NEHEMIA 6:11 - Hawa Naga Bible 2001

¹¹ Ngaz rueq, “Ngaz kuex kvhttuiyq yuz wvnc jix miq rvmuq. Ngvy thuiuzthuic kvpalc wvnc tvkoc Shomc Yuimx nuex kvhttuiyq kaz tuex ngoz tueq haz mnoz rueq tvmaung vshuiux? Ngaz rueq kvkhoc ruez mauk,” ngoz kuq tauk.

ASII LAKDAP Bible (BSI)

¹¹ Kiijiishe, ngi raq trekang, “Ngi ka akha tiipaü raüta juraitiwe ka riimang. Ngi ka maiqmii khum tiichhii phaq Shomjam mong na tiipaü ngatiwe ngutiishe tiima tlaü? Ngi ka kiikha tiipaüti ka riimang.”

NEHEMIA 6:11 Referencias Cruzadas

NEHEMIA 6:12

Kvruex lvmz kuex ngaz rueq tvmaung lvp tauk. Shemaia rueq ngaz muex ngoz phuex Tishox rueq piq muex vjungx bomc rvmuq, Tobia nuiyc Sanbalat rueq vyumx maq yauk mak kuq vtueq vnvr lvmz ngaz rueq helc lvp tauk.

NEHEMIA 6:3

Ngaz rueq tsuinghez kox nuex bomc tvjungc kaz tauk kuex, “Ngvy yauk shuimc vkhek shuimx lvmz vshaungx ningkhvnc nuex kvruex yuq kaz lvp mauk. Ngvy yauk shuimc httvr gay shec ruiux nuimhez rulc rvhumc kay ngaz kaz lvp mauk,” ngoz tueq ngoz kuq tauk.

NEHEMIA 6:9

Ngvy yauk shuimc kuex tvhttvrc gay tvkoc tsuingshiq rueq ngaz tvhiz sungx wuez yaq. “Yuq muinz majuiuc, Tishox lex, ngaz muex hungc vlaungc tvyungc kuq koq!” ngoz tueq vjux thoz tauk.

Tvtsvmc 112:6

Vhvlx miqsaz kuex mkaq muinz sumrumx wvnc tuex rvmuq; piq kuex mkaq muinz rvwvl hvt rvshuex.

Tvtsvmc 112:8

Piq kuex rvwvlc thuinbac nuiyc vhiz sungx thuinz vguez; piq ralx htenc sumx wvnc tuex kuex vsuing khiz shaungx ngoz tueq piq kvmx yaq.

TAKSU LAK 28:1

Layx bac jix kuex tsuingshiq yurc jix vguez rvhvt maq yuz wuez yaq, yuq muinz vtsuing vrux jix miq kuex hangsic ikhoc khvmc yaq.

THARC TVLUINGC 10:1

Shoaykumx maungx htenc rueq vhomc waq vpuiz tix sheshac vshiz kuex vnvmx thuingc tvthuingx gay yaq ikhoc, raungluingx saz ngauk ngaz rueq yungc loayc hvlc taksux tharc kuex tvbac gay lot yaq.

ISAIA 10:18

Rungx vwanx mvrc yaq pulx roz htenc nuiyc wuik vnax htenc tvsawc ric tvbac gay rvhumc tuex, kvkhoc hulawx tvthueyc lot yaq vthuiuz vsac rueq miq vshiz shiz kuex tvbac gay lot yaq.

WEAWEA 3:10

Mnoz rueq Arun nuiyc vsaz hez muex shomc waz bix yauk shuimc htenc kuex lekuq vtueq tvshuimc rax; yvmx muinz seng muq jix miq rueq shomc waz yauk shuimc shuimx kaz ruiux yuq, kvruex waz kuex vthueyc rvhumc tuex,” ngoz tueq jungx tueq.

Acts 20:24

Yuq muinz ngvy tvkoc ruiyrawz kuq shec phuex yauk shuimc nuiyc Taungjix Yesu rueq vkuq yauk shuimc kuex tvlot laz shuimc tvkoc dvyx ngvy htauk nuex httax yaq ningkhvnc nuex ngvy thuiuzthuic momaq kay muex ikhunc nyerc sac muq. Taungjix rueq vkuq yauk shuimc kuex Tishox kejux lvmx Thuix Thaungx Vhvlx tvtay kuy tvkoc dvyx rvtueq.

Acts 21:13

Kvkaq Polu rueq, “Nuimshiq rueq yvmx ngoz tueq lac kvkhoc khoar nyerx vtueq ngvy thuinz vmungx tvshirix laq phuinx? Yerusalem nuex vkhvrc vbuinc rvhumc saz dvyx rvmuq Taungjix Yesu muingc jungc ningkhvnc nuex kvyuq vthueyc khvmc kay tvkoc doc muinz tvyoalc yoalx shex,” ngoz tueq.

Acts 8:1

Sholu muinz miq thvt gay tueq nuex raz naungx tueq. Kvruex raungnuiyq maq phaungc vtueq Yerusalem wawc phungc kuex pinhtumc guirguenc rvhumc phaungc wvnc tueq. Kvkhoc rvtueq tsuingshiq kuex Yuda mungx, Samaria mungx htenc nuex panx yanx rv-phvlc wvnc tueq, kamx waz hez dvyx shex kvjungx tueq.

Philippians 2:17

Mkhoc shoc maq nuimshiq kvmluimx tuinx kuex Tishox muex shomc kuq yaq shomc nawk kuy juing htauk nuex, ngvy thuiuzthuic tvguiy shvy kuy juing ngoz ruiux kuex, ngaz kuex kokez vtueq nuimshiq rulc vdvmz nuex kokez taungx.

Philippians 2:30

yvmx khoc lac ngoz ruiux lec piq kuex nuimshiq rueq kuq lot muit phvnx romc kuy juing kuex ngaz muex romc kuy lot tvkoc lekuq ruiux, Christu yauk shuimc kuex thueyc khvmkhvmz nuex httuiuc laz hunglaungx shuimx kaz wvnc tueq.

Hebrews 11:27

Kvmluimx vtueq Moshe kuex hokhvmx waz thuinkhvy kvmac hiz muq maq Ejip mungx wawc dung kaz wvnc tueq. Piq rueq muik maq khiz muq Tishox kuex khiz yaq ikhoc tvyaungc vtueq, yix kox nuex yek waungc muex tvlvlc tueq.

1 SAMUEL 19:5

Piq rueq vthuiuz thuic maq khvmc vtueq Goliat kuex thvt gay tueq ningkhvnc nuex dvyx, Israel tvkoc taungx wvnc lvmz yunghvlc Yehowa rueq kuq tueq. Kvruex mnoz rueq khiz vtueq kokez wvnc toq. Kvkhoc rvyruiux yvmx muinz yaq muq, yvmx mvrax muinz kop muq Dawid kuex khuec guez nuex yvmx ngoz tueq thvy gay roc lac?” ngoz tueq jungx tueq.