NEHEMIA 12:24 - ASII LAKDAP Bible (BSI)

²⁴ Kiimaq, Lewinok welabi: Hashabiah, Sherebia, Jeshua, Binnui, kiimaq Kadmiel raq shea raüta, Lewinok ka akong akong na riipheato. Tsangshiq ka kongnai ma riiphea raüta, Shiikeawe jaqshise Hokhamwe Dawit raq, Shiikeawe shomnoq wan ashi ange shrinkuq wantaq kra phan phan, tre longcha raüta, kongshi raq tiitsam raüla, kongshi riika, kechutum kuq wan wan raüta, shomnoq wan lili riitlo.

Hawa Naga Bible 2001

²⁴ Hashabia, Sherebia, Jeshua, Binnui nuiyc Kadmiel hez rueq tvtuimx jungphvnx koq tueq Lewi miqsaz kuex rv-phvlc wuez tueq. Tsuingshiq rueq Tishox miq Hokhvmx Dawid muex kuq tueq tvluingc jungphvnc kvjaz htenc rulc rv-ngvlc vkhing vshiz nuex phungc nueyc rueq rvhttungx rvlix Tishox muex kejux vyungx ngoz tueq tvtsvmc wuez tueq.

NEHEMIA 12:24 Referencias Cruzadas

1 HOKHVMX 17:24

Kiijiishe kriinyung raq treto, “Ümchaü ngi raq sapkang she. Ümniika Shiikeawe maiqse dea. Kiimaq Tatiwe riika ümnübok miidea bomtlo!”

1 KAÜWA WERAÜ 16:4

Dawit raq Lewi phan wa maiq wiijamti ka Tatiwe, Israilnok Shiikeawe kra shomnoq ma noqku na Tongshong Tek khaki na ashi ashun na nai tiitsamkam na mungmaiqse kra shunshea miitu shongto.

2 KAÜWA WERAÜ 8:14

Arka awe Dawit raq thungtri raütu thütaq kra phan phan, apaiq raq ramwebi raq ranaiqtek jaqsham chang ka kiimaq Lewinok raq ramwebi khrumke jaqsham miikhon shi nge thun kra kiimaq tsangshiq raq jaqsham chang sitlaq thun kra aheawiq pheakuqto. Kiimaq hali apaiq raq shomjam kheti sontri tsongtibi kilamchong thun tek na wranaiqtek jaqsham ka akong akong maq triiphea raüta Shiikeawe maiqse Dawit raq aming thun thü thütaq kra phan phan phea kuqto.

EJRA 2:40

Lewi phan wa munglu shumwi asi wa jang wantiiti thun ka arthun ara riito: Jeshua nai Kadmiel (tsangshiq ka Hodawia saüse phan) weraü wa - 74 Shomjam na ashi angeti (Asaph saüse phan) weraü wa - 128 Shomjam kheti hokra (Shallum, Ater, Talmon, Akkub, Hatita, kiimaq Shobai) weraü wa - 139

NEHEMIA 11:17

Kiimaq Mattania ka Mika se; Mika ka Jabdi se; Jabdi ka Asaph se riito. Apaiq ka Shomjam na Shiikeawe shomnoq wan achu jaü nai kechutum shishun tlaq kra shea wanti riito. Bakbukia ka Mattania jaq thü wanti. Kiimaq Abda ka Shammua se; Shammua ka Galal se; Galal ka Jeduthun se riito.

NEHEMIA 12:23

Kiitiina, Lewinok weraü manphan riiwe ka, Eliashib ma asaü Jonathan raq ramwe jaqsham wantaq kra pat na saüli hokhambi manphan lakdap na waiqthüto.

NEHEMIA 12:36

Apaiq jai niika, apaiq ma ata awii phan Shemaia, Ajarel, Milalai, Gilalai, Maai, Nethaniel, Juda, kiimaq Hanani thun khum wan damto. Tsangshiq tarü raq, Shiikeawe dise Hokham Dawit raq tsüngii wantaq, paimin toro thun kra tsangshiq jaq na doraq maq tsüngii wan raüta, khum wan damto. Tsangshiq ara shea wanti ka taksma we Ejra raq shea raüta, tsangshiq kiimin mungmaiqse rai kongta hushhu maq khum damto.

NEHEMIA 8:7

Raütiishe, tsangshiq ka chaprang riito. Raüta maiqmii ba na chapki rang riito. Kiimaq Lewinok wa arwetiim raq, mungmaiqse ma Thungtri bomtsi aheawiq maq chongkuqto: Jeshua, Bani, Sherebia, Jamin, Akkub, Shabbethai, Hodia, Maaseia, Kelita, Ajaria, Jojabad, Hanan, kiimaq Pelaia riito.

NEHEMIA 9:4

Kra mungthung tlaq kiijaq, maiqchap chang riirin apa kiijaq Lewinok ka chapto. Kiijaq chap wanti Lewinok ka arthun ara: Jeshua, Bani, Kadmiel, Shebania, Bunni, Sherebia, Bani, kiimaq Chenani riito. Raüta, tsangshiq raq Tatiwe tsangshiq Shiikeawe man na, hong raüta, agilülü achu jaüto.

TRI CHONGKE 33:1

Shiikeawe maiqse Mosheq raq apaiq mitsai shaq na Israilnok ma arthun achu shiiman ara ramkuqto.

1 Timothy 6:11

Shatmaq, ümniika Shiikeawe jaqshise. Krai mren, ara chongtiikai ngarai rahai thun arka ümdü na naq tiisaükiq. Ümniiriika wranaiqshe, Shiikeawe raq jamlai jaqsham wa thikuq tlaq, kriili sham wan ruq maq si laq. Laüta, athuk atsom Phungmaiqse kechu rilung kra riikhaqli maq silaq. Khristo ma kamwan ruq maq silaq. Laüta, Phungmaiqse phunaino thun kra lungwii laüta, silaq. Laüta, phanrap haikaiq haike ümtinkhan wa saütlaq, kra anin riilaüta silaq. Kiimaq nanok tarü rai sobsob bombom maq silaq.

2 Timothy 3:17

Krai mren, jurwa Shiikeawe shiikumpantlaq kriiti ka phanrap na asap atsin miraq kiimaq phanrap shamhea kaiwa shamtiwe ma mijalot.

JOSHUA 14:6

Ranaiqshi Juda phan wa, maiq wiijamti ka Joshua phana wato. Kra phong wa weshi ka Kelib. Apaiq ka Jephunne se Kennijaiq ta wa. Kelib raq Joshua ma, “Tatiwe raq apaiq jaqshise Mosheq ma Kadesh Barnea chela maq nanai miitu jamlai bom wa chongkuqtaq irka, ümniiraq asap haü.