John 1:17 - ASII LAKDAP Bible (BSI)

¹⁷ Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

Hawa Naga Bible 2001

¹⁷ Tishox rueq Moshe maq raz tueq Tvrac kuex kuq phuex, yuq muinz kejux nuiyc tsuingrux lvmx kuex Yesu Christu maq httuiuc kaz tueq.

Muklom

¹⁷ Shkewa thong tha Moses tungkang o kotta, etharin ráng manchan nia asing sha Jesu Khristo tungkang o thu tapha.

John 1:17 Referencias Cruzadas

RAPHA HIQWA LAK 22:18

Ngi raq ümsaü ümsetiim shiiman kuq kang kiikha maiq phan wiita raq Ngi ma tsangshiq kiimin shiiman kuqlaq nguta mijaü. Jamkhano ngukla ümniiraq Ngi aming langlaü.”

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

Tvtsvmc 85:10

Lungwii nai tsapkapkap ka adam na mirhum; kechu nai hansang ka adam na mirpom.

Tvtsvmc 98:3

Apaiq raq Israilnok ma kiqkham kuqtaq kra tiihongtoshe apum ma tiijatlii raüta kiimaq tiipitmakphan lungwiitsii maq tiihongto.

Mikha 7:20

Ümniiraq man na naititiim, Abraham nai Jakob pat na, jamkho kiqkham kuqlaü, kra phan phan, naishiq ümsenginok ka, ümniiraq tsapkapkap maq mirüm wan haü. Kiimaq mimangchan wan haü.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 5:45

Ngi raq namshiq ka i We man na mitiishut ngutiika naq tiima rongkiq. Shatmaq, namshiq raq ranphan tlan we, Mosheq raq namshiq ka mishra.

John 7:19

Riita namshiq ma Mosheq raq Thungtri kuq thütaq riimak sha? Shatmaq, namshiq phong wa, maiq weshi ra raq dongdii min kra Thungtri ka lang man. Riita, kra taü maq, namshiq raq ngi ka atsea baiq chang nguta jaram wa tan khan tlan?”

John 8:32

Krai mren, namshiq raq Shiikeawe ka juwa kra riikhaqli misap han. Kiimaq kra tengteng bomtsi sap tlan kriiraq, namshiq ka wasetiim miishe mitiija wan.”

John 9:29

Naishiq raq asap hai, Mosheq miika Shiikeawe raq bom chongkuqto. Shatmaq, naishiq raq arwe arka ahiqshong arahai santla sap mai!”

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

Acts 7:38

Apaiq ka Israilnok rai kumtsaiphii na adam maq thungtii wan damto. Kiimaq, Sinai Pum maq Shiikeawe rase ka apaiq rai riibom damto. Kra akhing na apaiq ka natitiim rai adam riito. Kiimaq, apaiq raq Shiikeawe bomtsi atra tsütsa ka jaü raüta, nashiq ma kuqto.

Romans 6:14

Ümchaü sanha, namshiq raq ngarai ka namtijong we ma tiija wan raa mak she. Ümchaü, namshiq ka thungtri jaqkhon mong niika siman she. Shatmaq, Shiikeawe kaphap mangchan wokhong mong niishe sitlan.

2 Corinthians 1:20

Apaiq ka Shiikeawe kiqkham ümchuwa sitlaq kra tiiku wanti “Tengto Dea” nguta tre bomtsi. Arkha miitiina, nashiq raq Jesuq Khristo mang na “Amen” nguta Shiikeawe tiishomra tiikai.

Galatians 3:17

Shiikeawe raq Abraham ma tongshong kuqto. Kra tongshong kiqkham raüpot ka apaiq ma ase ashi mikuq ha nguta khakuqto. Riita, Shiikeawe raq Thungtri ka, apaiq kiqkhamke wan jai maq, rawii wiiroq shiblai ri wiiroq tsam jai niishetiq kuqto. Kra Thungtri kuq wantaq kra riika, tongshong kuqtaq kra nai kiqkham raüpot khakuq wantaq kriika diibaiq wan lot mak she. Kiimaq tiikhoi baiq lot mak she.

TRI CHONGKE 33:4

Nashiq ma Mosheq raq akuq thungtri raütu kra langtiikai, arka namung ma tsiiq chong nyamchong rahea pinthum.

TRI CHONGKE 4:44

Mosheq raq Shiikeawe Tri raütu thun nai tri tsii chongke thun ka Israilnok ma kuqto.

TRI CHONGKE 5:1

Raüta Mosheq raq Israilnok ka kunli adam na triitam heato. Raüta tsangshiq ma akha chongkuqto, “Israilnok lei, ümchaü ranaiq ngi raq namshiq ma tri raütu thun kuq tiikang ara wiita tiitsang tai ronglaq. Kriithun ka saptsin ronglaq kiimaq tri wokhong na sironglaq.

Hebrews 9:22

Riita, riikhaqli maq liiwan kiijiila, Thungtri na chongtlaq krai mren, phanrap na tiijai maq nei raütiitiq tiisii tlo chhi tiikai. Kiimaq, maiqse ngarai kiimin tiijai raü hü wiiwii maq, ngarai ka siimak phan nguta chongtlo.