NEHEMIA 8:3 - Hawa Naga Bible 2001

³ Piq rueq raungnvp maq raz tueq raungnuiyq shalhtungx nuex httuiuc laz palx kaluix hep vwanc baung nuex Tvrac luik kuex wvl kuq tueq, miq lotlaz rueq muinz thuinz vlomx maq tay wuez tueq.

ASII LAKDAP Bible (BSI)

³ Raüta, kra tapshok ikha kilam chong tho na hiqthung ba kiimaq chap raüta, Thungtri lakdap ka ranap chu maq phaho raüta, ranaiq shethung shekham na saülili phatkuqto. Krai mren, tsangshiq riimin tsan tiitsi raüta tsangrakrak maq tiitsang taito.

NEHEMIA 8:3 Referencias Cruzadas

NEHEMIA 10:29

vpiq nvrc waz Moshe maq raz tueq Tishox rueq vkuq Tishox Tvrac rulc rv-ngvlc naungshiq rullungx tvraungx muex muinz, Yehowa naungshiq Taungjix rueq naungshiq muex nvr phuex lotlaz kuex phvnc muex muinz, vpiq tvrac htenc nuiyc jungx shec tueq lotlaz kuex phvnc muex muinz, naungshiq walaungx bix rulc vkhoc rvhumc henc vtueq bomshuit taq vshix ningkhvnc nuex kvruex naungshiq rueq tvbac gay ruiux yuq, vhttonc vtvmc murx gurx shix ngoz tueq kvtuemc vtix.

NEHEMIA 13:1

Mungx miqsaz htenc muex Moshe Tvrac kuex hung vtueq wvl kuq koq tueq, Ammon nuiyc Moba miqsaz ukhaq muinz Tishox miqsaz htenc rulc mkaq muinz rvhumc rv-phek lvp muq mvy muq ngoz tueq.

NEHEMIA 8:1

Lex mvshix yac httuiuc wvnc tueq nuex Israel miqsaz kuex miqmac httax juing miqghaq htenc nuex httaz shaungx httax wuez tueq. Kvruex yapix vphaungc raungnuiyq tsuingshiq kuex Yerusalem ghaq Yuix Kaluix vwanc baung nuex rvtuimx tueq. Tsuingshiq kuex Yehowa rueq Israel miqsaz muex Moshe maq raz tueq kuq shec tueq Tvrac luik dvp kuex Tvrac tuiuz thenc jix shomc waz Ezra kox wawc thoz wuez tueq.

NEHEMIA 8:18

Tsuingshiq rueq vphaungc raungnuiyq maq tvsuip raungnuiyq nuex httuiuc laz Tishox Tvrac luik kuex wvl wuez tueq. Tsuingshiq rueq moalx kuex raungx mvshix tup moalx ruiux, raungx tvjvt raungnuiyq Tvrac luik nuex httax yaq rulc rv-ngvlc vsawc moalx wuez tueq.

NEHEMIA 8:4

Ezra kuex kvruex baunglaung tvkoc pulx penc maq pvrrawx vguirx htauk nuex jvp tueq. Vkeq kox nuex jvp jix miqwaz rulx kuex: Mattithia, Shema, Anaia, Uria, Hilkia nuiyc Maseia rvtueq; vphvrx kox nuex jvp jix hez kuex: Pedaia, Mishael, Malkhija, Hashum, Hashbaddana, Zecharia nuiyc Meshulam rvtueq.

NEHEMIA 8:5

Ezra kuex mungx miqsaz htenc htauk nuex vjoz baung pvrrawx kvyuq jvp koq tueq, tsuingshiq lotlaz rueq piq kuex lawc tvtsuingc wuez tueq. Piq rueq luik dvp kuex lanx koq tueq, tsuingshiq lotlaz jvp wuez tueq.

Mark 12:37

Dawid piq pumz maq Mesia ngoc ‘Taungjix’ ngoz tueq gvl tueq, kvkhoc ngoz ruiux Dawid suiuz vsaz muex yvmx khoc lac yaungx lot tvnx?” ngoz kuq tueq. Nuk miqsaz paunghvlc kuex vkoz vkez maq Yesu kvjaz tay wuez tueq.

Luke 19:48

yuq muinz tsuingshiq rueq vpiq kuex mkhoc ruec juing wuez lvmx humc muq, yvmx khoc lac ngoz ruiux lec nuk miqsaz htenc lotlaz rueq bomc poshiz muinz tvdvy gay muq vpiq rueq tvluing yaq kvjaz kuex tay phvnx wuez yaq.

Luke 8:18

“Kvkhoc rvtueq nuimshiq rueq yvmx khoc lac tay wvnc tuinx kvruex vhvlx waq honc lvmz wuez shuinz, vhttax jix waz muex vtvrvp kuy rvyek shuex, vguez jix waz yauk wawc kuex piq yauk nuex vhttax ngoz tueq tvmaung yaq kvmuinz vyez vlvmc rvwvnc yek shuex,” ngoz kuq tueq.

Acts 13:15

Kvruex yimaq Moshe Tvrac luik nuiyc shvmmax bix luik kuex wvllawc lot vtueq vjux thoz yuimx nuex yauk shuimc jix walaungx bix rueq miq tvkaz vtueq: “Phunox bix lex, nuk miqsaz muex bomjungc kuy juing vhttax shuex vguez lac vhttax yuq lec jungx kuq shuinz,” ngoz tueq.

Acts 13:27

Yvmx khoc lac ngoz ruiux lec Yerusalem nuex httaz jix htenc nuiyc tsuingshiq lvmx shvlc jix htenc rueq vpiq kuex palc daungc Taungjix ngoz tueq tuiuz muq, Vguilc Raungnuiyq wvl ruiux yaq shvmmax luik muinz tsuingshiq rueq vlvmx tuiuz muq, yuq muinz tsuingshiq kuex shvmmax bix rueq jungx wvnc tueq kvjaz tvhungx tvkoc Yesu muex vthueyc murx tvgurc tueq.

Acts 15:21

Yvmx khoc lac ngoz ruiux lec Moshe Tvrac kuex Vguilc Raungnuiyq tek vjux thoz yuimx nuex wvl ruiux yaq nuiyc mvnnuex pat maq phuex miqghaq tek nuex kvruex tvrac kuex jungphvnc jix httax wvnc tueq,” ngoz tueq jungx tueq.

Acts 16:14

Kvkaq Tishox muex hiyaz nawk palx tvtsvmc kvmc jix Thiatira ghaq wawc khvyshawx mvnz shaungc jix vmuingc Lidia ngoz yaq yalxjuik nyuiuz shiz lomx tueq, piq kuex Tishox muex nawk palx jix miq rvtueq, Polu rueq tvluing yaq kvjaz kuex vhvlx waq tay tvtsuingc tvkoc Taungjix rueq piq thuinz daz kuq tueq.

Acts 17:11

Berea ghaq jix kuex Thesaloni ghaq jix htauk nuex muinz wvhonc wvtharc rvtueq, kvkhoc rvtueq Polu rueq jungphvnx kuq yaq bomjungc kuex pinhtumc raungc raq thuinz maq tay tvtsuingc wvnc tueq, tsuingshiq kuex Polu rueq jungx yaq kvjaz kuex vyaq shuex vlvmx lac tuiuz tvkoc wvraungx nuiyq tek Rumvrc luik wawc wvllawc wuez tueq.

Acts 20:11

Kvkaq piq kuex yuimx raungx nuex yek phvt duiz wvnc ruiux wanx kuex tv-phuinx vtueq phauk tueq, kvruex phuiuz lot yix, piq kuex tsuingshiq rulc raungx tvwuic laz vluz waq rvbomc nyamc naungx tueq yix maq jix kvruex ghaq kvmaq kaz wvnc tueq.

Acts 20:7

Nuiyhez kuex raungx tvruk raungyac phuiuz svy nuex lux rvyaungc tvkoc nuex rvtuimx tiq, Polu kuex raungnvp kvyix kvruex ghaq kvmaq kay wvnc tvkoc dvnc ningkhvnc nuex raungwvrx htungx nuex httuiuc laz miq htenc muex jungphvnx kuq tueq.

Acts 28:23

Tsuingshiq rueq raungnuiyq khvmc kuq tueq rulc rv-ngvlc kvruex raungnuiyq Polu duic juing yuimx nuex miq paunghvlc httuiuc kaz wuez tueq. Kvmaq piq rueq raungnvp maq raungx tvyac laz Tishox Mungtan nuex seng vtueq bomjungc kuex jungphvnx kuq tueq, Moshe Tvrac luik nuiyc shvmmax luik wawc Yesu lvmx kuex tsuingshiq rueq tuiuz wvnc laz juing laungc maq jungphvnx kuq tueq.

TRI CHONGKE 31:9

Kvkhoc rvtueq Moshe rueq Tishox Tvrac kuex wuiyq vtueq, Yehowa Bomkhvrc Jep tvy jix Lewi shomc waz bix nuiyc Israel miqsaz walaungx bix htenc muex kuq tueq.

1 Thessalonians 2:13

Tishox kejux kuex nuiyshiq rueq mkaq muinz tvtsvmc vshix vganc phvnx shiz httax yek yaq. Nuimshiq kox nuex nuiyshiq rueq Tishox bomjungc jungphvnx kuq phix nuex miqsaz bomjungc ikhoc rvmuq, Tishox bomjungc rvtueq kuex nuimshiq rueq tay vtueq kvmluimx ruiux phvnx wvnc tuit. Yvmx khoc lac ngoz ruiux lec Tishox rueq kvmluimx jix miqsaz nuimshiq thuinz vmungx nuex yauk shuimc wvnc ningkhvnc nuex rvtueq.

JOSHUA 8:35

Yoshua rueq yalxjuik rulx nuiyc nosaz rulx htenc, tsuingshiq rulc vdvmz httaz jix pungnuk miqsaz htenc nuiyc miq lotlaz khaungkac nuex Moshe tvrac luik kuex wvl tueq.

Revelation 2:29

“Siyac rueq phungc htenc nuex yvmx khoc lac jungx wvnc tvnx kuex nac vhttax waz rueq mtay wvnc shueq!

Revelation 3:22

“Siyac rueq phungc htenc nuex yvmx khoc lac jungx yaq nguinx kuex nac vhttax waz rueq mtay wvnc shueq!” ngoz tueq.