NEHEMIA 8:1 - ASII LAKDAP Bible (BSI) Jipi lümiishe liipan na Israilnok ka maiqmiimii sichang chela thun na kunkun she shongnga wanto. Kra lüwa, jiha ranaiqshi na, tsangshiq tarü Jerusalem chela mong na Kham Kilam Chong tapshok hiqthung bashi kiijaq Israilnok ka kunkun ngongthung riitam ngato. Raüta tsangshiq raq ramwe kiimaq Thungtri shamtiwe Ejra nangnga Tatiwe raq Mosheq lümaq akuq lakdam kom kra mungmaiqse ma phatkuq laq nguta chongto. Hawa Naga Bible 2001 Lex mvshix yac httuiuc wvnc tueq nuex Israel miqsaz kuex miqmac httax juing miqghaq htenc nuex httaz shaungx httax wuez tueq. Kvruex yapix vphaungc raungnuiyq tsuingshiq kuex Yerusalem ghaq Yuix Kaluix vwanc baung nuex rvtuimx tueq. Tsuingshiq kuex Yehowa rueq Israel miqsaz muex Moshe maq raz tueq kuq shec tueq Tvrac luik dvp kuex Tvrac tuiuz thenc jix shomc waz Ezra kox wawc thoz wuez tueq. |
Raüta tsangshiq wiita kongshi maq Shomjam na kihoto. Tsangshiq rai nongnong ramwebi thun kiimaq shammibi thun kiimaq mungmaiqse kunli, chiithe lüwa kiimaq miitsan miijan wiita adam na kihoto. Raüta mungmaiqse thung tlaq kiijaq hokhamwe raq tongshong lakdap Shomjam wa humtaq kra tiihong raüta phatto.
Apaiq raq Shaphan ma, “Ngi raq Thungtri Lakdap ka ara Shomjam mong wa humkang,” nguta nguto. Kiimaq apaiq raq kra lakdap ka Shaphan jaq na kuqto.
Raüta tsangshiq tarii adam maq ramwebi nai Lewinok rai kiimaq mungmaiqse tlotli rai, chiithe kiimaq miitsan maiqse rai kongshi maq Shomjam na wato. Tsangshiq tarü man na, hokhamwe raq tiihong raüta kra tongshong lakdap Shomjam wa humtaq kra tlotli phatto.
Arjai maq rawii luhea sijai niishe, Ajong hokhamwe Artajarses raq Parsia mung lang akhing na, Jehudinok phan wa maiq weshi, Ejra nguta asi riito. Apaiq raq ati awe raü manphan ka Aron pat na saüli konchonto. Apaiq ka ramwe jong pinthum Aron saüse phan wa. Apaiq ma atitiim weraü manphan ka akha: Ejra ka Seraia se; Seraia ka Ajaria se; Ajaria ka Hilkia se;
Ejra raq arilung ka, Tatiwe Thungtri kra sidi phat wan lam na, kiimaq kra Thungtri na rilung na lamphan miitu sung atsii chongkuqtlaq thun ka apaiq maiqmii rilung na lang wanto. Kiimaq kra Shiikeawe thungtri na maiqse rilung na jamkha lang wan chang wa chongtlaq, kra Israilnok ma danhonke wan lam na, kiinong kuq wan raüta tiisung wanto.
Artajarses raq ramwe, kiimaq taksmawe Ejra ma ara lak ara kuqto. Apaiq ka Tatiwe raq Israilnok ma akuq thungtri kra shamti taksmawe riito. Apaiq raq thungtri aming ka wiita thumli asap siisaq riito. Ara lak ka akha kuqto:
Israilnok Shiikeawe raq Mosheq ma Thungtri kuqto. Riita Ejra ka Thungtri shamwantiwe taksu maiqse riito. Ejra khuthaq na apaiq Tati Shiikeawe achu shiiman ka asi kha maq, Ejra raq hokhamwe jaq wa jamlai phan wa jaütaq, kriika hokhamwe raq Ejra ma khrum kuqto. Riita ara chongtiikai arai mren, Artajarses raq munglang wanli maq wiimiishi she angu na, Ejra ka Bebilon mung maq Jerusalem na kaiho kiimwiiq phahoto. Apaiq rai Jerusalem na laüho damti Israilnok mungmaiqse ka arthun armin kiho damto. Ramwebi, Lewinok, Shomjam na ashi ashunti, Shomjam kheti petabi, kiimaq phanrap shamti thun laühoto.
Arwetiim raq jaqsham wantaq arka, Joiakim pat na sham wanto. Joiakim ka Joshua se. Ati mang ka Jehojadak riito. Kiimaq arka Nehemia raq wanghupti jaqsham wantaq pat na riito. Kiimaq Ramwe jaqsham wanti Ejra pat na riito. Ejra ka Shiikeawe Thungtri shrinketi taksma riito.
Raüta, tsangshiq ka Khamdü Kilamchong miishe ka Dawit Chela mong na nyap wan chang longpen hiqkhuphi lam kiiniishe düwanto. Raüta, Dawit hokham we jam ka lea wan raüta, chela ruk nü kiina hali, Khamchum Kilamchong kiiniishe wa wan raüta, chela maq shedong nü siim kiiniishe wawanto.
Krai mren, mungmaiqse raq rumwa peküsetiim daqwa raüta, tsangshiq jam wukhu thung kiijaq, kiimaq tsangshiq jam rinkea kiijaq, kiimaq Shomjam rinkea kiijaq, kiimaq Kham Kilam tapshok thung ba kiijaq, kiimaq Ephraim Kilamchong tho kiijaq, baülitiipsetiim ka haito.
Raüta, kra tapshok ikha kilam chong tho na hiqthung ba kiimaq chap raüta, Thungtri lakdap ka ranap chu maq phaho raüta, ranaiq shethung shekham na saülili phatkuqto. Krai mren, tsangshiq riimin tsan tiitsi raüta tsangrakrak maq tiitsang taito.
Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”
Kiimaq tsangshiq raq phanrap khumkhum ka Mosheq raq aming kuqtaq kra phan phan Tombutiip rinkea na lam wanto. Kiimaq Israilnok tlotli ka kiijaq Tatiwe shomnoq miitu riitamto.
“Ngi raq ijaqshise Mosheq ma Sinai Pum maq Israilnok tlotli raq lang wan miitu akuqha, thungtri raü, kiimaq aming thun ka tsan na tiitsang ronglaq.
Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”
“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!
Ngi chong pha. Ngi raq namshiq phana shammibi kiimaq taksma maiqse kiimaq Shiikeawe bomtsi shrinketi shrabi thun kra mitiiki kang. Namshiq raq tsangshiq phong wa, wiijam ka atsea mirbaiq han; kiimaq wiijam ka pumsongkham na mitübaiq wan han; kiimaq wiijam ka sinagok maq chunpo-nyam chongwai maq ninta mitsat han. Kiimaq chela ashi maq riita chela ashi na tiikot mrot mijo jii baiq han!
Arka Israilnok mungmaiqse ka Tatiwe üm Shiikeawe shomnoq kai atiitsang hiq ba na noqku lomkai kitlaq akhing na phat kuq laq.
Mung tiihea raüpot kra lap raüta, Israil mungti tlotli sheqkhu nü na Dan chela maq phaho raüta shemai nü na Beersheba chela na saüli, kiimaq shedong nü miika Gilead wang na saüli, mungmaiqse raq bom ka treto. Raüta tsangshiq tarü kiqshi maq Tatiwe man na Mijpa chela na ngongthunto.
Kra tai raüta, mungmaiqse tarü adam na tiido rang raüta nguto, “Nashiq phong wa ju jiimin, tombutiip na siti riikai lo, jam hai laita siti riikai lo, maiqmii jam na jang wan maimak.