1 Peter 3:14 - ASII LAKDAP Bible (BSI)

¹⁴ Shatmaq namshiq raq athuk atsom jaqsham tlan kra taü miimin, maiq raq namshiq tiichamchao raüla, kriika namshiq ma kopan jonghea riito ngutli tiima rong laq.

Hawa Naga Bible 2001

¹⁴ Yuq muinz mkhoc shoc maq nuimshiq rueq vlvmx shuimx yaq rvhvt maq nuimshiq kuilc daz rvhumc ruiux kuex, nuimshiq thuinhvlx httax yaq! Ukhaq muex muinz nauk hiz kaz, nauk rvwvl kaz.

Muklom

¹⁴ Nim asing rangma tsamnang ang inn jo, nim ma sunmaan; nim utang ma tho nak cho inn etho cham ma tho nak tathin inn.

1 Peter 3:14 Referencias Cruzadas

TAKSU LAK 3:25

Tiidongchhaq maq rathaiq saüwa tlaq ikha, ashut maiqse jamkun na, tsaimiq khusiq saü watlaq kra miitu, ümnaq chapa chang ahü.

ISAIA 51:12

Tatiwe raq ngutlo, “Ngi ka ümniima ningkun shoqketiwe. Ümniika han-ngam hiqda maiqse jaram haiwa, apaiq ka sangphii ikha aloseli misi riimaksha?

JEREMIA 1:8

Ümniika tsangshiq ma naqhaikiq. Ngi ka ümnaq tiiwongke ümniirai nongshnong misiha. Ngi Tatiwe raq ngutiikang!”

JEREMIA 15:15

Kiijiishe ngi raq ngukang, “Tatiwe, ümniiraq asaphaü. Ngi ara ümtsan na tiitsanglaq. Kiimaq ngi khrumlaq. Ngi tiichamchaoti khuthaq na iphuk lampha. Ümniiraq tsangshiq ka kiitinkhan langlang naq ninkiq. Laüta tsangshiq ma ngi tiitsatli chang akhing naqkuqkiq. Tsan na tiitsanglaq; tsangshiq raq ngi shummiitlaq arka ümmang na shummiitlo.

EJEKIEL 3:9

Ngi raq ümniika longkaü ikha phataqtaq atiimeshi maimak mitiijabaiqha, longseng ikha tsinhea mitiitsinbaiqha. Tsangshiq ikiq khiitinok kriimiika naqhaikiq.”

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Matthew 10:31

Ara chongtiikang arkha maq, namshiq ka maiqse ma naqhai rongkiq. Shiikeawe maklii na wushi kong ümchuwa siwan tlaq kra thaq na namshiq rilung ka rahea.”

Matthew 10:39

Jurwa maiqmii rilung ka tiihang wan la nguta tiima wan tlaq, kriiti raq maiqmii rilung ka atiimo mirbaiq. Shatmaq jurwa maiqmii rilung ka ngi miitu tiimo baiq tlaq, kriiti raq maiqmii rilung ka milap wan.

Matthew 16:25

Ara jamkhano chongtiikang ngukla jurwa maiqmii rilung kra tiihang wan hajaq nguta tiima tlaq, kriiti raq maiqmii rilung ka atiimo mirbaiq. Shatmaq jurwa maiqmii rilung ka ngi miitu tiimo baiq wan tlaq, kriiti raq maiqmii rilung ka mihum wan.

Matthew 19:29

Kiimaq maiq khumtek raq ngi miitu, maiqmii jam lo, aphu anotiim lo, ashea-nyungtiim lo, anyung nai awe lo, asetiim lo, awak ajam lo miimbaiq thütiiti thun miika, kra thaq niimin apa achan ana, ahing ashi maq mitliip kuq. Kiimaq tsangshiq ma pattup pat-sa rilung kra mikuq.

Mark 10:29

Kiijiishe Jesuq raq tsangshiq ma akha chongkuqto, “Kriika tengto. Ngi chongpha. Jurwa ajam lo, aphu anotiim lo, ashea nyungtiim lo, anyung lo nai awe lo, asetiim lo, kiimaq awak thung lo, ngi miitu, kiimaq ara Asii tsütsa ara chongke jaqsham miitu baiqthü tlaqti riika,

Mark 8:35

Jurwa atsitsü ka tiichhii tiima tlaq, kriiti raq apaiq rilung ka atiimo mirbaiq. Shatmaq, jurwa apaiq rilung ka i jai phan miitu nai Tsütsa Ahea ara chongke miitu, tiimo baiq tlaq, kriiti raq apaiq rilung ka mitiichhii.

John 14:1

“Namshiq ka naq chapa rongkiq, kiimaq naq tiimangchan rongkiq,” nguta Jesuq raq tsangshiq ma tsii chongkuqto. “Shiikeawe miili kam ronglaq. Kiimaq ngi miimin kam ronglaq.

John 14:27

“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.

Acts 9:16

Kiimaq, apaiq ka ngi miitu, ümtinkhan chamchao chang wa, kra ngi raq apaiq ma mitiichhi kuqha.”

2 Corinthians 12:10

Riita, ngi ka Jesuq Khristo mang na, atsi asi lam miimin, chamchao litkot mong miimin, maiq raq ngengseng raüta, tiichamchao tlaq niimin, kiimaq phanrap aha atsa holai saü tlaq ranaiq niimin, khoqriiq shishiiq miili sitiikang. Ara jamkhano akha sitiikang ngukla, i khum wa han-ngam ningkun ka, ümtiikiiwa ajom riiwan tlaq, kiijiishe Khristo ningkun tu kra, i khum na nyai wan tlo.

Philippians 1:29

Ara jamkhano chongtiikang ngukla, Shiikeawe raq namshiq ma thek tlaq Khristo shiililii jaqsham kuq wantaq kriika, apaiq ma kamwan lamlam li ka riimak. Shatmaq, apaiq miitu chamchao wan kiimin adam na kuqto.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

James 5:11

Nashiq raq tsangshiq ka kechu maiqsetiim dea nguta shreng tiikai. Jamkhano ngukla, tsangshiq raq chamchao walü wiita nin wan raüta siwanto. Job raq phanrap chamchao nin wanto. Krai mren, atiisup na Shiikeawe raq, apaiq ma pinthum achu shiiman kuqto. Kra bomtho ka namshiq raq asap han. Shiikeawe raq maiqse ma mangchan tsii rüm tlaq kriika, nashiq raq nü maq achong lot mai sitlo.

1 Peter 3:6

Sara ka ara chongtiikai akha nyungshi riito. Apaiq ka awese Abraham bom taitai, awese wokhong na siti nyung riito. Apaiq raq awese rai riibom nai lam maq, tatiwe loi, nguta riibom damto. Ümchaü namshiq raq athuk atsom jaqsham lanta sihan jiika, kiimaq namwesetiim thatsang maiqse raq, namshiq tiihai song raü min, haisong man maq, Sara ikha sihan jiika, namshiq ka Sara setiim, apaiq pumsong wanti nyungre miishe mija han.