Matthew 13:52 - ASII LAKDAP Bible (BSI)

⁵² Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”

Hawa Naga Bible 2001

⁵² Kvkhoc rvtueq vpiq rueq, “Raungx Mungtan nuex kungjix muex yaungc wvnc jix Tvrac tvluingc waz kuex miqmac tsak vnyvmx jep wawc vnyalx, nuiyc vkez kuex tvdungc lvmc jix yuimx jungx jix waz rulc rv-ngvlc yaq,” ngoz tueq tsuinghez muex tvralc tueq.

Muklom

⁵² Etho Jesu aa thawel batta, “Thaji thong tataltey tang bara Rangmungtan jiphantey tang angta ning irimal. Ning tangwang shing ching katáng wang anal nia aking tangwang lattey him tangteywa tang.”

Matthew 13:52 Referencias Cruzadas

EJRA 7:10

Ejra raq arilung ka, Tatiwe Thungtri kra sidi phat wan lam na, kiimaq kra Thungtri na rilung na lamphan miitu sung atsii chongkuqtlaq thun ka apaiq maiqmii rilung na lang wanto. Kiimaq kra Shiikeawe thungtri na maiqse rilung na jamkha lang wan chang wa chongtlaq, kra Israilnok ma danhonke wan lam na, kiinong kuq wan raüta tiisung wanto.

EJRA 7:21

“Kiimaq, Euphretis Jürai maq Shenyap Mung sitlaq kra pengti mungtu shiilangbi ma, ramwe Ejra, kiimaq Shiikeawe Thungtri shamti taksuwe raq, namshiq jaq wa, jamlai phan wa ratlo nguta jaü tlaq, kriithun ka tiibomhü maq chomrom kuq rong laq nguta aming kuq tiikang.

EJRA 7:6

Israilnok Shiikeawe raq Mosheq ma Thungtri kuqto. Riita Ejra ka Thungtri shamwantiwe taksu maiqse riito. Ejra khuthaq na apaiq Tati Shiikeawe achu shiiman ka asi kha maq, Ejra raq hokhamwe jaq wa jamlai phan wa jaütaq, kriika hokhamwe raq Ejra ma khrum kuqto. Riita ara chongtiikai arai mren, Artajarses raq munglang wanli maq wiimiishi she angu na, Ejra ka Bebilon mung maq Jerusalem na kaiho kiimwiiq phahoto. Apaiq rai Jerusalem na laüho damti Israilnok mungmaiqse ka arthun armin kiho damto. Ramwebi, Lewinok, Shomjam na ashi ashunti, Shomjam kheti petabi, kiimaq phanrap shamti thun laühoto.

TAKSU LAK 11:30

Kechu jaqsham tsingo ka rilung, shatmaq matsaü tsase jaqsham riika, maiq miisaq mithum.

TAKSU LAK 15:7

Taksu maiqse riika, nanok ma phaqchi wan kuqtlo. Shatmaq angiti raq riimak.

TAKSU LAK 18:4

Taksu maiqse bomtsi ka, sammoktra chum tsaü ikha; longrong mong maq adong, jüse rai ikha khangriri hea, hüphin hanphin anyangsea ma sumhea.

ASHICHONG 7:13

Tsairai pü homtsang hea ikha, nanai kilü tho na petsi wiqtsam phan phan pahea, achü anye ümniirii na ngi raq jethü tiikang, ita-nyung lei.

Matthew 12:35

Tsantsii asii rümti we riika, abom asa min aheawiq bom tlo. Maiq abi we riika, atsan tsii kiimin abi rüm tlo. Kra phan phan, abom asa kiimin abi ati li bom tlo.”

Matthew 13:51

“Namshiq raq arthun manphan chongkuq tiikang arka tak tlan sha?” nguta Jesuq raq ajaqshisetiim ma waito. “O tak wan tiikai” nguta tsangshiq raq apaiq bom ka treto.

Matthew 13:53

Jesuq raq arthun shiiton manphan ara chongkuq lot raüta sanha, apaiq ka kriiba wa atiido she riiwanto.

Matthew 23:34

Ngi chong pha. Ngi raq namshiq phana shammibi kiimaq taksma maiqse kiimaq Shiikeawe bomtsi shrinketi shrabi thun kra mitiiki kang. Namshiq raq tsangshiq phong wa, wiijam ka atsea mirbaiq han; kiimaq wiijam ka pumsongkham na mitübaiq wan han; kiimaq wiijam ka sinagok maq chunpo-nyam chongwai maq ninta mitsat han. Kiimaq chela ashi maq riita chela ashi na tiikot mrot mijo jii baiq han!

Matthew 28:19

Arkha maq, mangjong hiq na maiqphan ümchu wa sitlaq, kiijaq barap se na kirong laq. Lanta tsangshiq ka i jaqshisetiim ma tiija rong laq. Tsangshiq ma Awe mang na, Ase mang na kiimaq Asii Wenyi mang na kham lamkuq rong laq.

Luke 11:49

Riita akha maq tiina, Shiikeawe Taksma raq chongtaq, ‘Ngi raq tsangshiq phana shammi bi nai tsasoqtibi mitiikiha. Tsangshiq raq wiijam ka atsea mirbaiq. Kiimaq wiijam ka atiichamchao mirwan.’

John 13:34

Riita ümchaü min ngi raq namshiq ma aming anye she kuq tiipha ara: Namshiq ka riimang riichan maq shongnga ronglaq. Ngi raq namshiq ka jamkho lungwii kang, kiikhiisii hali, namshiq liipan niimin, riilung riiwii maq sirong laq.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

Ephesians 3:4

Kiimaq, ngi raq waiq kang kra, namshiq raq phat han jiila, namshiq riimin, Jesuq Khristo raq jaqsham ka apaü raüta athü wan wa, ümchaü she sürii wan taq kriika, ngi raq jamkho tak wankang, kiikha namshiq riimin mitak lot han.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

Colossians 1:7

Namshiq raq Shiikeawe kaphap mangchan tsii jong ka, naishiq kongti phunowe, naishiq rii na namshiq ma tsapkapkap maq jaqsham ketiwe, Jesuq Khristo dise, Epaphroditas raq tiitai kuq wantaq ihata. Kiiwa namshiq raq tai wan lan she.

Colossians 3:16

Khristo tsütsa chiithe jong ümtinkhan wa sitlaq kriika, namshiq tsan nai mongjii na samhea wiq maq tiicham lili rong laq. Weshi raq weshi ma shrinkuq lanta sirong laq. Kiimaq sungkhu tsiilam ka taksma tsii ümtinkhan wa rüm tlan, kra khuthaq maq, riichong phan lanta sirong laq. Asii bomtsi na ashi lak sitlaq kriiwa shinge rong laq. Tsütsa shi ka shinge rong laq. Kiimaq asii shi ka shinge rong laq. Shiikeawe ma kechutum lanta shinge rong laq.

1 Timothy 3:6

Apaiq ka kamasham rilung na akha adiq she riichang. Ahon atsii ka aku she riichang. Kra riimak ngu raü ka, apaiq ka ashkong tiina mirki. Raüta, Shiikeawe raq Thawe jamkho tiidea baiqtaq kiikha, apaiq min midia.

Titus 1:9

Apaiq ka kamtsantsii tri raütu ka, aphaq na wishat maq siti we riichang. Apaiq ka akha siraütiq, ahea lamphan kra ahea wiq maq mishrin kuq lot. Kiimaq, juwa ajiq lam phan tlaq, kriiti miimin, apaiq raq tsangshiq shut tlaq, kra lam ka mitru chongkuq lot.