NEHEMIA 8:3 - ASII LAKDAP Bible (BSI)

³ Raüta, kra tapshok ikha kilam chong tho na hiqthung ba kiimaq chap raüta, Thungtri lakdap ka ranap chu maq phaho raüta, ranaiq shethung shekham na saülili phatkuqto. Krai mren, tsangshiq riimin tsan tiitsi raüta tsangrakrak maq tiitsang taito.

Hawa Naga Bible 2001

³ Piq rueq raungnvp maq raz tueq raungnuiyq shalhtungx nuex httuiuc laz palx kaluix hep vwanc baung nuex Tvrac luik kuex wvl kuq tueq, miq lotlaz rueq muinz thuinz vlomx maq tay wuez tueq.

NEHEMIA 8:3 Referencias Cruzadas

NEHEMIA 10:29

ümchaü ranaiq na, naimung shun shea wanti welabi rai adam maq, Shiikeawe raq, adise Mosheq lümaq naishiq ma Thungtri kuqtaq, kra lang wan laita, Thungtri khong niishe mishong nga wan rong i nguta, kiimaq apaiq tri ka jin wan hai jiila, manson miho wan rong i, nguta atum riiwan laita, ara kiqkham raüpot ara kha wan tiikai. Riita, ümchaü sanha, Tati, nashiq Tatiwe raq nashiq ma aming ümchuwa kuqtaq kra, lang wan laitiishe mishong nga wan rong i. Kiimaq Tatiwe thung tri ka, tsapkapkap maq lang wan laitiishe, mishong nga wan rong i, nguta ara kiqkham raüpot kha wan tiikai.

NEHEMIA 13:1

Kra akhing na, Mosheq Thungtri ka, mungmaiqse ma tiihong raüta phat kuq wanto. Kra phat kuq wan tlaq akhing na, lakdam kom na, Ammonnok nai Mobnok ka, Shiikeawe sengi phungtu na tiishang dam maimak, kiimaq noqku na tlom wandam maimak, nguta aming khathütaq lakjaq kriishe phat kuqto.

NEHEMIA 8:1

Jipi lümiishe liipan na Israilnok ka maiqmiimii sichang chela thun na kunkun she shongnga wanto. Kra lüwa, jiha ranaiqshi na, tsangshiq tarü Jerusalem chela mong na Kham Kilam Chong tapshok hiqthung bashi kiijaq Israilnok ka kunkun ngongthung riitam ngato. Raüta tsangshiq raq ramwe kiimaq Thungtri shamtiwe Ejra nangnga Tatiwe raq Mosheq lümaq akuq lakdam kom kra mungmaiqse ma phatkuq laq nguta chongto.

NEHEMIA 8:18

Poi pha ranaiq maq phaho raüta, poi tiisup ranaiq na saüli, tsangshiq raq Shiikeawe Thungtri lakdap wa ranaiqtek, tiiphan tiiphan raüta phat kuqto. Tsangshiq poi ka ramiishi na saüli kloto. Raüta, Thungtri na chong tlaq kra phanphan, ratiichat ngoja niika, mungmaiqse tlotli ka adam na riitam thungtii raüta, ara asii arai poi ka tiisup wan ramkham maq tiibokto.

NEHEMIA 8:4

Ejra ka kra akhing miitu maiqchap chang pepen maq ahai rinchü kiijaq chapto. Kiimaq apaiq ma jaqtsi nü siim niika, arwetiim ara chapto: Mattithia, Shema, Anaia, Uria, Hilkia, kiimaq Maaseia chapto. Kiimaq apaiq ma jaqpha nü siim niika, arwetiim ara chapto: Pedaia, Mishael, Makhija, Hashum, Hashbaddana, Jekeria, kiimaq Meshullam chapto.

NEHEMIA 8:5

Riita, nokwe tarü raq chhili chang, ra na diiluwiq ahai rinchü na, Ejra ka Thungtri lakdap ka phat miitu chapto. Krai mren, mungmaiqse tarü maklii ka Ejra theaphi na, nyiqkai raq pepü shupnyang kopwa tlaq ikha liito. Krai mren, apaiq raq asii lakdamkom ka linto. Kiimaq tsangshiq tarü tiido rang raüta chapto.

Mark 12:37

Riita, Dawit apaiq riili, Khristo kra nangnga, ‘Tatiwe,’ nguta ngutaq jiika, Khristo ka, Dawit saüse phan ngutiika jamkho mingu?” Mungmaiqse pahea raq Jesuq traho bom chongke kra chochikhiq maq taisiqto.

Luke 19:48

Shatmaq, mungmaiqse raq apaiq bom chongke traho bomtsi kriika poshi min tiikhea mak maq tai wan ruq riito. Kriikha maq, tsangshiq raq apaiq ka tsatlot mak dea riito.

Luke 8:18

“Kriikha maq, namshiq ka kai honlam shat maq tiitsang tai ronglaq. Ara jamkhano chongtiikang ngukla, ju jaq niiwa phanshi ra se asi, kriiti miika abiri apa mitiitsuq kuq wan nong. Shatmaq, ju jaq niiwa jam min ahü, kriiti jaq wiika, ajaq na chonkhi laqli se rümtiikang nguta tiima tlaq, kriimin anyea mirho nong.”

Acts 13:15

Mosheq Thungtri lakdap wa nai Shammibi lakdap wa phat wan jai miishe, sinagok liiwanti maiqlare raq, tsangnai ma, “Phuno we nai, namnai raq tsaido jido bomtsi chongke chang tsishi ra asi jiila, nokwe ngatlaq arma chongke miitu akhing asi miraq,” nguta bom ka tiiwaito.

Acts 13:27

Akha riishatmaq dongdii min, Jerusalem na siti mungmaiqse nai tsangshiq shunsheati welabi raq, apaiq ka Chhiiti we dea nguta sapmak riito. Kiimaq Asii Niitiitsak ranaiqtek na, shammibi bomchong lakdap phat wan tlaq kra liichum kriimin takwan mak dea riito. Li jiimin, tsangshiq raq Jesuq tsatbaiq raüta, kra lümaq shammibi bomchong kra khoti tiikupi wanto.

Acts 15:21

Ara jamkhano chongtiikai ngukla, Mosheq Thungtri bomtsi ka pat-achat miiphü Asii Niitiitsak ranaiqtek sinagok na phatkuq wan ruq kata. Kiimaq Mosheq bomchong kra chelatek na nokmaiqse ma phanchan kuq wan ruq riitlo,” nguta Jakob raq bom ka chongkuqto.

Acts 16:14

Kiijaq naishiq traho bom chongke tai wanti phong wa, jechak nyung ashi ka Lidia riito. Apaiq ka Thajatira chela wa aki rongmin khea piikiiti nyung. Apaiq ka Shiikeawe shomnoqti nyung. Kiimaq, Tati raq apaiq tsan achhü maq, Paul raq traho bom chongkuqtaq kra mitiitsang tai wanlaq nguta atsan tsii kilü ka dikuqto. Krai mren, apaiq raq Jesuq Khristo ma kamto.

Acts 17:11

Riita Berea chela na siti ka Thesalonia na siti nam ma phanshi tsan ka anin linlin riito. Tsangshiq raq Paul nai Silas raq tsütsa chongkuq tlaq kriika sanglili hea maq tsangshiq tsan atsi maq tiitsang taito. Kiimaq ranaiqtek Asii lakdap wa Paul raq chong kuq tlaq bomtsi ka tengtlaq dea sha nguta, tsangshiq raq sidi phat wan lili riito.

Acts 20:11

Raüta apaiq ka rathong khok na jang wan nongto. Raüta winsii ka tiibun raüta adam maq phaqto. Paul raq tsangshiq ma rashe dong na saüli, trahokuqto. Raütiishe apaiq ka kihoto.

Acts 20:7

Honibat raji na naishiq tarü rintii dungsea adam na riitam ngakai. Anap akaiho she ngo maq, Paul raq kiijaq siti phunainotiim ma trahoke ka rawa wathung na saüli chongkuqto.

Acts 28:23

Krai mren she, tsangshiq raq Paul rai ngakai miitu ranaiq akhing ka tiihongto. Kiimaq kra ranaiq tiihongtaq akhing na, tsangshiq maiq pahea kra Paul sitlaq kiijaq kito. Krai mren, Paul raq ranap chu maq phaho raüta, raji ranyaq na saüli she, tsangshiq ma Shiikeawe Mungtan tsütsa kra phanchan chongkuqto. Kiimaq apaiq raq Mosheq Thungtri na awaiq thü nai shammibi lak na awaiqthü thun bomtsi kriika, Jesuq rilung nai apaiq raq jaqsham wantaq kiijiishe kuwanto nguta tsangshiq ma tsan tiinin li chang khan she, tiitho tiipha raüta chongphan kuqto.

TRI CHONGKE 31:9

Krai mren, Mosheq raq Shiikeawe thungtri ka waiq thüto. Raüta Tatiwe Tongshong Tek liiti Lewi phan ramwebi nai Israilnok welabi jaq na kuqto.

1 Thessalonians 2:13

Kiimahali, naishiq raq wranaiqshe Shiikeawe ma kechutum tiikai arka, alam ashi dea asi. Arka, man na naishiq raq namshiq ma, Tsütsa Ahea chongke wa saü wan kai akhing na, namshiq raq Tsütsa Ahea ka, maiqse bomtsi nguta riimak, shatmaq, Shiikeawe bomtsi nguta tai lanta, lang wan lan. Kriika tengto dea. Jamkhano ngukla, namshiq apaiq ma kam tlantibi rilung na, Shiikeawe bomtsi raq, ümchaü min jaqsham wan ruq li.

JOSHUA 8:35

Joshua raq Mosheq raq awaiq Thungtri aming thun ka poshi min tiikhea mak maq, wiita Israilnoktu thung tlaq kiima phatkuqto. Kra mungmaiqse thungtaq phong niika jechakre, kiimaq nosere, kiimaq Israilnok phong na pongmung maiqse sidamtlaq thun kriimin asi riito.

Revelation 2:29

“Juwa ni asi, Asii Wenyi raq phungtuti ma tsii chongkuq tlaq ara tiitsang tai ronglaq!

Revelation 3:22

“Arkha maq chongtiikang, nam ni asi jiila, Asii Wenyi raq phungtuti ma tsii chongkuq tlaq ara tiitsang tairong laq!”