe man na chap wati, ramwebi raq asii pinthum honglu thun kra phaqsiq tlo. Ara khok thun arka asii, kha maq ramwebi raq asii pinthum ngam rea thun ka arjaq thütlo: rai awong honglu thun nai ngarai miitu honglu ngam thun kra, riimakla thiitham honglu akuq thun kra thütlo.

LEWI 21:15

Kra riimakla, asetiim siirai rai setiim riichang ka apii ashe miishe mijaki. Ngi ka Tatiwe. Kiimaq Ngi raq apaiq ka Ramwe Ajong Pinthumwe miishe shong kang.”

LEWI 21:17

Aron ma akha chongkuq laq nguta, “Ümsaü ümsetiim phong wa juwa akhum na ami atsi amiphan asi, kriiti raq Ngi ma phaqsea-honglu kewa maimak. Arka pattup miitu tri.

LEWI 21:21

Ramwe Aron saüse phan wa maiq juwa akhum na kupi mak phanshi ra kojo tlaqti raq, Ngi ma phaqsea-honglu kewa maimak.

LEWI 21:6

Apaiq ka asii siraa dongdii. Kiimaq apaiq raq imang chong tiibi maimak. Apaiq raq Ngi ma phaqsea-honglu kuqtlo. Kiimaq apaiq ka asii siraa dongdii.

LEWI 21:8

Nokwe raq ramwe ka asii nguta lang raa dongdii. Jamkhano ngukla apaiq raq Ngi ma phaqsea-honglu thun kuqtlo. Ngi ka Tatiwe. Ngi ka asii kiimaq Ngi raq isenginok ka asii maiqse tiija tiikang.

LEWI 22:9

“Ramwebi tarü raq Ngi raq akuqha thungtri raütu thun kra lang ratlo. Riimakla tsangshiq ka ashut ma mijaki. Raüta atsai miraq. Jamkhano ngukla tsangshiq raq asii thungtri raütu ka langmak jinto. Ngi ka Tatiwe. Kiimaq Ngi raq tsangshiq ka asii tiija tiikang.

LEWI 8:35

Namshiq ka Tombutiip na wachang kilamchong na ranaiq rawa ramiishi na saüli siraatlo. Lanta Tatiwe raq jamlai jaqsham aming wa kuqtaq kra sham chang. Namshiq raq kra klo man riihan la namshiq ka atsai mirhan. Tatiwe raq ngi ma akha klo ronglaq nguta aming kuqto.”

WEAWEA 16:5

Kra raütiishe apaiq raq Kora nai asenginok ma akha nguto, “Anap ranap Tatiwe raq nashiq ma, apaiq rii maiq ka juwa tsea wantaq, kriiwe ka nashiq ma mitiichhikuq. Apaiq raq juwa ajaqshi ma shongtaq, kriiwe ka apaiq phana mitiiwa. Raüta berong-wacha na honglu ka mitiikuq wa.

WEAWEA 20:12

Shatmaq Tatiwe raq Mosheq nai Aron ka sonto. Apaiq raq akha nguto, “Ümniiraq Ngi asii ningkun ka Israilnok makki na tiichhike wan miitu kamtsantsii hongli rüm maü dea kha maq, Ngi raq tsangshiq ma mikuqha nguta kiqkham kuqkang mung kriijaq ümniiraq tsangshiq ka shea wan lot maü she mirhaü.”

Matthew 10:37

“Jurwa anyung nai awe ka ngi thaq na chan raüta lungwii tlaq, kriiti ka i jaqshise ma jawan lot mak. Kiimaq jurwa ase maiqwe se lo jechakse lo ka ngi thaq na chan raüta lungwii wan tlaq, kriiti ka i jaqshise ma jawan lot mak.

John 12:28

I We loi, maiqse ma üm khushü jonglu kli dea tiichhikuq laq!” nguta Jesuq ka Awe rai riibomto. Kiijiishe, “Ngi raq I khushü jonglu ka tiichhi kuq kang she. Kiimaq Ngi raq jangshi ri hali mitiichhi kuq nongha,” nguta ra wa maiq bom ashi raq Jesuq bom ka treto.

John 14:13

Kiimaq i mang na namshiq raq jamlai phan wa mijaü han, kriika ngi raq misham kuq ha. Krai mren, Ase lümaq Awe khushü ka mijong.

TRI CHONGKE 32:51

Jamkhano ngukla Israilnok mungmaiqse man na namnai wiita raq ikiq tlea lan. Arka namshiq Meriba kham rai setiim hiq na siji na, Jin kumtsaiphii wang na Kadesh chela tho maq, namnai raq Ngi ka mungmaiqse makki na shreng man riilan.

2 Thessalonians 1:10

Arka Tatiwe raq, apaiq saükai akhing Ranaiq na, apaiq phan amaq maiqse thun raq, apaiq khushü tiima shreng tlaq, kiimaq maiqse ümchuro apaiq ma kam tlaq, kriiti thun raq, apaiq tiishomra tlaq, kra akhing ranaiq na mirairii baiq. Naishiq raq Shiikeawe bomtsi ka namshiq ma chongkuq kai. Krai mren, namshiq raq, kriima kamwan lan. Kriikha maq, namshiq thun kiimin, kra ranaiq ka ara chongtiikai, asii maiqsetiim rai misi wan dam han.

1 Peter 4:17

Phangthum Khapho ranaiq saüho miika ajeli she. Shiikeawe raq asengi kha ka kongkhu mipho phaho. Shiikeawe raq nashiq kha ka kongkhu mipho. Ikhiijiika, Shiikeawe raq atiichongki Tsütsa Ahea ma kam wan makti ka Shiikeawe raq ümtinkhan she wa tiichamchao jiiq riila! Kra chamchao ngutlaq kriika, achonglot mai phiiptsi chang!

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.

1 SAMUEL 3:18

Kra ningkhan, Samuel raq apaiq ma wiita chongto. Apaiq raq bom poshi min dampaü mak riito. Eli raq nguto, “Apaiq ka Tatiwe; apaiq ma jamlai ahea kra miklo.”

1 SAMUEL 6:20

Kra ningkhan Beth Shemesh chelati raq nguto, “Tatiwe man na, ara asii Shiikeawe man na juwa michap lot? Apaiq ka nashiq tho wa alu na, ümbano mitiiwa rong i?”