1 Peter 3:15 - ASII LAKDAP Bible (BSI)

¹⁵ Shatmaq, namshiq tsan mong na Khristo ma anato lanta sironglaq. Lanta apaiq ka Tatiwe nguta shreng shatmaq sironglaq. Maiq raq namshiq ma, Shiikeawe miika jamlai nguto kam tlan nguta, bom waiso raüla, bomtre miitu wranaiqshe khekham maq sirong laq.

Hawa Naga Bible 2001

¹⁵ Yuq muinz nuimshiq thuinz vmungx htenc maq Christu muex tvtsanc nganc kuq ruiux, Taungjix vpiq muex tvtsanc shuinz. Nuimshiq nuex lvp wvnc tuit thuinz tvluimc juing kuex miq vshiz shiz rueq wisoz ruiux yuq, bomc vlvmz jungphvnc kuy lvp tvkoc tvyoalc yoalx maq httax wuez kuinz,

Muklom

¹⁵ Etharin Khristo sha nim tin na Teyhungwa ta tathin eq rangka inn. Chamtey eq nim tungmang tung aa raaq pit ma ang ajo piq ma thawel batma salwet kacha eq tong inn.

1 Peter 3:15 Referencias Cruzadas

Tvtsvmc 119:46

Ngi raq ümnaq aming thun ka hokhambi ma mitiitaiha kiimaq ngi ka jeasi mang.

TAKSU LAK 15:28

Maiqshaqti riika maiqbom treho ma, samhea tiima raüta maiqbom tretlo. Shatmaq maiq abiti riika, mobom mobom bom raüta, tatso khoti niqtlo.

TAKSU LAK 22:21

Ara bomtsi thun arwa ümniiraq, tengteng bomtsi nai riikhaqli tri kra misap haü. Laüta ümnaq tiikaitibi phana, jang wan laüta riikhaqli bomtsi kra, michong kuq wan haü.

ISAIA 1:18

Tati raq ngutlo, “Riita ümchaü min bom ka riichong i. Ümkhum ka ngarai na tiitsam laüta maiq tiijai maq tlo laüta shiiroro she sitlaü. Shatmaq Ngi raq ümniika tsakhiiq ikha siirairaihea lüdiidii hea she mihekuqha. Ümkhum ka ngarai maq alorat kha maq, among tsaühea na saüli achhe wan kun she shiiroro ma she, li jiimin, Ngi raq ümniika umnirai railü tam ikha lüdiidiihea she mitlü kuqha.

ISAIA 29:23

Ngi raq namshiq ma kuqtiikang namsetiim kra chhihan jiila, namshiq raq Ngi ka asii Israilnok Shiikeawe dea ngutiishe misap han. Namshiq raq Ngi ka mishreng han. Lantea iman na khakii kewaliishe michap han.

ISAIA 41:21

Tatiwe, Israilnok hokhamwe raq akha ngutlo: “Namshiq maiq mung thun phra kong raq, namshiq kha ka rung na shokronglaq. Namshiq kiqkhii chang ahea pinthum tri ka tiije lantea warong ra!

ISAIA 5:16

Shatmaq Ajong Pinthum Tati riika kappe sham raüta riikhaqli maq kha photlo. Raüta apaiq jonglu kra tiichhikuqtlo. Kiimaq apaiq asii rilung ka asenginok kha phokuqtlaq kra lümaq tiichhikuqtlo.

ISAIA 8:12

“Mungmaiqse raq jamlai phan wa kiimungtlaq kriijaq naq pongdamkiq. Kiimaq tsangshiq ka jam khiinok mo haisongtlaq kriima naqhai songkiq.

WEAWEA 20:12

Shatmaq Tatiwe raq Mosheq nai Aron ka sonto. Apaiq raq akha nguto, “Ümniiraq Ngi asii ningkun ka Israilnok makki na tiichhike wan miitu kamtsantsii hongli rüm maü dea kha maq, Ngi raq tsangshiq ma mikuqha nguta kiqkham kuqkang mung kriijaq ümniiraq tsangshiq ka shea wan lot maü she mirhaü.”

WEAWEA 27:14

Jamkhano ngukla namnai wiita raq Jin bintang jüngi wang maq, ikiq khii wan lan. Israilnok mung kunli raq Meriba hiq maq Ngi ma bom nam bot nyan wantaq akhing na, ümniiraq asii iningkun ka tsangshiq makki na shreng maü riilaü.” (Meriba ka khamphok raise Jin bintang jüngi wang na Kadesh hiq na riito.)

Acts 21:39

Kiijiishe, Paul raq treto, “Ngi ka Jehudi phan. Silisia wang na Tarsas chela na achü. Kiimaq akhek chela ajong na siti nokti we ashi. Riita, ümchaü min, ngi raq ara mungmaiqse mrurang rai tlaq arma bom poshi chongke miitu aming kuqlaq” nguta jaüto.

Acts 24:25

Shatmaq Paul raq apaiq rai riibom lam maq, kechu rilung, stiq skhaq rilung, kiimaq jai na saüho tlaq Phangthum Khapho Ranaiq wa bom thun kra phanchan chongkuq wan lili riitlo. Kriikha maq, Phelisk ka ahaisi min asi riito. Kriikha maq, “Ümniika ümchaü atiido wan mimai. Ngi raq ümtiikiiwa akhing milap ha kiitiikiitiq mitiihea nong kang” nguta chong kuqto.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:27

Shiikeawe raq kra apaü raüta athü wan ka, ümchaü sanha asengi ma, aphoq kechang she nguta akiq tiideato she. Riita ara achong lot mai rahea phan, achhai anyii tsiiqchong nyamchong rümtlaq arka, wiitarü miitu rümtlo. Riita ara chongtiikai apaü raüta athü bomtsi ka, Khristo ka namshiq khum niishe sitlo nguta chongtlo. Kra liichum ka, namshiq riimin Shiikeawe achhai anyii khushü jonglu kra milap wandam han she nguta ngo ahata.

Colossians 1:5

Riita man na, aphaji na, namshiq raq tengteng Tsütsa Ahea, namshiq ma achongkuq wan ira tai wan lan ihata. Kra tai wan lan akhing na, Tsütsa Ahea ma kamwan raüla, namshiq ma rawiichii ramungtan na alap wan chang asi miraq nguta chongkuqto ihata. Krai mren, namshiq raq ran tsantsii thü wan lan ihata. Riita ikra, rantsantsii thü wan tlan kriikha maq tiina, ümchaü namshiq raq kamtsantsii nai Shiikeawe sengi ma lungwii tsantsii rüm tlan kra. Arka namshiq rantsantsii tsingo she dong wan tlo.

Colossians 4:6

Namshiq bom asa ka akhingtek na athuk atsom, ataisea ma ahea wiq maq bom rong laq. Kiimaq nanok ma bomtre chang dong tlaq niika, riikhaqli tingting bomtsi maq tre rong laq.

Titus 1:2

Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

Hebrews 6:1

Lo ta, ikhiijiika, nashiq ka sinkhu na wawan ruq li warong i. Laita maiqla raq phaqsea chang, atsaü bomtsi kriishe phaqsi laita si rong i. Man niiwa, nashiq Phung na shang pha wa, atiicham pha chang, Phungmaiqse rilung tsütsa tai kai kriika, ümchaü bliiq chongki nong mang she. Namshiq riimin kra apha wan chang hiqkhu phishi kiijiili ka naq nga rai rongkiq she. Ra na dü wan chang. Ümchaü nashiq riika apha wan tsantsii klai wan laita, thiihü rilung jaqsham ka miimthü kai she. Laita Shiikeawe wokhong na nyap wan kai she.

1 Peter 1:17

Namshiq raq achu jaü tlan na Shiikeawe nangnga, “I We lei,” nguta riibom tlan. Apaiq raq maiqse angu wiitarü ma, mren mra maq shin kuq tlo. Maiqse pum loweatek raq, maiqmii raq jaq maq jamkho Shiikeawe lamphan ka shiithuk rai tlaq, kra tiiphanphan phokuq tlo. Arkha maq, namshiq ka mangjong hiq na ümchu ranaiq wa sithü tlan, kra liipan na Shiikeawe ma haisong tsantsii rümshat maq shonga lanta sironglaq.

1 Peter 3:2

Namshiq raq tsangshiq shreng lanta, rong arai asii, kiimaq athuk atsom maq, shongnga tlan kra chhi raütli she, tsangshiq tsiitsii maq, Tsütsa Ahea ma mikam wan.

1 Peter 3:4

Ara chongtiikai akha, sham tiitsom rom riita rai nam miikhoti, namtsan namtsii riiwe kra siirairai hea, rüm rong laq. Kra kata maiq raq, mak maq chhi mak phan, nam mongjii na tsomhea sitlaq kra. Namshiq tsan mong na, sobsob bombom hon atsii nai saksi minmi maq sitlan rong arai kata pattup thenki mak phan shamhea shamjü rilung miirii. Shiikeawe maklii na riikhaqli athuk atsom rilung shamhea ngutlaq ka ara chongtiikai.

1 SAMUEL 12:7

Riita, ümchaü min namshiq ka ümbano chaptlan kiijaq chapshatli ronglaq, ngi raq namshiq ka Tatiwe man na, Tatiwe namshiq nai namtitiim tiichhiiwan miitu ümtinkhan wa ningkun jonghea maq jaqsham wantaq thun kra namshiq ma bliiq chongkuq nong lata namshiq ka Tatiwe man na tiishut pha.