NEHEMIA 6:13 - Hawa Naga Bible 2001

¹³ Ngaz kuex mvrax yaq gay ruiux, muingc jungc bac vtueq yvlc svy tvhumc muex tsuinghez rueq Shemaia kuex shap vtueq ngaz tvhiz sungx phuex.

ASII LAKDAP Bible (BSI)

¹³ Tsangnai raq apaiq ma tsiiqlap kuq raüta, ngi tiihai raüta ngarai mitang laq nguta kloto. Raüta tsangshiq raq, i khushü tiijam baiq ma kiimaq ngi ma jea tiingaü ma nguta thiikho thuto.

NEHEMIA 6:13 Referencias Cruzadas

NEHEMIA 6:12

Kvruex lvmz kuex ngaz rueq tvmaung lvp tauk. Shemaia rueq ngaz muex ngoz phuex Tishox rueq piq muex vjungx bomc rvmuq, Tobia nuiyc Sanbalat rueq vyumx maq yauk mak kuq vtueq vnvr lvmz ngaz rueq helc lvp tauk.

NEHEMIA 6:6

Kvyuq vkhoc httax yaq: “Mnoz nuiyc Yuda miqsaz htenc rueq khawc lvlc tvkoc kvmungx vshuinx ningkhvnc nuex palx ruk vshuinx lvmz kuex, tvroz phic vphaungx miq htenc rueq jungx wuez yaq ngoz tueq thaungc kuex Geshem kox wawc tay tauk. Piq rueq jungc mpumz kuex hokhvmx yaungc tvkoc dvnc vshuiux ngoz wuez,

TAKSU LAK 22:1

Vhvlx muingjungc nuiyc tsak vnyvmx rungx vwanx kvruex wawc mnoz rueq thvl wvnc ruiux yuq, vhvlx muingjungc kuex thvl wvnc shuiuz.

TAKSU LAK 29:5

Mkungjix htenc muex mnoz rueq tvyoq yvmx jungx ruiux yuq, mnoz tvkoc bix tsvnc taq vshuiux.

THARC TVLUINGC 7:1

Vhvlx muingc yungx yaq kuex vhtawz tsanc hvlc vhomc phvnx htauk nuex muinz vhvlx pinhtumc rvtueq; mthueyc raungnuiyq kuex vjawc raungnuiyq htauk nuex muinz vhvlx pinhtumc rvtueq.

ISAIA 51:7

“Vlvmz rvtueq lvmx kuex tuiuz jix hez lex, ngvy kvjaz kuex tay shuinz, ngaz rueq tvluing vshaungx kuex nuimshiq thuinz vmungx nuex tvtsuingc taq shuinz. Nuimshiq kuex miq rueq shummarc yomnamc ruiux muinz nauk hiz kaz;

ISAIA 57:11

Yehowa rueq, “Mnoz kuex ngaz muex rot kaq jungx vtueq wvlc guez lauk gay nuex httuiuc laz nuimshiq hiyaz vtuinx tishox htenc kuex ukhaq lac? Ngaz kuex suinglix maq loayc hvlc shex httaz ningkhvnc nuex nuimshiq rueq ngaz muex tvtsanc wuez muit nyix?

JEREMIA 1:17

Yeremia lex, kvtenc kuiuz; ngaz rueq jungx nvr phaungx phvnx ruip saz kuex tsuingshiq muex jungx kaz kuiuz. Tsuingshiq muex nauk hiz kaz, mnoz kuex tsuingshiq muex hiz tuiux ngoz ruiux ngaz rueq mnoz kuex tsuingshiq khaungkac nuex jvnc vtueq tvhiz sungx phaungx.

JEREMIA 18:18

Kvruex yimaq miq htenc rueq, “Yeremia muex phvnx shishiz ruez thalx ix! Naungshiq muex tvhonc tvtharc tvkoc shomc waz bix, naungshiq muex tharc jungc kuy jix wvtharc miqsaz htenc nuiyc Tishox bomjungc kuy jix shvmmax bix kuex mkaq muinz vhttax rvtuex. Piq rueq jungx yaq kvjaz kuex tay miq maq, piq mvrax dvyx thuiyx wuez ix,” ngoz tueq jungx wuez tueq.

JEREMIA 20:10

Ngaz rueq miq htenc shuip shuyx yaq kuex tay tauk, “Baung ruip saz nuex Kvhiz juing! Kvkhoc rvtueq piq kuex vrangx vpangx vhttax jix muex tvtay ix!” ngoz tueq. Ngvy kungjix shauk rueq doc muinz ngvy rulc wvnc kuex bvmc yaq. Tsuingshiq rueq, “Piq kuex naungshiq rueq laulawc lot shix shvmx; kvkaq naungshiq rueq piq kuex lvp ruiux murx tvyez lot shix,” ngoz tueq.

EJEKIEL 2:6

“Yuq muinz, miq waz lex, mnoz kuex tsuingshiq muex muinz tsuingshiq rueq yvmx jungx ruiux muinz nauk hiz kaz. Tsuingshiq rueq mnoz kuex tuingshaung vtueq yomnamc kv-phux; kvruex kuex phvmx htenc hvlwvl nuex httax yaq ikhoc yaungx tuex. Tsuingshiq rueq tvgap gawx yaq nuiyc tsuingshiq rueq jungx yaq phvnx ruip saz kvmac nauk hiz kaz.

Matthew 10:28

Gvnngvmx thvt gay lot ruiux siyac kuex thvt gay lot muq jix kvmac nauk hiz kaz; siyac rulc nongx gvnngvmx kuex ngarvyx mungx nuex tvdvy gay lot jix waz Tishox muex dvyx kvhiz wuez kuinz.

Matthew 22:15

Pharise nuk kaz wvnc vtueq Yesu muex yvmx khoc kvmungx maq wisoz juing lac kuex rvjungc phvnc wuez tueq.

Matthew 26:59

Shomc waz walaungx bix nuiyc Suingdaungx muingdaungx bix rvtuimx yaq htenc rueq Yesu thvy gay tvkoc vrot vkaq hakhix humc laz juing hung wuez tueq;

Acts 6:13

Kvruex yimaq tsuingshiq rueq vrot vkaq hakhix khvmc jix htenc kuex shvlx kuq laq tueq. Tsuinghez rueq, “Vruex waz vraq vsawc Shomc Yuimx nuiyc Moshe Tvrac kuex shummarc kvjaz kvjak tueq.

2 Corinthians 11:12

Nuiyshiq rueq shuimx vshix kvkhoc shuimx vshix ngoz tueq kvsomc parc vkhangx kuex kvruex “kamx waz hez” rueq lvp muq tvkoc ngaz rueq majuiuc shuimx shaungx vkhoc dvyx shuimx wvnc shaungx.

1 Timothy 5:14

Kvkhoc rvtueq ralx rueq naungshiq lvmz vbac rvjungc muq tvkoc rullungx nosaz mvntix nyuiuz tamx kuex miq muex woz vtueq vsuiuz vsaz humc wvnc ruiux, miqmac yuimx taungx kuex vhvlx waq lawc mawc yaq kvdvyx ngaz rueq raungc raq vshaungx.

2 Timothy 1:7

Yvmx khoc lac ngoz ruiux lec Tishox rueq naungshiq muex kuq phuex Siyac rueq naungshiq muex vhiz sungx juing thuinz kuq phuex rvmuq; vpiq Siyac rueq naungshiq muex luimc vkawc, lungwawx thuinz nuiyc miqmac shauk vgvnz ruip rux lot yaq thuinz kuex kuq phuex.

Titus 2:8

Mralx htenc rueq nuimshiq muex yvmx phvnx lvmx maq muinz mvrax humc muq ningkhvnc nuex yvlc svy mrvhumc kueq, mnoz kuex miq rueq mvrax tvgurc rvhumc muq laz juing vlvmx kvjaz dvyx jungphvnx shuiuz.

James 4:17

Kvkhoc rvtueq vhvlx yauk shuimc shuimc tvkoc tuiuz yaq rvhvt maq phvnx muq waz kuex mvrax vhttax waz rvtueq.

Revelation 21:8

Yuq muinz vhiz thuinz httaz jix, kvmluimx muq maq tvmtuing vguez jix, layx vbac miqsuirc vsac jix, miq thvy jix, htokpawx yauk shuimc jix, mantan htaqpix shuimc jix, yac yuimx nawk palx jix, vrot vkaq kvjaz jungc jix lotlaz kuex wvr nuiyc kanz luic yaq jumx nuex httuiuc wuez tuex, vruex kuex lauknueyc thueyc rvtueq,” ngoz tueq jungx phuex.