NEHEMIA 6:14 - ASII LAKDAP Bible (BSI)

¹⁴ Kiijiishe, ngi raq akha achu jaükang, “Shiikeawe lei, Tobia nai Sanballat raq jamlai wa abi kiimung tlaq, kra ümtsan na tiitsang laq. Laüta, tsangshiq ka tiichamchao laq. Shammi nyung Nodia nai shammibi ahinti raq, ngi tiihai chhai wantaq thun ka ümtsan na tiitsang laq.”

Hawa Naga Bible 2001

¹⁴ Ngaz rueq, “Tishox lex, Tobia nuiyc Sanbalat rueq ruez yaq kuex rvwvl lvp vtueq tsuinghez muex murx tvgurc shuiuz. Ngvy tvhiz sungx muex hunglaungx yaq yalxjuik shvmmax nyuiuz Noadia nuiyc vganc shvmmax bix lotlaz kuex rvwvl shuiuz,” ngoz tueq vjux thoz tauk.

NEHEMIA 6:14 Referencias Cruzadas

NEHEMIA 13:29

O, Shiikeawe lei, tsangshiq raq asii ramwebi ngachang ngacho, kiimaq ümniiraq ramwebi nai Lewinok rai asii tongshong kham shong wan laü ramkhamkok ka, wiita sheshi baiqto. Tsangshiq raq arthun ashut klo wantaq kra ümtsan na tiitsang laq.

NEHEMIA 5:19

O, sanseng ramungtan na siti Shiikeawe lei, ngi raq mungmaiqse miitu ümtinkhan wa jaqsham athuk atsom shamkuq wan kang kra, ümtsan na tiitsang laq nguta achu jaü tiikang.

Tvtsvmc 137:7

Tsan na tiitsanglaq, Tatiwe lei, Edom mung raq Jerusalem ka re raq jiiwantaq ranaiq jamlaiwa riita. Tsan na tiitsanglaq akha slaito. “Runbaiq ronglaq hiqrai shotbaiqtlii!”

Tvtsvmc 22:1

Shiikeawe lei, i Shiikeawe lei, ümniiraq ngi ka jam nguto baiqthü laü? Ngi khrumlaq nguta pitlang pitthea hoqsiq kang, shatmaq ümchaü min saü mak shaqli.

Tvtsvmc 63:1

O Shiikeawe lei, ümniika i Shiikeawe, kiimaq ngi ka ümniima rantiikang. Ngi ka ikhum wiita kuqlata ümniirai sirohea; shinriiqriiq, hiqsiithung, kiimaq kham ahü hiq ikha, itsaiji ka khamnyang tsihea maq ümnaq rittlo.

DUNGWVNC 15:20

Shammi nyung Miriam, Aron shea-nyung raq jaqsinpin kra tsunhit riito. Kiimaq jechakre thun wiita apaiq jai phan, jaqsin nong thun tsii raüta wiinum neato.

JEREMIA 14:15

Ngi, Tatiwe raq ümniima chongtiikang, Ngi raq tiikimang riishatmaq, tsangshiq raq imang shaphaq raüta, armung na re min dong mak miraq kiimaq ram min dongmak miraq, nguta tsütsittlaq kra ningkhan, Ngi raq tsangshiq ka re dong na mitiijiip baiqha. Kiimaq ram tiidong lata ram ma tsangshiq ka mitiitsaiha.

JEREMIA 14:18

Ngi ka wakram kiina kikang jiila, re raq ajiipbaiq maiq maa phong kra chhitiikang, ngi chela thun kiina kikang jiila, maiq thun ka ramtsi raq atsai wan miiqmiiq kli chhitiikang. Shammibi nai ramwebi ka tsangshiq maiqmii jaqsham na motlo, shatmaq tsangshiq riika jamlaiwa shamtlaq kriimin sap mak.”

JEREMIA 28:1

Kra rawii wa jipi lübiingi na, kiimaq Jedekia ka hokham jawanli maq wiiblai she angu na, Ajjur se Hanania, apaiq ka shammiwe Gibeon chelati raq ngi rai Shomjam maq riibomto. Ramwebi nai mungmaiqse man na apaiq raq ngi ma chongto,

JEREMIA 28:10

Kiijiishe Hanania raq idangkong wa thai kaü ngi raq i dang na hoshat kra dopot she lamto. Raüta thai ka bunlak tiibun baiqto.

JEREMIA 28:15

Kiijiishe ngi raq Hanania ma akhiishe tiitsuqsaq ngukang, “Hanania lei, tailaq! Tatiwe raq ümniika tiiki mak dea. Kiimaq ümniiraq ara mungmaiqse ka arot bomtsi kriima tiikamsiq tlaü.

Matthew 24:11

Kra akhing na arot shammibi pahea mipu wan. Kiimaq tsangshiq raq maiqse pahea lamjiq nü na mishon ronho.

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

2 Timothy 3:8

Jennis nai Jambrus ka Mosheq traho bomchong khüti wenai riito. Ikiikhiisii hali, arot shrabi chongtiikai ara riimin, tengtlaq bomtsi ka akhii riiwan tlo. Tsangshiq khutsai ka riikhaqli ka riimak she. Abi kai kun she. Tsangshiq ka kamasham rilung lamphan na apoi kaiwi she.

1 John 5:16

Namshiq raq namphuno we ka ngarai tangrea michhihan. Kiitiina kra ngarai ka apaiq tsaili chang wiqwiq kla riimak miraq. Kra chhihan jiila, Shiikeawe jaq wa apaiq miitu achu jaükuq ronglaq. Kra riihan jiila, Shiikeawe raq apaiq mra ka adii mirkuq. Ara achu jaükuq ronglaq nguta chongtiikang arka, ju ngarai wa tsangshiq miisaq thumli chang ka riimak, kriiti miituli chongtiikang. Shatmaq jurwa apaiq miisaq thumli chang ngarai she tang tlaq, kriiti miitu ka namshiq raq Shiikeawe jaq wa achu jaüke ka raa mak she.

Revelation 19:20

Kra ngamthaiq kaü nai apaiq jaqshi arot shammi awang chang jaqshamti we ka kharü maq khato. (Ara arot shammi we raq pahea awang chang jaqsham wanto. Kiimaq ara awang chang jaqsham wantaq kra lümaq apaiq raq maiqse pahea laoto. Apaiq raq lao wan kha maq, tsangshiq khum na kra ngamthaiq kaü sil maq tiikhat waiq wanto. Kiimaq ngamthaiq kaü sumla ka tsangshiq raq shomnoq wanto.) Kra ngamthaiq kaü nai arot shammi we ka sammoktra jüchum jonghea ikha walü jonghea nyiimwin wa nyai rai tlaq ikha lü tlaq wamungtan na tiidea baiqto.