NEHEMIA 12:25 - ASII LAKDAP Bible (BSI)

²⁵ Kiimaq, Shomjam mong na hupsam thü wan chang khok thun kilam chong maq khewanti, arang hoti hokranok ka arwetiim ara riito: Mattania, Bakbukia, Obadia, Meshullam, Talmon, kiimaq Akkub riito.

Hawa Naga Bible 2001

²⁵ Shomc Yuimx nuex nyuip waungc juing wangx kaluix httoarc wawc taungx vwawx tvy juing khok htenc bvmc lawc yaq Shomc Yuimx bvmc jix hez kuex: Mattania, Bakbukia, Obadia, Meshulam, Talmon nuiyc Akkub rvtueq.

NEHEMIA 12:25 Referencias Cruzadas

2 HOKHVMX 7:10

Krai mren, tsangshiq ka Sirianok piitiip kiiwa dongho raüta Samaria chela na jangho nongto. Raüta kilamchong kheti kintsongti kriima agilülü miishe akha riimto: “Naishiq ka Sirianok piitiip na wakai. Shatmaq kiijaq maiq ka jumin chhimai. Kiimaq maiqbom maiqsa min taimai. Kumrang kong nai kumtoq kong thun kiimin diihü, tiiban shatli, kiimaq tombutiip thun kiimin Sirianok raq jamkho baiqthütaq kiikhiili siiqhü.”

1 KAÜWA WERAÜ 23:32

Tsangshiq ma Tatiwe asi Tombutiip kra nai Shomjam kra shiili liiwan arang kuqto. Kiimaq tsangshiq ma tanyang senobi thun, kiimaq Aron saüse phan ramwebi thun ka Shomjam na noqku akhing na jaqsham kra khrumke wan arang kuqto.

1 KAÜWA WERAÜ 26:12

Shomjam kheti kintsongti thun ka akong akong na, ata ata wea maq triipheato. Raüta Lewi phan maiqta ahinti ma jaqsham ka jamkho pheakuqtaq kiikhiisii hali tsangshiq miimin Shomjam na jaqsham ka pheakuqto.

1 KAÜWA WERAÜ 26:15

Obed Edom rii ka shemai nü kilamchong kra kuqto. Kiimaq asetiim miika hupsam thüchang khok thun kra khe miitu pheakuqto.

1 KAÜWA WERAÜ 26:17

Shedong nü kilamchong kheti kintsongti ka ranaiq shi na wetrok thütlo. Kiimaq shekhu nü kilamchong kheti kintsongti ka weblai, kiimaq shemai nü kilamchong kheti kintsongti ka weblai thütlo. Kiimaq hupsam thüchang khok thun kra kheti sontri ka ranaiq shi na weblai lai thütlo. Khokshi na sontri wenai nai raq khetlo.

2 KAÜWA WERAÜ 8:14

Arka awe Dawit raq thungtri raütu thütaq kra phan phan, apaiq raq ramwebi raq ranaiqtek jaqsham chang ka kiimaq Lewinok raq ramwebi khrumke jaqsham miikhon shi nge thun kra kiimaq tsangshiq raq jaqsham chang sitlaq thun kra aheawiq pheakuqto. Kiimaq hali apaiq raq shomjam kheti sontri tsongtibi kilamchong thun tek na wranaiqtek jaqsham ka akong akong maq triiphea raüta Shiikeawe maiqse Dawit raq aming thun thü thütaq kra phan phan phea kuqto.

ISAIA 21:8

Kiijiishe kintsongtiwe raq riimto, “Ajongwe lei, ngi ka kintsongti tsongchang na ranaiq rawa chapshat khetiikang.”