2 Peter 2:4 - ASII LAKDAP Bible (BSI)

⁴ Nashiq raq asap i, Shiikeawe raq ashutti rasetiim kha ka tiihang mak maq photo she. Raüta tsangshiq kha ka tanto she. Raüta tsangshiq ka wamungtan na tiidea baiq wanto she. Ümchaü tsangshiq ka wamungtan na jinraü kharü maq kha raüta ranyaq tangtang phaqtek mong na shaq raüta thü tlo. Phangthum Khapho Ranaiq na saüli tsangshiq ka kiijiili she mishaq baiq.

Hawa Naga Bible 2001

⁴ Tishox rueq mvrax yaq jix raungkamx bix doc muinz raungluingx muinz tvjungx muq maq ngarvyx nuex tvdvy gay ruiux, kvruex yuq raungnyauk mungx nuex khvrc gay ruiux Khac phoc Raungnuiyq kuex bvmc httax yaq.

Muklom

⁴ Shkewa eshi rangkamwa tang barey ngarey somlota ning sha tolchak moq angta, etharin khaphung saal náng thula shing ma, anak o khak eq walmungtan náng bichak ta.

2 Peter 2:4 Referencias Cruzadas

YOBA 21:30

Shiikeawe raq atsankhiq ranaiq na maiqse ma mo tiiho raüla, ashutwe riiwe ka jangwrap she tiihang baiqtlo.

YOBA 4:18

Shiikeawe riika ajaqshi se kong ramungtan na siti ma santla kammak; apaiq riika rasetiim santla ashut klolan nguta sontlaq.

Tvtsvmc 78:50

Apaiq raq atsankhiq walü ka shiikhing mak riito riimakla tsangshiq rilung ka tiiwong kuq mak riito, shatmaq sawa tha tiisaü raüta jiipbaiqto.

ISAIA 14:12

“Bebilon mung hokhamwe, ranap saiqwüpo lei. Ümniika ramungtan wa dea wan laü she! Man na ümniiraq maiq mung thun pahea khat laüta jiiwan laü. Shatmaq ümchaü ümniika hiq niishe tiidea baiqto.

EJEKIEL 5:11

“Arningkhan, Ngi atra Shiikeawe raq ngutiikang - arka Ngi, Tati Rakaü Hiqwe bomtsi. Jamkhano ngukla, ümniiraq abi pinthum maiqphai asi klowan laüta, i Shomjam ka tiishebaiq laü. Ngi raq ümniika tiihang mang maq michumbaiqha.

EJEKIEL 7:4

Ngi raq namshiq ka akhiismin tiihangkuq mangshe kiimaq mangchan tiichhi kuq mangshe. Namshiq raq ümtinkhan wa imakki na riiqkhiq ashut maiqphai asi klo wan lan, kra miitu mo she mitiihoha. Kra riiha jiitiq namshiq raq Ngi ardea Tatiwe nguta misap han.”

EJEKIEL 7:9

Ngi raq namshiq ka tiiwong kuq mang she kiimaq tiihang mangchan tiichhi kuq mang she. Namshiq raq maiqphai asi sumla phra thun shomnoq wan lan kriikha na, namshiq ma mo mitiihoha. Krai mren, namshiq raq Ngi ardea Tatiwe nguta misap han. Kiimaq namshiq ma mo tiihoketi ka Ngi ardea nguta misap han.”

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Matthew 8:29

Tsangnai raq Jesuq chhi raüta, tiihang hiiq miili she, “O Shiikeawe Se loi, ümniiraq naishiq ka jamkhiiriiho she wa dan tlaü? Naishiq ningthoi akhing misaü shaq niili, ümniiraq naishiq ka tiichamchao kai she sha saüki laü?” nguta siitrangto.

Mark 5:7

hong raüta akha siito, “Ratsan Ramong nyang na siti Shiikeawe Se Jesuq le! Ümniiraq ngi ka jamkhii riiho wa dan tlaü?”

Luke 10:18

Kiijiishe, Jesuq raq tsangshiq bom ka treto, “Ngi raq Thawe ka ramungtan wa rachhai wa ikha adea wan chhikang.

Luke 8:31

Abi winji kong raq, Jesuq ma tsangshiq ka wulum mung na naq tiikikiq nguta tiipaiqneato.

John 8:44

Nam we ka Tha kaü. Namshiq ka thasetiim. Krai mren, nam we jaiphan li lungwii tlan. Apaiq ka man na miiphü dongdii matwe tsawe. Arilung na jangshi min tingting rilung lamphan ka tiima mak dongdii. Ara jamkhano chongtiikang ngukla, apaiq tsantsii ka tingting riimak. Krai mren, apaiq ma arot akiq bomchong ka maiqmii aphara jaqsham. Ara jamkhano chongtiikang ngukla, apaiq ka arot we. Apaiq ka arot akiq dong chong.

Romans 11:21

Shiikeawe raq Jehudinok chongwa olip pechong kü ako thun riishatmaq santla, tsangshiq ka tiihang wan mak maq, ngei baiq wanto. I khiijiika, namshiq kriiri ta, atiihang mirkuq wan ngutiisha tiima rai tlan?

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?

TRI CHONGKE 29:20

Tatiwe raq akhnok maiqse mra ka diikuq mak miraq. Kiimaq Tatiwe tsankhiq walü ka apaiq khuthaq na minyai wan. Kiimaq ara lakdap na ümchu wa phiiptsi chang chamchao waiqtlaq thun ka apaiq khuthaq na misaü wan. Raüta apaiq ka chongthum ma mitiija baiq shaq wiiwii, kra walü ka nyairuq li mikhiim wan.

2 Peter 2:11

Rasetiim ka arot shrabi thaq na ajong ala, ningkun jonghea rümti. Shatmaq tsangshiq riisin tla, ramungtan na siti ningkun ajong rümtibi, achhai anyii rasetiim sitlaq kiima Shiikeawe man na anato raüta bomtlo. Shummii mak.

2 Peter 2:5

Nashiq raq asap i, Shiikeawe raq man na, richü pat wa ngarai lamphanti mangjong maiqse kunli tiimiqchup thaübaiqto. Apaiq raq rathup jüjang tlüm raüta mangjong maiqse wiita laimiq tiithum baiqto. Shatmaq apaiq raq Nowaq nai ajamti maiq miishi kli tiichhii kuqto. Nowaq ka kechu rilung lamphan chongketi.

2 Peter 2:9

Arthun manphan arwa nashiq raq sap tiikai, Shiikeawe raq kechu maiqse ka tsangshiq rilung na chamchao maitai ümtinkhan wa riihum tlaq kiiwa, jamkhii tiichhiike wan chang wa kra asap. Kiimahali Shiikeawe riika ngarai maiqsetiim ka kharü maq kha raüta, Phangthum Khapho Ranaiq miitu thü wan tlo.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.

Jude 1:13

Tsangshiq raq ngarai jaqsham tlaq arka, sammoktra kham raq takii na ashe khamphom tsuqbaiq tlaq ikha. Tsangshiq ka pongmü riimü khumti, ra na raiqsaiq khumtlaq ikha. Tsangshiq miitu, makse riimin khonlot mak chang, ranyaq jonghea ka Shiikeawe raq tiijeje she thü tlo.

Jude 1:6

Kiimahali, namshiq raq tsan na tiitsang shat rong laq. Rasetiim phong wa, Shiikeawe raq tsangshiq ma arang kuqtaq, kra aming liipan na siwan mak maq, Shiikeawe aming kra jin raüta, ahin na kaihoti thun ka, Shiikeawe raq tsangshiq ka ümchaü, pattup tiipanki mak chang phan kharü maq kha raüta, ümchaü ka ranyaq nyang mong na kharü maq kha raüta thütlo. Shiikeawe raq tsangshiq ka Phangthum Khapho Ranaiq na, wamungtan na mitiidea baiq. Raüta wa maq mitiikhiim chaq baiq.

Revelation 20:10

Kiijiishe tsangshiq laoti Thawe ka ngamthaiq kaü nai arot shammi we tiidea baiq chang nyiimwin walü ikha watum lü rai tlaq kiijaq mitiidea baiq. Kiijaq tsangshiq ka ranaiq rawa pattup pat-sa she mitiichamchao wan.