ISAIA 7:9 - ASII LAKDAP Bible (BSI)

⁹ Israil mung ka tsangmung nyung chong chela Samaria thaq na ajong riimak. Kiimaq Samaria chela ka tsang Hokhamwe Peka ningkun thaq na ajong riimak. “Ümkam tsantsii ka phataqtaq atsing angang riimak raüla, ümniika tsinglot maü mirhaü.”

Hawa Naga Bible 2001

⁹ Israel kuex Samaria mungx nuiyc kvruex ghaqyungx htauk nuex jvnc vtueq hungc vguez, Samaria mungx kuex hokhvmx Peka tanc khvnc hungc vguez. “Mkhoc shoc maq mnoz kvmluimx thuinz phaungx muq ngoz ruiux kuex, mnoz ngaungx lot tuiux rvmuq.”

ISAIA 7:9 Referencias Cruzadas

2 HOKHVMX 15:27

Juda Mung Hokhamwe Ujjia raq mung lang wan li maq rawii roqbiingi ri wiinai she angu na, Remalia se Peka ka Israil mung na hokham ma shongto. Kiimaq apaiq raq Samaria chela maq ngaraüta Israil mung ka wiiroqnai siqto.

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

ISAIA 28:1

Israil mungtan ka miqto she! Kra mung khushü ka cherop kong awelabi khu na hokham pepü khuphok aphok thun jung wantlaq ikha mut wanto. Tsangshiq shiikongkhiq khupo thun niika homseng tsai maq jutje. Shatmaq tsangshiq ka cherop makaiq kong bumtlo.

ISAIA 5:24

Kriikha na ümchaü min, tsamkü dap nai sangphii shinriiqriiq shinkitlaq raüta wa na phongchaq tlaq ikha michaqbaiq. Nam rangchong thun ka anam she mirki. Raüta namshiq pülii rai tlan ka ashin she mirki. Raüta rahai raq mipan wan. Jamkhano ngukla, Ajong Pinthum Tati, Israilnok asii Shiikeawe raq nashiq ma jamlai wa shrin kuqtaq kra namshiq raq no na tsuqbaiqlan.

ISAIA 7:10

Tatiwe raq Ahaj ma tsütsa thongshi hali akha tiichongho nongto:

ISAIA 7:4

Apaiq ma hon lamshat maq silaq. Laüta ümniika tsan awok sanglili maq ngalaq. Kiimaq ahai ka naqhaikiq. Kiimaq naq chhang hangkiq. Hokhamwe Rejin tsankhiq nai asengi Siria phenlabi kiimaq Hokhamwe Peka tsankhiq ka chinkiisenai wathiq amat wan ma khukraitlaq ikha jamhaisong chang min ahü.

ISAIA 8:4

Ara no ka, ‘Nyung-nyung’ nai ‘Wewe’ ngutiimin mibomtsü shaq liipan niili Damaskas chela wa tsiiq nai nyam tum thun kra wiita kiimaq Samaria chelati raq maiq tsiiq tek raüta atum atum ato thun kra Asiria mung hokhamwe raq wiita mihophaq wan.”

ISAIA 9:9

Israil mungti kunli raq, Samaria chela na siti maiq loweatek raq, arka apaiq riidea photo nguta misap. Ümchaü riiwe kla, tsangshiq ka shiikongkhiq kiimaq ra na dü ma phipii sitlo. Tsangshiq raq ngutlo,

JEREMIA 43:2

Kiijiishe Hoshaia se Ajaria kiimaq Karea se Johanan kiimaq mungmaiqse phong wa ashkongtamli siti kong rai adam maq ikiq ka akhiishe khiito, “Ümniika arot. Tatiwe nashiq Shiikeawe raq ümniika naishiq ma Ejip mung na naqsiki rongkiq nguta tiichongki mak.

Mikha 1:5

Arthun Shiikeawe tsankhiq saütlaq arka juma mra kewan chang wa? Jakob raq ngarai tangwanto riimak shea? Israilnok ngarai miitu riimak shea? Riita Jakob ngarai ka jamlai wa? Samaria chela na riimak shea? Kiimaq Juda ngarai tangchang hiqlam ka ümbano? Jerusalem chela riimak shea?

Acts 27:11

Shatmaq phentuwe ka laijong jiiqti we kepten we nai laijong tatiwe raq achong bom kli taito. Paul raq achong bom ka taimak dea.

Acts 27:25

Riita, maiq wiitiim lei! Ara chongtiikang arai mren, tsaiji tiijong rong laq. Ngi raq Shiikeawe ma kamtiikang, ngi ma jamkho chongkuqtaq kra phanphan mihong wan.

Romans 11:20

Kriika riikhaqli tengto dea. Tsangshiq ngei baiq rat wantaq kriika, tsangshiq raq kamtsantsii thü wan mak kha na, ngeibaiq wanto. Kiimaq ümchaü namshiq ka tsangshiq cham chang chong na triiche cham tlan. Arka namshiq raq kamtsantsii thü tlan kra kha maq, tiichamkuq wantlo. Shatmaq, kra miitu namshiq ka naq shiikong rongkiq. Ashkong wan la na, namshiq ka tiihaisong shatmaq khoti singa ronglaq. Kra riihan jiika, namshiq ma ahea miraq.

Hebrews 11:6

Kamtsantsii ahü maq, jurmin Shiikeawe tiichochi lot mak. Arkha maq, juwa Shiikeawe phana watlaq, kriiti raq Shiikeawe ka asi kiimaq apaiq rit wanti miika poksi mikuq dongdii nguta, kamtsantsii thü raa tlo.

1 John 5:10

Riita, ara chongtiikai arai mren, jurwa Shiikeawe Se miishe kam tlaq, kriiti tsan mong niika, ara hakhi atsam ara asi. Shatmaq, jurwa Shiikeawe ma kamwan mak riitlaq, kriiti riika, Shiikeawe ka arot we miishe tiija baiq tlo. Jamkhano ngukla, Shiikeawe raq Ase miitu tengtlaq bomtsi chong tlaq kiima, apaiq raq kam mak.