Matthew 17:20 - ASII LAKDAP Bible (BSI)

²⁰ Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Hawa Naga Bible 2001

²⁰ Yesu rueq tvralc tueq, “Nuimshiq kvmluimx thuinz vthvp ningkhvnc nuex rvtueq; nuimshiq muex ngaz rueq vsuing jungx kuq ix, nuimshiq nuex kvmluimx thuinz kuex yekex lix tanc saz httax ruiux yuq, ‘Vruex kanx kuex nuex kvyuq kvhttot wvnc kuiuz!’ ngoz ruiux yuq piq kuex kvhttot wvnc tuex. Nuimshiq rueq ruez lot muit juing yvmx muinz vguez.

Muklom

²⁰ Jesu aa batta, “Chammatakoi nim kam rapney aney! Nga nim ma asing batphang, nim kam jungqhang li mal ang ajo, nim aa iri aluk kan rima jin bat eq nin, ‘Iri wang eshináng ka u’ etho eshimal hun kana. Nim aa thaji jin som eq nin.

Matthew 17:20 Referencias Cruzadas

Matthew 13:31

Kiimahali Jesuq raq tsangshiq ma shiiton ashi maq hali chongkuq nongto: “Ramungtan ngutlaq arka akha. Bom shiiton maiq weshi raq jücha raise raishi ka tsun raüta wak na wankito ngu i.

Matthew 14:29

Kiijiishe, Jesuq raq, “Kira,” nguta thaüto. Krai mren, Petar ka lai mong wa kham thaq na satkisaq raüta, Jesuq pha nü na kham thaq maq khum wanto.

Matthew 17:17

Kiijiishe, Jesuq raq treto, “Namshiq kamtsantsii ka ahü. Kiimaq namshiq ka ajiq! Ngi raq namshiq chanja ka ümloq cho na saüli wa minin wanha ta? Üm se ka ana iphana shea wan laq!”

Matthew 17:19

Kiijiishe ajaqshisetiim ka Jesuq phana tsangtsam honhon kiraüta, “Naishiq raq kra tha ka jamkhii riito jobaiq lot mai riikai?” nguta waito.

Matthew 17:9

Jesuq nai ajaqshisetiim atsam ka pum kriimaq asatkai lam miishe, Jesuq raq tsangtsam ma, “Ümchaü namtsam raq jamlai wa riisham mak maq chhi lan, kriika Maiq Se kra ama wa midong wan shaq wiiwii, maiq ahinti ju miimin naq chong rongkiq,” nguta kiq thangto.

Matthew 21:21

Kiijiishe Jesuq raq treto, “Ngi raq chong tiikang arka tengteng. Namshiq raq rang ra man maq kamhan jiila, ngi raq phupmup chong ara jamkho tiitsai baiq kang, akhiisii hali namshiq riimin milot han. Ara lamlam li ka riimak. Namshiq riika arthaq niimin, ara hiqlam kaü arma, ‘Tiikoq wan laq. Laüta, sammoktra jü mong na tiingok wan laq’ nguta thaü han jiila, hiqlam kaü ka mikü wan.

Matthew 8:26

Jesuq raq tsangshiq ka sonto, “Namtsam ka kiitinkhan jaram kiinyii rai wa? Namshiq kamtsantsii ka ranhea!” Kra ngu raütiishe apaiq ka tiidopot raüta, rathaiq hengwa nai khamtso blun hengwa kriima, “Tsaq ronglaq” nguta aming tatto. Krai mren, rathaiq nai khamtso brak watrang kriika sangsaq li she, kaiqshak sanglili she sangkito.

Mark 11:22

Jesuq raq tsangshiq ma chongto, “Shiikeawe miili kam ronglaq.

Mark 11:23

Ngi chongpha, tiitsang taironglaq. Jurwa kamtsantsii pharang rang maq, ara hiqlam kaü ara nangnga, tiikoq wan laq, laüta sammoktra jü mong na kü wan laq nguta thaü tlaq, kiimaq atsan mong na tsan nai thümak, shatmaq apaiq raq jamlai chongtlaq kra mihongwa nguta kamtlaq, raüla, apaiq miitu miklokuq.

Mark 4:31

“Arka akha. Jücha lai kra mangjong hiq na aran pinthum. Maiq weshi raq, kra awak na miwanki ngu i.

Mark 9:23

Jesuq raq treto, “Tengto, ümniiraq Shiikeawe ma kam haü jiila! Ümniiraq kam haü jiila, phanrap milot haü!”

Luke 1:37

Krai mren, Shiikeawe raq lot mak chang ngutiika, jamlai phan min ahü.”

Luke 17:6

Kiijiishe, Tatiwe raq treto, “Namshiq kamtsantsii ka jücha raise tin li jiimin, kam lanta namshiq raq ara manjong chong arma, ‘Ümrang chong maq tiiba wan laq. Laüta sammoktra jü mong na cham wan laq!’ nguta thaü han jiila mitai.”

Luke 18:27

Kiijiishe, Jesuq raq treto, “Maiqse raq lot mak chang jamlai wa sitlaq kriika, Shiikeawe raq milot.”

John 11:40

“Ngi raq ümniima chongpha ira taimaü sha? Ümniiraq kamhan jiila, Shiikeawe khushü jonglu kra michhi haü nguta chongpha ihata?” nguta Jesuq raq apaiq bom ka treto.

1 Corinthians 12:9

Kiimahali, kra Asii Wenyi riisii hali, maiq ashi miika kamtsantsii ningkun kuq tlo. Kiimaq maiq ashi miika, atsi asiti kra tiiheake miitu ningkun kuq tlo.

1 Corinthians 13:2

Ngi ka kamasham na ama maq siti, maiqse tsantsii ka tiinin lili chang, traho bom chongke min milot ha sham. Kiimaq phanrap apaü arthü bomtsi thun kriimin misap ha sham. Kiimaq i kamtsantsii jong ka, ku akin kriimin tiime lili chang khan min misi sham. Shatmaq i tsan mong na lungwiitsii ahü jiika, ngi ka thiihü miraq.

Hebrews 3:19

Riita, ümchaü arjaq chong tlaq arwiishe, nashiq raq chhi tiikai. Tsangshiq ka Shiikeawe raq, tsangshiq ma akuq Kanan hiqshong mungtan na saülu mak miili, lamkampii maq jiim rai wanto. Tsangshiq ma akuq maiqmii mungtan na saü mak dea jiim raitaq kriika, tsangshiq raq Shiikeawe bomchong kra taishatshat taü maq, lang mak ngiimtaq kriikha na tsaito nguta chong tlo.