NEHEMIA 8:16 - ASII LAKDAP Bible (BSI)

¹⁶ Krai mren, mungmaiqse raq rumwa peküsetiim daqwa raüta, tsangshiq jam wukhu thung kiijaq, kiimaq tsangshiq jam rinkea kiijaq, kiimaq Shomjam rinkea kiijaq, kiimaq Kham Kilam tapshok thung ba kiijaq, kiimaq Ephraim Kilamchong tho kiijaq, baülitiipsetiim ka haito.

Hawa Naga Bible 2001

¹⁶ Kvkhoc rvtueq miq htenc rueq pulx phak htenc kuex dauk vtueq miqmac yuimx khux htauk nuex, yuimx wangx nuex, Shomc Yuimx wangx nuex, Yuix Kaluix nuex nuiyc Ephraim Kaluix hep wawc vwanc baung htenc nuex tap htenc kuex tvbuz guirx tueq.

NEHEMIA 8:16 Referencias Cruzadas

2 SAMUEL 11:2

Ranaiqshi raji ramwacho na, Dawit ka armankon wa samkito. Raüta apaiq hokham jam wukhu thung kiijaq wato. Apaiq ka kra wukhu thung na akhum ashiim sea lam maq, apaiq raq jechak nyung ashi ajühea rea chhito. Kriinyung ka pinthum shamheawiq nyung.

2 HOKHVMX 14:13

Jehoash raq Amajia ka shumwi ma lap wanto. Raüta Jerusalem longwa she wawanto. Raüta chela kiitelong ruk ka Ephraim kilam chong maq phaho raüta Tapshok Kilamchong na saüli tiithen baiqto. Arka mitar shinai tin khan run baiqto.

2 KAÜWA WERAÜ 20:5

Kiimaq tsangshiq nai Jerusalemti ka Shomjam rinkea anyea thung ba na thungto. Kiimaq Hokhamwe Jehoshaphat ka kiraüta tsangshiq khaki na chapto.

2 KAÜWA WERAÜ 33:5

Shomjam rinkea ba nai ri na apaiq raq raiqsaiq phong kra shomnoq miitu berong-wacha apawiq haito.

NEHEMIA 12:37

Raüta, tsangshiq ka Khamdü Kilamchong miishe ka Dawit Chela mong na nyap wan chang longpen hiqkhuphi lam kiiniishe düwanto. Raüta, Dawit hokham we jam ka lea wan raüta, chela ruk nü kiina hali, Khamchum Kilamchong kiiniishe wa wan raüta, chela maq shedong nü siim kiiniishe wawanto.

NEHEMIA 12:39

Kiimaq, kriiba miishe ka, Ephraim Kilamchong, kiimaq Jeshana Kilamchong, kiimaq Ngiq Kilamchong, Hananel Kongmong Chong, kiimaq, laita Shishi Kongmong Chong, kiimaq riitiishe Sku Kilamchong nü kiiniishe khum wan kai. Laitiishe, naishiq raq chela ruk tro na khum wankai kriika, Shomjam tiinap tho na Kilamchong ashi, kra jiishe tiisup wan kai.

NEHEMIA 8:1

Jipi lümiishe liipan na Israilnok ka maiqmiimii sichang chela thun na kunkun she shongnga wanto. Kra lüwa, jiha ranaiqshi na, tsangshiq tarü Jerusalem chela mong na Kham Kilam Chong tapshok hiqthung bashi kiijaq Israilnok ka kunkun ngongthung riitam ngato. Raüta tsangshiq raq ramwe kiimaq Thungtri shamtiwe Ejra nangnga Tatiwe raq Mosheq lümaq akuq lakdam kom kra mungmaiqse ma phatkuq laq nguta chongto.

NEHEMIA 8:3

Raüta, kra tapshok ikha kilam chong tho na hiqthung ba kiimaq chap raüta, Thungtri lakdap ka ranap chu maq phaho raüta, ranaiq shethung shekham na saülili phatkuqto. Krai mren, tsangshiq riimin tsan tiitsi raüta tsangrakrak maq tiitsang taito.

JEREMIA 19:13

Jerusalem wa maiqjam thun kra, kiimaq Juda mung wa hokhambi jamthun kra, kiimaq tsangshiq wukhu thung na ra na sitlaq raiqsaiq thun kra shomnoq wan homseng honglu kuq wantaq thun kra, kiimaq laihin phra thun ma che kok maq tiibok wantaq hongluke chang jamthun kra, wiita kunkun Topheth Tan jamkhiiwa ashe ma jakitaq kiikha wiita ashe siisaq she miraq.”

JEREMIA 32:29

Raüta wa maq michaq baiq, mungmaiqse raq jam wukhu thung kiijaq Baal phra ma homseng honglu chaq wantaq, kiimaq laihin phra kaütiim thun ma che honglu raükuq wan raüta itsan tiikhiq wantaq jam thun kra romshaq na michaq baiq wan.

TRI CHONGKE 22:8

“Kiimaq ümtiikiiwa ümniiraq jam anye haitlaü, ümwukhu thung kra trotam na kinthii thun ka aruk laüta thülaq. Kra nguraüla maiq ashi ra ka wukhu maq dea wa raüta tsaiki raüla, üm dü na kha ahü miraq.