NEHEMIA 6:13 - ASII LAKDAP Bible (BSI)13 Tsangnai raq apaiq ma tsiiqlap kuq raüta, ngi tiihai raüta ngarai mitang laq nguta kloto. Raüta tsangshiq raq, i khushü tiijam baiq ma kiimaq ngi ma jea tiingaü ma nguta thiikho thuto. Ver CapítuloHawa Naga Bible 200113 Ngaz kuex mvrax yaq gay ruiux, muingc jungc bac vtueq yvlc svy tvhumc muex tsuinghez rueq Shemaia kuex shap vtueq ngaz tvhiz sungx phuex. Ver Capítulo |
Kra lak dam niika akha waiqto: “Riita, lamthaq lamkiq na siti maiqhiq shong thun na, ümniiraq namshiqnok Jehudinok kra shea laüta, hokhamwe wokhong wa dongho laüta, maiqmii hokham shong wan ma nguta, chiqchap rechap she sürii wan tlaü nguwa, nguta shapshaü ka pa wantlo, nguta Geshem raq ngi ma tiitaito. Kra miitu tiina, namshiqnok raq Jerusalem chela ruk kra athen arki wa tiihea haitlo nguta, mungmaiqse hea wea na bom ka riichong rai tlo. Kiimaq Geshem raq ngi ma, ümniika Jehudinok thaq na hokham miishe mija wan haü nguwa nguta chongto.
Tatiwe raq ngutlo, “Ara sumla phra kong, namshiq tiihai songti thun arka juwa? Kra hairai lanta namshiq raq Ngi ma arot akiq bom chongtlan. Lanta namshiq raq Ngi ka laqtang she laqbaiqlan? Namshiq raq Ngi ka atinkhan kaiqshakshak maq sirai wan phata, namshiq raq Ngi shreng wan ka alaq she riibaiqlan nya?
Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”
Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”
“Shatmaq, ümnaq atsaikaiti maiqse ka tsangshiq ma naqhaikiq. Kiimaq tsangshiq raq jamlai wa bomtlaq kriima naq haikiq. Tsangshiq raq ümkiq ka akhii miraq kiimaq ümniika shummii shaq shaq li miraq. Kriika phangkaü phong rai sidam ikha miraq. Shatmaq tsangshiq phoq ngeng nok kra chhi laüta naqhaikiq. Kiimaq tsangshiq raq jamlai wa ngutlaq kriima naqhaikiq.
Namshiq ma Shiikeawe jaqsham ketibi raq, naishiq ka “kiimwebi” nguta tiingo tlaq, kiimaq tsangshiq riimin, naishiq raq jamkho sham tiikai kiikhiisii sham tiikai, nguta tiishomra tlaq, kra tangta baiq miitu, ngi riika ümchaü jamkho jaq maq ahü maq jaqsham tiikang, kiikha namshiq jaq wa, amaq athii min jaü mang miili, sham wan ruq misham wanha.
Arkha maq, ngi raq akha manti-nyungre ka, maiq ma wanong haü jaq riiwe ka ahea miraq nguta tsii chongkuq tiikang. Raüta, maiqmii jamkun mong na, asaü ase hum wan raüta, kiimaq atapkun na kaiq shakshak maq, shonga wan raüjaq riiwe ka, nashiq jaqtibi raq nashiq ma, abi ati shummii bom chang lam ahü miraq.
Ara jamto chongtiikang ngukla, Shiikeawe raq nashiq ma Asii Wenyi kuq tlaq kra riika, nashiq ka wenyi na ningkun ajong, srea nola ma tiija tlo. Raüta, phunaino Phungmaiqse ma lungwiitsii rüm tiikai walü ka tiinyai kuq tlo. Kiimaq nashiq raq nakhum ara, stiq skhaq maq, Phungmaiqse awongsii rilung si miitu ningkun kuq tlo.
Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”