Kiijiishe, ngi raq trekang, “Ngi ka akha tiipaü raüta juraitiwe ka riimang. Ngi ka maiqmii khum tiichhii phaq Shomjam mong na tiipaü ngatiwe ngutiishe tiima tlaü? Ngi ka kiikha tiipaüti ka riimang.”
NEHEMIA 6:12 - ASII LAKDAP Bible (BSI) Ngi raq ara chongtaq khuthaq na samhea chumtap latiishetiq kra liichum ka tak kang. Shiikeawe raq, Shemaia kra bomtsi ka chongkuq mak dea. Shatmaq, Tobia nai Sanballat raq apaiq ma tsiiqlap kuq raüta ngi ka shiikengto. Hawa Naga Bible 2001 Kvruex lvmz kuex ngaz rueq tvmaung lvp tauk. Shemaia rueq ngaz muex ngoz phuex Tishox rueq piq muex vjungx bomc rvmuq, Tobia nuiyc Sanbalat rueq vyumx maq yauk mak kuq vtueq vnvr lvmz ngaz rueq helc lvp tauk. |
Kiijiishe, ngi raq trekang, “Ngi ka akha tiipaü raüta juraitiwe ka riimang. Ngi ka maiqmii khum tiichhii phaq Shomjam mong na tiipaü ngatiwe ngutiishe tiima tlaü? Ngi ka kiikha tiipaüti ka riimang.”
Tsangnai raq apaiq ma tsiiqlap kuq raüta, ngi tiihai raüta ngarai mitang laq nguta kloto. Raüta tsangshiq raq, i khushü tiijam baiq ma kiimaq ngi ma jea tiingaü ma nguta thiikho thuto.
Tsangshiq ka shakaq hikong ikha. Ümtin phaqsiq raümin hongto ngumak. Ara welabi thun ka taksu tsü ahü. Tsangshiq loweatek raq maiqmii raq athithi kriili klotlo. Raüta maiqmii ma amet dongchang kriili rittlo.
Shatmaq Tatiwe raq treto, “Shammibi raq imang shaphaq raüta arot chongtlo. Ngi raq tsangshiq ka thaü mangdea. Kiimaq ngi raq tsangshiq ma aming min kuqmang dea. Kiimaq tsangshiq ma bom tsishi min chongkuq mang dea. Tsangshiq raq riisham makchhi chongtlaq thun ka ngi raq atiichhikuqha riimak. Tsangshiq raq tiithaitlaq riisham bom ka tsangshiq maiqmii khutsai maq adong bomtsi chongtlo.
Tati Ningkun Ajongwe raq Jerusalemti ma ngutlo, “Shammibi raq jamlai wa chongtlaq kra naqtai rongkiq. Tsangshiq raq namshiq mongjii ka arot ranphan bom chongkuq raüta tiinyamtlo. Tsangshiq raq namshiq ma chongtlaq kriika tsangshiq tsan mong maq adong. Ngi raq achongkuqha bom riimak.
Ngi raq shammibi imang shaphaq raüta arot akiq bomchongti, ngi raq chongkuq mang taü miinin chongkuqto nguta bom chongketi, kiimaq ngi raq tsangshiq ma tsütsa ka rawa ma maq tiichhikuq mang wiimin tiichhi kuqto nguta chongtibi thun ka wiita asap-ha siisaq.
Kiijiishe ngi raq Hanania ma akhiishe tiitsuqsaq ngukang, “Hanania lei, tailaq! Tatiwe raq ümniika tiiki mak dea. Kiimaq ümniiraq ara mungmaiqse ka arot bomtsi kriima tiikamsiq tlaü.
“Namshiq raq haptashishe jaili nai phutsam phublaise winsii phu kra laphaq miitu Ngi ka isenginok mungmaiqse makki na shummiitlan. Namshiq raq maiqse ka khii akha min ahü atsai chang shutphit jammin ahü kriiti kiimin wiita tsatbaiq wantlan. Kiimaq mungmaiqse juwa ashut kloti, tsangshiq ka atra si thek makti thun kra atra tiisitlan. Namshiq raq arot akiq bom kra chong lanta mungmaiqse ka laotlan. Tsangshiq raq namshiq bom kiima kamtlo.”
“Namshiq raq arot akiq bomtsi kra chongkuq lanta, Ngi raq tiichamchao romangti mungmaiqse maiqshaqti thun kiimin, tsangshiq tsaiji ka tran baiq wan tlan. Namshiq raq abi kloti maiqse ka tsangshiq raq ajiq aphiq jaqsham wan tlaq kra athaq baiq raüta; tsangshiq miisaq ka tiichhii wan chan wa; kriimin wiita namshiq raq tangta baiq wan tlan.
Tsangshiq ma akha chonglaq: Namshiq riisham makchhi bomtsi chongtlan thun ka arot. Kiimaq riisham bomchong tiithaitlan thun kiimin arot. Namshiq nga kriithun ka inü maq adong ibomtsi ngutlan. Shatmaq Ngi raq namshiq ma chongkuq mang dea!”
Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.
Ngi raq ju jaq wiimin tsiiq nai nyam ka jaü wan mang. Kiimaq ju jaq wiimin, khuchü kheani min jaü sam wan mang.
Asii Wenyi raq, maiq ashi miika awang chang jaqshamke miitu ningkun kuq tlo. Kiimaq maiq ashi miika Shiikeawe riisham bom kra chongke miitu ningkun kuq tlo. Kiimaq maiq ashi miika Asii Wenyi raq akuq kongphiq thun kra liipan na chechiip miitu ningkun kuq tlo. Kiimaq maiq ashi miika, maiq raq taimak phan bom maq bom miitu kongphiq kuq tlo. Kiimaq maiq ashi miika kra bom tlaq taimai phan bomtsi liichum kra tiikho chongke miitu ningkun kuq tlo.
Jurwa Asii Wenyi alap wanwi she, kriiti riika phanrap hup nai sam thii kra wiita mishin wanlot she. Shatmaq maiq ahinti jurmin apaiq ka shin lot mak.
Apaiq ka cheropja raa mak. Kiimaq apaiq raq ningkun ningkaq kiimung raa mak. Shatmaq, apaiq ka kiqnin tsiim nin, sobsob bombom, kiimaq wiitarü rai ari aram maq singati riichang. Apaiq raq tsiiq anyam ma süram min raa mak.
Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.
Shiikeawe raq apaiq skuse kong namshiq ma trüm tlaq kra, chochikhiq maq shiikum pan lanta rüm ronglaq. Adam ajo lam miika naq rüm rongkiq. Shiikeawe raq tsangshiq ka jamkhii tiichhan chhi wan ro wa, kiikha tiichhan chhi ronglaq. Sku rüm jaqsham ka laqkhaq lap ma süram lanta naq rüm rongkiq. Shatmaq lungwii tsantsii maq skuse kong ka rüm ronglaq.
Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.
Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.
Kiimaq homseng phan sinamon nai süse tapan, ahom phan, ahom phan shum win kiimaq wa na chaq chang ahom phan shum win, che kiimaq olip petsai, kiimaq wongwin kiimaq bunwong win; minsaü kong kiimaq sku kong; kumrang kong kiimaq kumrang leng thun; kiimaq dise kong kiimaq sepat lope alap wan shumwi kong thun riti ka ahü she.