NEHEMIA 6:12 - Hawa Naga Bible 2001

¹² Kvruex lvmz kuex ngaz rueq tvmaung lvp tauk. Shemaia rueq ngaz muex ngoz phuex Tishox rueq piq muex vjungx bomc rvmuq, Tobia nuiyc Sanbalat rueq vyumx maq yauk mak kuq vtueq vnvr lvmz ngaz rueq helc lvp tauk.

ASII LAKDAP Bible (BSI)

¹² Ngi raq ara chongtaq khuthaq na samhea chumtap latiishetiq kra liichum ka tak kang. Shiikeawe raq, Shemaia kra bomtsi ka chongkuq mak dea. Shatmaq, Tobia nai Sanballat raq apaiq ma tsiiqlap kuq raüta ngi ka shiikengto.

NEHEMIA 6:12 Referencias Cruzadas

NEHEMIA 6:11

Ngaz rueq, “Ngaz kuex kvhttuiyq yuz wvnc jix miq rvmuq. Ngvy thuiuzthuic kvpalc wvnc tvkoc Shomc Yuimx nuex kvhttuiyq kaz tuex ngoz tueq haz mnoz rueq tvmaung vshuiux? Ngaz rueq kvkhoc ruez mauk,” ngoz kuq tauk.

NEHEMIA 6:13

Ngaz kuex mvrax yaq gay ruiux, muingc jungc bac vtueq yvlc svy tvhumc muex tsuinghez rueq Shemaia kuex shap vtueq ngaz tvhiz sungx phuex.

ISAIA 56:11

Tsuingshiq kuex saq ruiux muinz hungx muq rvnphvnx yaq guyhex ikhoc rvtueq. Tsuingshiq kuex vtuiuz vtay vguez walaungx bix rvtueq. Miqmac rueq shuimx ruingx raz tueq miqmac laung dvyx thuiyx wuez yaq.

JEREMIA 14:14

Yuq muinz Yehowa rueq tvralc tueq, “Kvruex shvmmax bix kuex ngvy muingc maq vrot vkaq jungx yaq; ngaz rueq tsuinghez kuex tvkaz mauk doc, tsuinghez muex yvmx muinz nvr mauk doc, kvjaz poshiz muinz jungx mauk doc. Tsuinghez rueq jungx yaq romzyac tvkhic bomc kuex ngvy kox wawc rvmuq, tsuinghez rueq tvluz nuex jungx yaq luingx lawc lvmz kuex tsuinghez thuinz maq tak yaq khuec guez lvmx dvyx rvtueq.

JEREMIA 23:16

Tvphaungc Tvsuip Yehowa rueq Yerusalem miqsaz muex jungx tueq, “Shvmmax bix rueq jungphvnx yaq kuex nauk tay kaz; tsuingshiq rueq mnoz muex vyaq thuinz tvluimc juing tvmvrc yaq. Tsuingshiq thuinz vmungx maq tvmaung yaq kvdvyx mnoz muex jungphvnx wuez yaq, ngaz rueq jungx tauk kuex jungphvnx wuez muq.

JEREMIA 23:25

Ngvy muingc jungx vtueq vrot vkaq kvjaz jungphvnc nuiyc tsuingshiq maung nuex tsuingshiq muex ngaz rueq ngvy bomjungc kuq tauk ngoz tueq jungphvnx yaq, kvruex shvmmax bix kvjaz kuex ngaz rueq tuiuz yaq.

JEREMIA 28:15

Kvruex yimaq ngaz rueq Hanania muex vruex lvmz kuex tvhttoarc jungx tauk, “Hanania lex, tay shuiuz! Yehowa rueq mnoz tvkaz kv-phux rvmuq, mnoz rueq miq htenc muex rot kaq vtueq tvkvmx luimx vshuiux.

EJEKIEL 13:19

Nuimshiq kuex ngvy miq htenc khaungkac nuex wanx tsvmz raungluingx nuiyc wanx phuinz raungluingx lvp tvkoc ngaz kuex wvlc guez ruez vphuinx. Nuimshiq rueq vthueyc aungx muq miq kuex thvt gay vshuinx, tvraungx tvy aungx muq miq kuex tvraungx taq vshuinx. Nuimshiq rueq ngvy miq htenc muex vrot vkaq kvjaz jungx vtueq tsuingshiq kuex nuimshiq kvjaz muex kvmx wuez yaq,” ngoz tueq jungx tueq.

EJEKIEL 13:22

“Ngaz rueq tvshirix roc mauk miq hvlx hez htenc kuex nuimshiq vrot vkaq kvjaz maq thuinz tvbac tvyomx vshuinx. Layx vbac miq htenc rueq layx vbac yauk shuimc kuex tvwanc muit maq, nuimshiq rueq tsuingshiq rullungx kuex tvsumx rumx vshuinx.

EJEKIEL 13:7

Ngaz rueq tsuingshiq muex jungx tauk: mnoz rueq khiz toq romzyac tvkhic htenc kuex vyaq vphaq, nuiyc mnoz jungx vshuiux rawshvmx bomc htenc muinz vrot vkaq dvyx rvtueq. Tsuingshiq rueq jungx yaq kvjaz kuex ngvy kvjaz rvtueq ngoz tueq jungx shuex, yuq muinz ngaz rueq nuimshiq muex jungx phaungx rvmuq.”

Mikha 3:11

Ghaqyungx mungx walaungx bix rueq khauloayc yauk noalc laung nuex guimz lawc yaq, shomc waz bix kuex yauk mauk tvkoc nuex Tvrac luik htenc vlvmz kuex tvluing kuq yaq, shvmmax bix kuex tsuingshiq rueq lvp juing kuimphox tvkoc tsuingshiq romzyac tvkhic htenc kuex kuq wuez yaq, tsuingshiq lotlaz rueq Yehowa kuex tsuingshiq rulc vdvmz httax yaq ngoz tueq jungx wuez yaq. Tsuingshiq rueq, “Naungshiq nuex yvmx muinz thuiuz sac tix rvmuq, Yehowa kuex naungshiq rulc vdvmz httax yaq,” ngoz tueq ngoz wuez yaq.

Acts 20:33

Ngaz rueq miq yauk wawc kuimphox sawx, kuimshawx nuiyc khoz vkhvy kuex lvp roc ngoz tueq raungc raq mauk.

1 Corinthians 12:10

Siyac rueq washiz muex vwangc juing shuimc tvkhic luimc vkawc kuq tueq; vganc washiz muex kuex Tishox bomjungc jungphvnc kuy lot juing kuq tueq; vruex yauk noalc kuex Siyac kox wawc shuex vganc wawc lac tuiuz juing kuex kuq tueq; vganc washiz muex phvnx ruip saz kvjaz kvjak thenc yaq hungc kuq tueq; kvmaq vganc washiz muex kuex kvjak yaq kvjaz htenc vlvmz kuex jalc jungx lot yaq hungc kuq tueq.

1 Corinthians 2:15

Siyac httax yaq waz rueq kuex phvnx ruip saz htawz vrawz tv-phvlc htvp htaz lot yaq, yuq muinz vpiq kuex miq uraq muinz htvp htaz lot muq.

1 Timothy 3:3

Joal juk pawc jix waz rvmuq ngoz ruiux yauk laungc yalawx jix yaungc mvy muq, thuinz nyenz thuinz yomz jix waz, nomic lvmx kuex raungc raq jix waz yaungc rax tuex; piq kuex kuimphox muex rvnphvnx muq waz raz tueq;

Titus 1:7

Yvmx khoc lac ngoz ruiux lec phungc shunshvlc jix waz kuex Tishox yauk shuimc gurc pic jix waz ningkhvnc nuex mvrax vguez waz ruec rax tuex. Piq kuex tuluimc thuinz httaz jix, thuinkhvy jix, vjuk vpawc jix, thaungthoz wawx yez jix, rvmuq ngoz ruiux kuimphox muex rvnphvnx jix yaungc mvy muq.

1 Peter 5:2

Tishox rueq nuimshiq muex vlekuq shec khelbuenx kung kuex remc jix hez ikhoc, Tishox rueq tvshuimc roc yaq rulc rv-ngvlc thuinz vlomx maq vkoz vkez shunshvlx remc shuinz. Vmauk vhtawz lvp tvkoc shuimc kay ikhoc rvmuq maq, vsuing juiux kax roc thuinz maq shuimx kaz wuez shuinz.

2 Peter 2:3

Vruex vrot vkaq tvluingc waz bix rueq tsuingshiq kvkax wax thuinz maq vtvhungx mvnphvnc htenc kuex jungphvnx vtueq vlap vphawx thuiyx wuez shuex. Mvnnuex maq phuex tsuingshiq muex phoc kuy jix waz rueq tvyoalc shec tueq nuiyc tsuingshiq tvbac gay jix waz kuex kvtsoalx rvlauk kaz tueq rvmuq.

1 John 4:1

Lungwawc kungjix bix lex, Siyac lvp wvnc tiq ngoz tueq jungc jix miq lotlaz muex nauk kvmx kaz, tsuingshiq rueq lvp wvnc tiq ngoz yaq siyac kuex Tishox kox wawc vkaz shuex rvmuq lac kuex wisoz lawc shuinz. Yvmx khoc lac ngoz ruiux lec vrot vkaq shvmmax paunghvlc kuex baung ruip saz nuex httuiuc wvnc tueq.

Revelation 18:13

tsuingkuix ruingx, wvyshuiuz nuex htawc juing vhomc phvnx, vpuiz vhomc, murra, loban, svpiq tix, vpuiz, wansawx, nyensaz wungx, ngac, manx, khelbuenx, mvre, renc, dax htenc nuiyc miqsaz rullungx nuex httuiuc laz rvtueq.