EJRA 7:1 - ASII LAKDAP Bible (BSI)

¹ Arjai maq rawii luhea sijai niishe, Ajong hokhamwe Artajarses raq Parsia mung lang akhing na, Jehudinok phan wa maiq weshi, Ejra nguta asi riito. Apaiq raq ati awe raü manphan ka Aron pat na saüli konchonto. Apaiq ka ramwe jong pinthum Aron saüse phan wa. Apaiq ma atitiim weraü manphan ka akha: Ejra ka Seraia se; Seraia ka Ajaria se; Ajaria ka Hilkia se;

Hawa Naga Bible 2001

¹ Raungwawc paunghvlc htvmx yix maq, Persia honoc Artazeze pat nuex vmuingc Ezra ngoz yaq miq washiz vhttax rvtueq. Piq jix vwaz tamx mvnphvnc kuex tvyez lawc ruiux yuq, Shomc Wayungx Arun rueq vkhoc phvnx jvnx wvnc tueq: Ezra kuex Seraia saz, Seraia kuex Azaria saz, Azaria kuex Hilkia saz,

EJRA 7:1 Referencias Cruzadas

2 HOKHVMX 22:4

“Ramwe Ajong Pinthumwe Hilkia phana kilaq. Laüta mungmaiqse raq honglu akuq wan, Shomjam kilamchong na honglu kechang tek na kampho thüwan tlaq kriiwa kampho ka ümchuwa dongta. Kra riichomti ramwebi jaq shamti raq ümchuwa riichomtaq kra kampho heshap thun kra jaülaq.

2 HOKHVMX 22:8

Krai mren Shaphan raq hokhamwe aming ka Hilkia ma chongto. Kiimaq Hilkia raq apaiq ma Shomjam mong wa Thungtri lakdap kaü kra humkang nguta chongto. Kiimaq Hilkia raq kra lakdap kaü ka Shaphan ma kuqto kiimaq Shaphan raq kra lakdap ka phatto.

2 HOKHVMX 25:18

Arthun thaq niimin, phentu ajongwe Nebujaradan raq, munglu shumwi ma Ramwe Ajong Pinthumwe Seraia, kiimaq apaiq jaq thiitiwe ramwe Jephania kra, kiimaq Shomjam na jaqshamti ajong wetsam kriimin tsuq wan damto.

2 KAÜWA WERAÜ 34:15

Apaiq raq Shaphan ma, “Ngi raq Thungtri Lakdap ka ara Shomjam mong wa humkang,” nguta nguto. Kiimaq apaiq raq kra lakdap ka Shaphan jaq na kuqto.

2 KAÜWA WERAÜ 34:9

Shomjam kheti sontribi Lewinok raq kampho riichom wantaq kriika Ramwe Ajong Pinthumwe Hilkia jaq na kiinong kuqto. (Kra kampho ka mungmaiqse Ephraim wangti. Kiimaq Manase wangti, kiimaq Hiqkhu nü Mungtan na siti jaq wa kiimaq Juda mungti, Benjamin wangti, kiimaq Jerusalemti jaq wa archom hiwan riito.)

EJRA 4:7

Kiimahali, Parsia mung rümti hokhamwe Artajarses pat niimin, Jehudinok ngengti Bisham, Mithredath, Tabeel, kiimaq tsangshiq kongtibi thun ka adam na ri raüta, Jehudinok shra wan miitu lak ashi hali waiq nong raüta, hokhamwe ma shok nongto. Kra lak ka Aramik bom maq waiqto. Kiimaq kra lak ka ümtiikiiwa nokwe ma phatkuqtlaq, kra akhing na, bom ka akle raüta chongke wan chang riito.

EJRA 6:14

Shammi Hagai nai shammi Jekeria raq, Jehudinok welabi ma tsaido jido traho bom chongkuq wan tlaq krai mren, tsangshiq welabi riimin, Shomjam tiihea hai wan kriika ahea thitthit maq shiingut wanto. Israilnok Shiikeawe raq tsangshiq ma aming kuq wantaq krai mren, kiimaq Parsia mung lang wanti ajong hokhambi Sairas raq, Derias raq, kiimaq Artajarses raq aming kuq wantaq krai mren, Jehudinok welabi riimin Shomjam tiihea haiwan kriika akhing riikhaqli na dea tlot wanto.

EJRA 7:10

Ejra raq arilung ka, Tatiwe Thungtri kra sidi phat wan lam na, kiimaq kra Thungtri na rilung na lamphan miitu sung atsii chongkuqtlaq thun ka apaiq maiqmii rilung na lang wanto. Kiimaq kra Shiikeawe thungtri na maiqse rilung na jamkha lang wan chang wa chongtlaq, kra Israilnok ma danhonke wan lam na, kiinong kuq wan raüta tiisung wanto.

EJRA 7:12

“Ara lak ara ajong hokhamwe Artajarses raq Sanseng Ramungtan na siti Shiikeawe shomnoqti ramwe kiimaq Shiikeawe Thungtri shamti taksuwe Ejra ma waiq tiikang.

EJRA 7:2

Hilkia ka Shallum se; Shallum ka Jadok se; Jadok ka Ahitub se;

EJRA 7:21

“Kiimaq, Euphretis Jürai maq Shenyap Mung sitlaq kra pengti mungtu shiilangbi ma, ramwe Ejra, kiimaq Shiikeawe Thungtri shamti taksuwe raq, namshiq jaq wa, jamlai phan wa ratlo nguta jaü tlaq, kriithun ka tiibomhü maq chomrom kuq rong laq nguta aming kuq tiikang.

NEHEMIA 11:11

Hilkia se Seraia; kiimaq Hilkia ka Meshullam se; Meshullam ka Jadok se; Jadok ka Meraioth se; Meraioth ka Ahitub se riito. Ahitub ka Ramwejong Pinthumwe riito.

NEHEMIA 2:1

Jipi lüblai sijai na, ranaiq shi, Ajong Hokhamwe Artajarses ka dungsea ngato. Kiijaq ngi raq chekok ka apaiq ma kuq kang. Armaq kongkhu ji niika, apaiq raq ngi ka jangshi ra min tsanbi wokti ka chhimak riito.

NEHEMIA 8:1

Jipi lümiishe liipan na Israilnok ka maiqmiimii sichang chela thun na kunkun she shongnga wanto. Kra lüwa, jiha ranaiqshi na, tsangshiq tarü Jerusalem chela mong na Kham Kilam Chong tapshok hiqthung bashi kiijaq Israilnok ka kunkun ngongthung riitam ngato. Raüta tsangshiq raq ramwe kiimaq Thungtri shamtiwe Ejra nangnga Tatiwe raq Mosheq lümaq akuq lakdam kom kra mungmaiqse ma phatkuq laq nguta chongto.