NEHEMIA 12:26 - ASII LAKDAP Bible (BSI)

²⁶ Arwetiim raq jaqsham wantaq arka, Joiakim pat na sham wanto. Joiakim ka Joshua se. Ati mang ka Jehojadak riito. Kiimaq arka Nehemia raq wanghupti jaqsham wantaq pat na riito. Kiimaq Ramwe jaqsham wanti Ejra pat na riito. Ejra ka Shiikeawe Thungtri shrinketi taksma riito.

Hawa Naga Bible 2001

²⁶ Kvruex hez htenc kuex Jehozadak suiuz, Yoshua saz Joiakim, mungx walaungx waz Nehemia, Tvrac tuiuz thenc jix shomc waz Ezra hez pat nuex httaz jix hez rvtueq.

NEHEMIA 12:26 Referencias Cruzadas

2 KAÜWA WERAÜ 9:26

Apaiq ka Euphretis rai maq rai wan raüta Philistain mung na saüli kiimaq Ejip mung hiq rai na saüli ham tlaq maiqmung thun hokhambi kunli thaq ajong pinthum mung pengti riito.

EJRA 7:11

Artajarses raq ramwe, kiimaq taksmawe Ejra ma ara lak ara kuqto. Apaiq ka Tatiwe raq Israilnok ma akuq thungtri kra shamti taksmawe riito. Apaiq raq thungtri aming ka wiita thumli asap siisaq riito. Ara lak ka akha kuqto:

EJRA 7:6

Israilnok Shiikeawe raq Mosheq ma Thungtri kuqto. Riita Ejra ka Thungtri shamwantiwe taksu maiqse riito. Ejra khuthaq na apaiq Tati Shiikeawe achu shiiman ka asi kha maq, Ejra raq hokhamwe jaq wa jamlai phan wa jaütaq, kriika hokhamwe raq Ejra ma khrum kuqto. Riita ara chongtiikai arai mren, Artajarses raq munglang wanli maq wiimiishi she angu na, Ejra ka Bebilon mung maq Jerusalem na kaiho kiimwiiq phahoto. Apaiq rai Jerusalem na laüho damti Israilnok mungmaiqse ka arthun armin kiho damto. Ramwebi, Lewinok, Shomjam na ashi ashunti, Shomjam kheti petabi, kiimaq phanrap shamti thun laühoto.

NEHEMIA 8:1

Jipi lümiishe liipan na Israilnok ka maiqmiimii sichang chela thun na kunkun she shongnga wanto. Kra lüwa, jiha ranaiqshi na, tsangshiq tarü Jerusalem chela mong na Kham Kilam Chong tapshok hiqthung bashi kiijaq Israilnok ka kunkun ngongthung riitam ngato. Raüta tsangshiq raq ramwe kiimaq Thungtri shamtiwe Ejra nangnga Tatiwe raq Mosheq lümaq akuq lakdam kom kra mungmaiqse ma phatkuq laq nguta chongto.

NEHEMIA 8:9

Riita, mungmaiqse raq Thungtri na maiqse raq kamasham lamphan ka jamkhii shiiting rai raüta lang chang wa, kra bomtsi ka tai raüta, tsangshiq tsan nai mongjii ka tiininta she riito. Krai mren, tsangshiq ka aho anyi walishe riito. Kra ningkhan, wanghuptiwe Nehemia, Ramwe, kiimaq Thungtri raü rümtiwe Ejra, kiimaq Thungtri chongketi Lewinok raq, “Ümchaü ranaiq ka namshiq Tatiwe, Shiikeawe ma asii ranaiq. Kra ningkhan, namshiq ka naq shiri rongkiq. Kiimaq naqhoq rongkiq,” nguta nokwe ma nguto.