2 Peter 2:3 - ASII LAKDAP Bible (BSI)

³ Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.

Hawa Naga Bible 2001

³ Vruex vrot vkaq tvluingc waz bix rueq tsuingshiq kvkax wax thuinz maq vtvhungx mvnphvnc htenc kuex jungphvnx vtueq vlap vphawx thuiyx wuez shuex. Mvnnuex maq phuex tsuingshiq muex phoc kuy jix waz rueq tvyoalc shec tueq nuiyc tsuingshiq tvbac gay jix waz kuex kvtsoalx rvlauk kaz tueq rvmuq.

Muklom

³ Ning ngikjuk ang eq nim jamoq raaq wan eq nim ching wang kap ma tathin na, etharin Shkewa ning sha tatsamnang ma jakho wang hun kacha ta etho piq jib moq etho athing tong aa.

2 Peter 2:3 Referencias Cruzadas

YOBA 6:27

Namshiq riika manti liihisere disetiim shaphaq miitu lang milii han kata lanta namkongtiwe tiim shaphaq lanta chiithejong ma mija han kata!

Tvtsvmc 18:44

Pongmungti thun ikhaki na tsangtok hiq na kutlo, ümtiikiiwa tsangshiq raq ibom taitlaq, tsangshiq raq ngi aming langtlo.

Tvtsvmc 66:3

Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.

Tvtsvmc 81:15

Ngi ngengtinok raq tsanghaisitsi ma ikhaki na mibum wa; tsangshiq moho ka pattup pat-sa mihophaq wan.

ISAIA 5:19

Namshiq raq ngutlan, “Tati raq apaiq raq jamlai klo chang ngutiiwa thapthitlaq, kriika jaqlolo miklolaq. Kra nguraütiq nashiq raq michhi rong i. Israilnok asii Shiikeawe raq jamlai wa thapthitaq jaqsham thun ka miklolaq. Atsan mong na jamlai wa sitlaq kra miklolaq.”

ISAIA 56:11

Tsangshiq ka shakaq hikong ikha. Ümtin phaqsiq raümin hongto ngumak. Ara welabi thun ka taksu tsü ahü. Tsangshiq loweatek raq maiqmii raq athithi kriili klotlo. Raüta maiqmii ma amet dongchang kriili rittlo.

ISAIA 60:22

Ümsengi phong wa aranse wepuq weseta kiimin, Maiq mung jonghea, achet alet mung ashi ma mitiija wan. Akhing riikhaqli saüto angu na Ngi raq ara bom chong ara mitiikuha, Ngi raq ara jaqloli mitiihongha. Ngi ka Tatiwe!

JEREMIA 6:13

Maiq ajong aran wiita pili raq, kampho ka arot akiq lamlu kiiwa lapwan kli shiichaq wantlo. Shammibi nai ramwebi raq dongdii min mungmaiqse ka laoliitlo.

JEREMIA 8:10

Kra ningkhan Ngi raq tsangshiq wak ajam thun ka maiq anyeti miishe mikuqha. Kiimaq tsangnyungre ka maiq ahinti miishe miromkuqha. Maiq angu tarü, ajong aran wiita lotli raq, piikii lam na kampho ka arot akiq lam maq lap wan kriili rittlo. Shammibi nai ramwebi raq dongdii min mungmaiqse ka arot chong raüta laoliitlo.

EJEKIEL 13:19

“Namshiq raq haptashishe jaili nai phutsam phublaise winsii phu kra laphaq miitu Ngi ka isenginok mungmaiqse makki na shummiitlan. Namshiq raq maiqse ka khii akha min ahü atsai chang shutphit jammin ahü kriiti kiimin wiita tsatbaiq wantlan. Kiimaq mungmaiqse juwa ashut kloti, tsangshiq ka atra si thek makti thun kra atra tiisitlan. Namshiq raq arot akiq bom kra chong lanta mungmaiqse ka laotlan. Tsangshiq raq namshiq bom kiima kamtlo.”

Mikha 3:11

Chela pengti welabi raq tsiiqlap siq raüta peng wantlo. Ramwebi raq Thungtri ka, jaq maq lapphaq miituli shrin kuqtlo, Shammibi raq amaq lap ma riisham bom chong tlo, Raüta tsangshiq tarü raq, “Tatiwe naishiq rai asi. Nashiq tiihaisong chang jammin ahü,” nguta tsütsit tlo.

HABAKUK 3:3

Shiikeawe ka Edom mung maq hali, wanong tlo, Asii Shiikeawe ka Paran kin thun maq, saü wan tlo. Apaiq khushü chhainyii raq, ramungtan thun tlüm tlo. Kiimaq mangjong hiq hamli na, apaiq tiitsam kam wa trangli she.

MALAKI 1:10

Tati Ningkun Ajong Pinthumwe raq ngutlo, “Namshiq phong wa weshi ra raq Shomjam kilü thun ka shabaiq raüjaq ahea riichang wa nguta tiima tiikang. Kra nguraü ka namshiq raq athii ahü honglu thun ka iberongwacha na chaqki man mirhan wa. Ngi ka namshiq ma itsan heamak. Namshiq raq honglu kuq tlan ka tao mang.

Matthew 23:14

Phorisinok nai Thungtri shrinketibi le, namshiq ma phiiptsi chang asi! Mongnam nok le! Namshiq raq thümwaq mantibi ka nanshan shan lao phaqsiq tlan. Lanta maiq ma tiichhi ma nguta shetangtang achu jaü tlan! Arkha na Shiikeawe raq namshiq ka achan ana mitsa sha wan. Raüta namshiq ka mitiicham-chao!”

Luke 18:8

Ngi chongpha. Apaiq raq tsangshiq tiiwongke miitu, kha ka mipho kuq. Kriika jaqlo miili she mipho kuq. Shatmaq, Maiq Se saüho tlaq akhing ranaiq na, mangjong hiq na kamtsantsii rümti maiq ka asi sha miloho?”

Luke 20:20

Kriikha miishe, tsangshiq raq apaiq tiishut miitu akhing ahea liishat miili she kheto. Krai mren, tsangshiq raq maiq ma tsiiqlap kuq raüta, asi asinti maiq ka Jesuq phana tiikito. Kra siwe jatibi ka maiqshaq ikha tiiman raüta, Jesuq phana bom waikai tiikito. Kriika tsangshiq bom thiikho tsan tlaq kiijaq, Jesuq ka tiithap ma nguta tiikito. Raüta, Jesuq ka Jehudinok welabi raq Roman Wanghupti we jaq na lapke ma nguta hangto. Raüta khahü na, tiitsea baiq miitu hangto.

Luke 22:47

Jesuq ka ajaqshisetiim rai riibom rai liipan niili, apaiq lap wati maiqkong ka kiijaq saü wato. Ajaqshisetiim roqshi ri anai phong wa, Judas raq maiqkong ka shea raüta saü wato. Apaiq ka Jesuq tho na chapsaq raüta, Jesuq theaphi na shupwa manto.

John 2:16

Kiimaq haütaü shatibi kra, “Arthun ara jaqlo tiibin ronglaq! I We jam ka, namshiq raq kejat thung ma naq tiija baiq rongkiq!” nguta sonto.

Romans 16:18

Akha hon atsii rümti arka, nashiq Tati Khristo jaqsham kewanti ka riimak. Tsangshiq arka maiqmii wokpo tiipao wan lam lu kra rit wanti li. Tsangshiq raq bom ka kai tiisum raüta, chongkuq tlo. Kiimaq maiq ka jutjü wantlii maq shomrasiq wantlo. Akha trahokuq tlaq ara lümaq, tsangshiq raq, juwa ajiq alam kra tsea tsiiq wan tsin makti ka, tsangshiq raq lamjiq nü na laolii holili riitlo.

2 Corinthians 2:17

Naishiq ka nanok maiq ahinti pahea raq, Shiikeawe Tsütsa chongke jaqsham ka, mangjong hiq wa tsiiq nai nyam laopan jawanti raq shanshiiq tlaq laopanbi piikii hupsam kiikhiika shanshiiq mai phan. Tsangshiq raq Tsütsa Ahea chongkuq tlaq kriika, maiqmii wokpo kra tiipao wan miitu chongkuq tlo. Shatmaq, naishiq riika, tsantsii siirairai maq kiimaq tiima tsantsii tingting thü laita, ara Tsütsa Ahea ara nanok ma, Shiikeawe man na, Shiikeawe raq aming ke kha maq, apaiq tsasoq wantibi ma jawan laita kiimaq Khristo jaqshisetiim ma ja laita traho bomtsi kra chongkuq tiikai.

TRI CHONGKE 24:17

“Pong mungti nai jechi setiim ka tsangshiq raq jamlai lap chang wa kra naq ningtangkiq. Kiimaq manti-nyung raq phanshi ra ümjaq wa anam raüla, kra rii thiitham kongphiq kha thü na apaiq khu akhea kra naq lam thükiq.

TRI CHONGKE 32:35

Tatiwe raq tsangshiq phuk milam, raüta tsangjaqti ma mo mitiiho; tsangshiq dea wan akhing jai na misaü; tsangshiq chongthum jawan ranaiq ajeli she.

1 Thessalonians 2:5

Namshiq riimin la ahea wiq asap han she. Man na naishiq namshiq phana wakai akhing na, namshiq ma tiishi tiinyea manphan ka chongkuq mai. Kiimaq naishiq raq, naishiq maiqmii sükha tsii thü laita min, chongkuq mai! Naishiq tsantsii shinti we ka Shiikeawe asi!

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

1 Timothy 3:3

Apaiq ka cheropja raa mak. Kiimaq apaiq raq ningkun ningkaq kiimung raa mak. Shatmaq, apaiq ka kiqnin tsiim nin, sobsob bombom, kiimaq wiitarü rai ari aram maq singati riichang. Apaiq raq tsiiq anyam ma süram min raa mak.

1 Timothy 3:8

Phungtu shunshea wan lam na, jaqsham khrumke damti kiimin maiqshaqtiti kli tsea chang. Tsangshiq tsantsii ka asii, tsangshiq rong arai ka athuk atsom maq singati riichang. Tsangshiq ka chechok tsampii ma ja raa mak. Kiimaq tsiiq anyam ma süram min raa mak.

1 Timothy 6:5

Raüta maiq rai, ranaiq rawa arkhii wa trangli sitlo. Tsangshiq ka tsiihü angikong. Tsangshiq ka ajiq alam min sapmak, abom nguli bomtlo. Tengteng bomtsi lamphan ka tsangshiq raq sap mak. Tsangshiq tsan niika, kechu maiqse ma ja hai jiila, pinthum chiithe jong ma mija rong i nguta tiima raüta sitlo.

Titus 1:11

Tsangshiq raq ajiq traho bom chongkuq tlaq kra, ümniiraq atiiwin riilaq. Tsangshiq raq lamjiq bom chongke wan kha maq, Phungmaiqse maiqta pahea, kamtsantsii ka tiipheng baiq hoto. Tsangshiq raq kra chongkuq mak chang, ajiq tri chongkuq tlo. Kriika tsangshiq maiqmii wokpo miitu, kampho lap ma nguta chongkuq tlo.

Titus 1:7

Phungtu sheati maiqla weshi she nguta sitlaq kriika, Shiikeawe jaqsham tawun howanti nguta sitlo. Kriikha maq, apaiq khum na jamlai phan mrong mra si min maimak. Apaiq tsan na ashkong tsii si raa mak. Apaiq ka mokhiq kai min khiq raa mak. Apaiq ka cherop ja raa mak. Atsan khiq raüla, jasam piqsii pheraiti ka raa mak. Atsan na kampho ma sükha tsii min rüm raa mak.

1 Peter 2:8

Kiimahali Asii bomtsi bashi na, “Maiqse angu ka ara longkaü arjaq mitiithap, tsangshiq ka ara longraq kam armaq midia,” nguta chongtlo. Tsangshiq raq Tsütsa Ahea ma kam wan mak kha maq, tiithap rai wanto. Arka Shiikeawe raq tsangshiq kharü athiiq arwan miishe jawanto.

1 Peter 5:2

Shiikeawe raq apaiq skuse kong namshiq ma trüm tlaq kra, chochikhiq maq shiikum pan lanta rüm ronglaq. Adam ajo lam miika naq rüm rongkiq. Shiikeawe raq tsangshiq ka jamkhii tiichhan chhi wan ro wa, kiikha tiichhan chhi ronglaq. Sku rüm jaqsham ka laqkhaq lap ma süram lanta naq rüm rongkiq. Shatmaq lungwii tsantsii maq skuse kong ka rüm ronglaq.

2 Peter 1:16

Naishiq kiimwebi raq namshiq ma nashiq Tati Jesuq Khristo ka apaiq ningkun ajong achhai anyii liliim wahea la maq misaüho nong nguta namshiq ma atsi dada maq chongkuqkai. Kra chongkuq kai irka, naishiq raq chiiheawea wea wa maiq bom chong tiishowo manphan tai laita atlii chongkuq hai riimak. Naishiq raq maiqmii mak maq, apaiq khushü ngao jonglu ka ümtinkhan wa sitlaq kra chhi wan kai.

2 Peter 2:1

Man na Israilnok phong na arot shammibi pahea asi riito. Kra niq riri sii hali, jai maq namshiq Phungmaiqse phong niimin arot shrabi pahea midong. Raüta tsangshiq raq namshiq Phungmaiqse phong na ajiq bomtsi michong kuq wan. Tsangshiq raq arot akiq kiimaq kamtsantsii tiithen baiq chang bomtsi kra michong kuq. Raüta namshiq liipan na ajiq bomchong kriimaq mitiinyam. Raüta tsangshiq ngarai mong wa Chhii wanti Jesuq Khristo kra dongdii min wiita Tatiwe riimak nguta mishipoq. Raüta tsangshiq ka tiihang hiiq miili tiimiqchup thenkai chang thiikho bok kra mithu.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.

Jude 1:15

Raüta ngarai maiqse kunli kha ka mipho kuq. Raüta, tsangshiq raq phiiptsi jiiptsi ümchuwa ngarai tangtaq thun nai Shiikeawe ma ashut bomtaq thun kra kha phoke kai miki!” nguta tiithai thiito.

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.

Jude 1:7

Kiimahali, namshiq raq tsan na tiitsang shat rong laq, Sodom nai Gommora chelati nai kra chela nai tho na siti maiqse ahinti thun riimin la, rasetiim raq tangtaq kiikha sethoq ngarai nai hi-awaq ikha riinyat shat ngarai kra tang raüta siwanto. Kriikha na, tsangshiq ka pattup thum mak phan wa maq, tiikhiim chaq baiqto. Kriika maiqse angu tarü ma, hon chongke miitu shiithen baiqto.