NEHEMIA 12:27 - ASII LAKDAP Bible (BSI)

²⁷ Riita, Jerusalem chela tro ruk tiihea hai wantaq kra jamwa poi akhing she saüto. Kra jamwa poi akhing na, süpseng thun nai phaqlamtoro tsü raüta Shiikeawe tiitsam kam wan, kiimaq kechutum wan, ashi ange maq shomra wan miitu, Lewinok ka, tsangshiq si-nga chang hiqshong wiita wa hea wan raüta, Jerusalem chela na triichomto.

Hawa Naga Bible 2001

²⁷ Yerusalem ghaqyungx palx ruk kuex lekuq tueq nuex Lewi miqsaz rueq hungc vlaungc vlvp maq kejux tvtsvmc shic vngoyc kuex shix wuez ruiux supsengc nuiyc torox htenc kuex tuimz vtueq lomx naungx tvkoc tsuingshiq httuiuc wvnc tueq hong htenc maq gvl wuez tueq.

NEHEMIA 12:27 Referencias Cruzadas

2 SAMUEL 6:12

Hokhamwe Dawit raq Tongshong Tek ka Obed Edom tajam na si kha maq Tatiwe raq Obed Edom tahii ka pinthum achu shiiman kuqto kiimaq tsangshiq raq jamlai phan wa rümtlaq kra wiita shiiman kuqto nguta tsütsa ka taito. Kra ningkhan apaiq raq Tongshong Tek ka Obed Edom tahii jam wa Jerusalem chela niishe pinthum poi jonghea klo raüta lamkito.

1 HOKHVMX 8:63

Apaiq raq minsaü kong ka 22,000 takuqto. Kiimaq skukong ka 120,000 rintii-honglu na takuqto. Kriithun kra takuq raüta hokhamwe nai mungmaiqse raq Shomjam ka Tatiwe ma kiinong kuqto.

1 KAÜWA WERAÜ 13:8

Kiimaq Dawit nai mungmaiqse ka Shiikeawe shreng tsangshiq ningkun wiita maq wiinum shewa doqsiqto. Tsangshiq raq ashi ange kiimaq atsü angii chang phan phaqlamtoro, nong, süpseng, kiimaq lerong thun tsüsiqto.

1 KAÜWA WERAÜ 15:12

Apaiq raq Lewinok ma akha chongkuqto, “Namshiq ka Lewi weraü phan welabi ashun asheati. Arningkhan namkhum ka tiisii rong laq. Kiimaq namnok namta Lewi phan maiq thun kiimin khum tiisiije maq thürong laq. Krai mren namshiq ka kilanta Israilnok Tatiwe Shiikeawe Tongshong Tek ka lamki lantea ngi raq athüchang hiq bashi tiihong kang kriijaq mithü wan han.

1 KAÜWA WERAÜ 15:16

Dawit raq Lewi weraü welabi kiima Lewi weraü phan na maiq ümchuwa sitlaq liipan na jaqsham ka maiqmiimii ma ashi angeti kongshi, kiimaq atsü angii phaqlamtoro nai süpseng tsüti kongshi na pheakuq ronglaq nguta aming kuqto.

1 KAÜWA WERAÜ 15:28

Krai mren Israil mungti tlotli ka Tongshong Tek krai kongshi maq Jerusalem na saüli arü ariiq watrang la, chojong chise, paison lerong tsüwa trangla, ngirong tsüwa trang la, kiimaq süpseng tsüwa trangla kiimaq phaqlamtoro tsüwa trang la hiima hiqma wawanto.

1 KAÜWA WERAÜ 15:4

Kra raütiishe apaiq raq Aron saüse phan nai Lewinok kriishe tiiheakito.

1 KAÜWA WERAÜ 16:42

Heman nai Jeduthun miika paison lerong tsü wan nai süpseng tsü wan kiimaq laihin atsü angii chang phan hupsam tiitsamkam shinge akhing na langtlaq kriithun kra liiwan miitu min arang kuqto. Kiimaq Jeduthun weraü phan maiq sitlaq kra miika kilamchong thun kra khewan miitu sontri jaqsham arang kuqto.

1 KAÜWA WERAÜ 16:5

Asaph ka tsangshiq phong na asheati ma shongto. Kiimaq Jekeria ka apaiq jaq thüti ma shongto. Kiimaq Jeiel, Shemiramoth, Jehiel, Mattithia, Eliab, Benaia, Obed Edom, kiimaq Jeiel thun riika phaqlamtoro tsü miitu shongto. Asaph ka süpseng tsü miitu shongto.

1 KAÜWA WERAÜ 23:5

Kiimahali maiq hingblai kiimiika kinkhe arang kuqto. Kiimaq maiq hingblai kriimiika hokhamwe raq kuqtaq atsü angii chang kra tsüngii raüta Tatiwe tiitsamkam ashi ange jaqsham arang kuqto.

1 KAÜWA WERAÜ 26:31

Jeria ka Hebron saüse phan khuthaq na wela shongto. Dawit hokham jaqsham ka rawii roqblai she shamto angu na, Hebron saüse phan wa maiq aweraü manphan kra sidi konchon raüta, tsangta wa srea nolajongbi siisaq Jejer hiqshong na Gilead wang na asi humto.

2 KAÜWA WERAÜ 29:25

Hokhamwe raq kra jaqsham wantaq kriika Tatiwe raq Hokhamwe Dawit ma, hokhamwe shammiwe Gad lümaq achongkuq hon atsii, kiimaq shammibi Nathan lümaq achongkuq hon atsii, kra phan phan klo wanto. Apaiq raq Lewinok ka Shomjam na phaqlamtoro nai süpseng doraq chhaq maq tiihongto.

2 KAÜWA WERAÜ 29:30

Hokhamwe raq nai mung welabi raq Lewinok ma Dawit raq awaiq thü Tatiwe tiitsam shi thun kra kiimaq shammiwe Asaph raq awaiq thü kra shirong laq nguta chongto. Krai mren maiq loweatek raq chojong chise maq tsangshiq ka hiq na lakütsrong raüta Shiikeawe shomnoq lam maq shingeto.

2 KAÜWA WERAÜ 7:6

Ramwebi ka tsangshiq chap chang tiihongje ba na chapto. Kiimaq tsangshiq khaki khariire niika Lewinok chapto. Raüta atsü angii chang hupsam thun Dawit raq atiihong thaq kuq thun kra sham raüta ashi ange watrangla Tatiwe ka tiitsam kamto. “Apaiq lungwiitsii ka pattup pat-sa thummak!” nguta tiitsamto. Arka tsangshiq ma Dawit raq shong wantaq kra phan phan kloto. Ramwebi riika paison lerong thun ka tsüto kiimaq mungmaiqse kunli ka chap raq chhaq li riito.

EJRA 6:16

Kra jamhai lotwan raütiishe, Irsailnok tarü raq, ramwebi, Lewinok, kiimaq munglu wansha asi wa mungmaiqse ümchuwa Jerusalem na jang wanwitaq thun raq, pinthum chojong chise maq Shomjam wa poi jonghea ashi klo raütiishe, Shiikeawe ma kiinong kuq wanto.

NEHEMIA 11:20

Kriiwa chan tlaq Israilnok thun, kiimaq Ramwebi ahinti thun, kiimaq Lewinok ahinti ka, Judia wang na chela ahin kiina, kiimaq hiqshong ahin, ümsiimaq tsangti tsangwi siwan chang hiqchü rachü thun kiina, shongnga wanto.

NEHEMIA 12:43

Kra ranaiq na, mungmaiqse raq Shiikeawe ma achong lotmai pahea honglu kuq wanto. Shiikeawe raq mungmaiqse ka pinthum tiikhoqriiq wanto. Kriikha maq, tsangshiq ka kai chochi wanto. Kiimaq jechakre nai nosere thun riimin, kra poi jong klo wantaq, kra lom wan damto. Krai mren, mungmaiqse shinge wan trang, ashi riinya wan ka, barap binriiti raq taito.

NEHEMIA 8:17

Munglu wansha asiwa ümchuwa jangwantiiti raq, baülitiipsetiim ka hai raüta, sito. Riita Israilnok riika, Nun se Joshua pat na lang wantaq, kra jai miika, ümchaü lang tlaq artiq apha shaqshaq riito. Krai mren, tsangshiq tarü ka polokhiq, kiimaq pinthum khoqriiq shishiiq maq, poi ka kloto.

Tvtsvmc 149:3

Apaiq mang ka wiinum shewa tiitsam ronglaq; nong buk lantea kiimaq phaqlamtoro tsü lantea apaiq tiitsam ronglaq!

Tvtsvmc 30:1

Ngi raq ümnaq tiitsam tiikang, Tatiwe lei, jamkhano ngukla ümniiraq ngi tiichhiikuq laü, kiimaq ijaqtibi ka ikhuthaq na tiidoqditsiq maü riilaü.

TRI CHONGKE 16:11

Tatiwe rai man tut na, ümsetiim nai ümjaq shisetiim rai kiimaq Lewinok rai, kiimaq pong mungti namshiq rai siti rai kiimaq jechisetiim rai kiimaq manti-nyungre namshiq chela thun na siti rai adam na khoqriiq shishiiq maq poi ka lang ronglaq. Ara poi ka noqku chang hiq ba kriijaq klo ronglaq.

TRI CHONGKE 20:5

“Kiijiishe phentubi raq phenlabi ma akhiishe mingu, ‘Riita arjaq maiq weshi ra ajam anye hai raüta, jam nyap poi klo hüshaqti maiq asi sha? Kiikhiiti asi jiila apaiq ka jam niili mijang wanlaq. Kra riimak raüla, apaiq ka re na tsaiki raü jaq ajam ka maiq ahinti riishe jamwa poi miklo wan.

Philippians 4:4

Tatiwe wokhong na wranaiqshe chojong chise miili sirong laq. Tiithongshi ri chongpha: chochi ronglaq!

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.