Luke 1:45 - ASII LAKDAP Bible (BSI)

⁴⁵ Tatiwe raq ümniima tsütsa chongkuqtaq kriika poimak mihong tha wan nguta ümniiraq kamwan tlaü krai mren, ümniima pinthum kechu jonghea miraq!”

Hawa Naga Bible 2001

⁴⁵ Kvmluimx jix nyuiuz kuex thuinhvlx yaq, yvmx khoc lac ngoz ruiux lec Taungjix bomjungc kuex piq nuex hungx waung shex!” ngoz tueq.

Muklom

⁴⁵ Teyhungwa raaq raa asing ta kam tu ethima nang raa rapney sunmaan!”

Luke 1:45 Referencias Cruzadas

1 HOKHVMX 17:16

Tatiwe raq Elija nübok maq kiqkham kuqtaq, kra phan phan, kra nüchhong winpin wa wong win kra thumki mak phan riito. Kiimaq hamlii tsabum mong wa olip tai kriimin thumki mak phan showoto.

2 HOKHVMX 4:5

Krai mren, kriinyung ka ase nai rai ajam mong wato. Raüta kilü maq tiishaqto. Raüta olip tai hamlii tsabum aranse kra ajaq na doto. Raüta ase nai raq apaiq ma jamkho tsabum shaqmii thun kra ashi shi maq lam kuq wa tlaq, kra phan phan apaiq riimin olip tai ka tsabum thun kiina thiito.

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

Luke 1:20

Shatmaq, ümniiraq i tsütsa arma kam maü. Arka akhing riikhaqli na mihong wan. Ümniiraq kam maü arkha maq, ümchaü sanha, ümnü ka atang she mirki. Ümniika i kiqkham ara miku shaq wiiwii, bomhü miili she misi haü.”

Luke 1:44

Ngi raq ümbom hiqkhu chong maq abom wan haü kra tai ri li she, i wok wa no kra, achochisi tsi ma, i wok mong na, adoq haha she tiimeshi pheto.

Luke 1:48

Apaiq raq ngi akhnok jehin nore mangchan kuqto! Ümchaü miiphat she maiq angu wiita raq, ngi arka kopan jonghea nyung ngutiishe mingu.

John 11:40

“Ngi raq ümniima chongpha ira taimaü sha? Ümniiraq kamhan jiila, Shiikeawe khushü jonglu kra michhi haü nguta chongpha ihata?” nguta Jesuq raq apaiq bom ka treto.

John 20:29

Kiijiishe, “Ümniiriika i sham ara chhi laü tiitiq sha, ngi ma kam tlaü? Jurwa i sham ara chhi mak miili, ngi ma kam tlaq, kriiti ma pinthum kechu jonghea!” nguta Jesuq raq Thomas bom ka tre nongto.