2 Peter 2:2 - ASII LAKDAP Bible (BSI)

² Arot shrabi raq ashe, sethoq ngarai tang tlaq kra chhi raüta, Phungmaiqse pahea raq tsangshiq jai ka miphan. Tsangshiq rong arai abi kra thatsang maiqse raq chhi raüta, Khristan rilung lamphan kra abi nguta thatsang maiqse raq michongsiq.

Hawa Naga Bible 2001

² Kvkhoc rvyruiux doc muinz, miq paunghvlc kuex tsuingshiq vbac layx lvmx kuex phvnx wvnc wuez shuex. Tsuingshiq rueq kvkhoc ruec ningkhvnc nuex tsuingrux Lvmx kuex miq vganc rueq vbac ngoz tueq ngoz ngax jungx shuex.

Muklom

² Daqhan miqtang ning jashit lam tang sho qhing na, eshi tungkang o miq dak asing lam sha ajat ta raaq na.

2 Peter 2:2 Referencias Cruzadas

RAPHA HIQWA LAK 19:5

Raüta tsangshiq raq Lot ka hea raüta akha waito, “Koi, wanwenai ümchaü rawa ümjam na jap wan wataq ira ümbano? Tsangnai ka naishiq ma kiinong kuqlaq!” Sodom chelati maiqwere raq tsangnai rai hainga miitu ritto.

Tvtsvmc 18:21

Ngi raq Tatiwe thungtri ka lang wan kang; ngi ka i Shiikeawe wokhong wa juho mang dea.

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

JEREMIA 6:16

Tatiwe raq asenginok ma nguto, “Lamhum ba kiijaq chaplanta liirong liishaq. Manniiwa richü pat wa lam thun kra ümbano kra waironglaq. Lantea ümriitiwa lamhea pinthum kra rit ronglaq. Lantea kra lam kiimaq khum ronglaq. Kra riihan jiila namshiq ka hansang maq misihan.” Shatmaq tsangshiq raq nguto, “Naq. Naishiq ka kra lam maq khumai!”

Matthew 22:16

Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Matthew 24:24

Ara jamkhano chongtiikang ngukla kra akhing na, arot Messiabi kiimaq arot shammibi maiq ka pahea mipo wan. Tsangshiq riika amao chang nai awang chang jaqsham pahea misham. Raüta, mairaü jiila tsangshiq raq Shiikeawe sengi phong kriiwa min shonron hohai jaq nguta mishchaq.

Matthew 7:14

Shatmaq, rilung lam nü na wachang kilü ka atsase. Kiimaq arlam ka akhum ma ahawiq. Maiq atsapko riili arlam ka hum wan tlo.”

Mark 12:14

Tsangshiq ka Jesuq phana kiraüta, apaiq ma bom ka akha waito, “Shrinketi we, naishiq raq asap hai, ümniiraq tengtlaq bomtsi ka maklii ashi maq chongkuq tlaü. Ümniiraq maiq ka asham na lii laüta, tseatsiiq maü. Kiqshi maq tri laüta, Shiikeawe bomtsi ka chongkuq tlaü. Riita ikhla, ara chong liita, nashiq raq Roman Hokham we ma phunta kewan arka, nashiq Thungtri na ajiq sha alam wa? Arka nashiq Thungtri na ang tlaq sha ang mak wa?”

Mark 13:22

Ara jamkhano chongtiikang ngukla, kra akhing na, arot akiq Khristobi nai arot akiq shammibi ka pahea midong wan. Raüta, tsangshiq raq awang chang nai taklot mai chang jaqsham pahea miklo wan. Raüta, tsangshiq raq lot raü jiila, Shiikeawe raq atsea wan asengi phong maiqse sitlaq kiiwiimin milao lii wan.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

Acts 13:10

Raütiishe, Paul raq mintin we ka akhiishe sonto, “Ümnaq arka Tha Kaü ashi! Ümnaq arka ating arai jaqsham thun kra tangta baiqti we. Ümtsantsii ka abi thiikho. Kiimaq ümniiraq Tatiwe tengteng bomtsi kra, arot akiq ma tiija baiq wan kli tiima tlaü!

Acts 14:2

Shatmaq, Jehudinok phong wa maiq wiijamti Jesuq ma kamwan makti raq, Pongnok phan maiqse ma raikao tat raüta, phungmaiqsetiim khuthaq na tiishuk shaqto.

Acts 16:17

Apaiq raq Paul nai naishiq jai ka, phanshphan maq phan raüta, “Arwetiim arka Ratsan Ramong Nyang Na Siti Shiikeawe Ajong disetiim! Tsangshiq raq namshiq ka jamkha tiichhii wan chang wa kra chongkuqtlo!” nguta agi asii lam maq khumrai wan dam tlo.

Acts 18:26

Apaiq raq sinagok na achaq awaq maq trahokuqto. Kra wiishe Prisila nai Akoila raq tai raüta, apaiq ka tsangshiq jam na shea wanto. Raüta, tsangnai raq apaiq ma samheawiq miishe hali, Shiikeawe Lamphan tri lam kra tru chongkuqto.

Acts 19:9

Shatmaq, kiiwa nokwe phong wa maiq wiijamti tsantsii ka wanshakshak, tsinhea riito. Kiimaq Paul raq tsütsa chongkuqtlaq kiima kam mak riito. Kiimaq kriiti raq nokwe tarü man na, Tatiwe Lamphan khuthaq na bom ka abi-ati she bomhoto. Kriikha miishe, Paul raq tsangshiq ka miimthüto. Raütiishe, apaiq rai phunainotiim kra sheahoto. Kiimaq ranaiqtek apaiq raq Tiranas raq mungmaiqse pahea tiithung raü raüta trahoke wan chang jamkaü jonghea ashi asi, kra jam maq Shiikeawe lamphan manphan kra phanchan kuq lili riito.

Acts 22:4

Ngi raq ara ümchaü riichong tiikai Lamjong ara phan wantibi maiqse angu thun arka longliiq lata, tsangshiq miisaq tiithum wan lili tiitsat baiq kang. Kiimaq ngi raq tsangshiq ka jechak maiqwe wiita lap lata, phaqtek mong na shaq baiq wan kang.

Acts 24:14

O, riita bom poshi kla tengto dea. Naititiim Shiikeawe ka, ngi raq kriidea Shiikeawe shomnoq chang Lamjong kaü nguta, chong tlaq kra lam kra phan phan miidea, shomnoq tiikang. Kra lam phan ka tsangshiq raq lamjiq nguta ngutlo. Shatmaq, ngi riimin la Mosheq Thungtri na awaiq thü nai shammibi lakdap thun na awaiqthü tengteng bomtsi kiima kam tiikang.

Romans 2:24

Asii bomtsi na, “Namshiq Jehudinok lümaq Pongnok phan raq Shiikeawe ma abi bom tlo,” nguta chongtlo.

1 Timothy 5:14

Arkha maq, ngi raq akha manti-nyungre ka, maiq ma wanong haü jaq riiwe ka ahea miraq nguta tsii chongkuq tiikang. Raüta, maiqmii jamkun mong na, asaü ase hum wan raüta, kiimaq atapkun na kaiq shakshak maq, shonga wan raüjaq riiwe ka, nashiq jaqtibi raq nashiq ma, abi ati shummii bom chang lam ahü miraq.

Titus 2:5

Tsangshiq ka phanrap na maiqmii tiima tsantsii ka, anin raüta thüti riichang. Kiimaq siirairai nyungre riichang. Kiimaq riikhaqli maiqmii jamkun na, shongnyung chaq nyungre riichang. Kiimaq awesere bom taiti riichang. Akha sihaütiq, Shiikeawe tsütsa Ahea chongkuq tlaq kra, maiq raq abi nguta chongsiq mak miraq.

Titus 2:8

Traho bom chongkuq tlaü akhing na, ümbomtsi ka khaqshkhaq, asiq areng bompo kli chongkuq laq. Akha traho kuq raüla, ümnaq ngengtibi raq, nashiq khuthaq na bom abi tiishut bom chang ka lam hum mak miraq. Krai mren, tsangshiq raq ümnaq ngengrat tlaq kra miitu tsangshiq maiqmii kli mitiijeasi rai.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

2 Peter 2:12

Shatmaq ara chongtiikai arot shra bi arka, rum ngamse maiq raq bi tsan raüta tiimin phaq tlaq ikha, ahon atsii ahü, ngamsi ngiqsi li sitlo. Tsangshiq raq asii bomtsi wa jamlai wa taklot mak sitlaq, kriika asaisi lishe, shummiitlo. Tsangshiq ka rum ngamse jamkho tsaitlaq kiikhiili she mithen wan.

2 Peter 2:15

Arot shrabi raq tengteng Tsütsa Ahea lamphan ka baiq thiito she. Raüta lamjiq niishe miihoto. Tsangshiq ka Beor se shammi we Balaam jai phan lamjiq nü na kihoto. Balaam raq kampho ma sü ma ngarai lam na kaiho ka atsan tiikan mak riito.

2 Peter 2:18

Tsangshiq riika shiikong miilong, ni na wamak chang, tiishom ra wan tlo. Kiimaq ngarai han-ngam sethoq ja lam kra phan raüta, Phung na shang nyeti, ranyaq mong wa tiichhii wan phati kra shonron ho tlo.

2 Peter 2:21

Tsangshiq arka, Shiikeawe raq atiichhikuq Tsütsa Ahea rilung lamphan kra apha miiphü phan wan mak dongdii ngu raü khoti phanshi sainaisam riichang wa. Shatmaq, ümchaü sanha, tsangshiq raq Tsütsa Ahea kiima kamwan raüta, man niiwa rilung lam chü kiina jangho nong tlaq krai mren, tsangshiq rilung ka man na apha na jamkho lea wantaq kra nam miimin tiinanpot, aliikai chang ahü she.

2 Peter 2:7

Nashiq raq asap i, Shiikeawe raq Lot ka tiichhii kuqto. Lot ka kechu maiqse ashi riito. Lot ka apaiq pat wa mungmaiqse ngarai na riinyat raüta siwan kra chhi raüta, kai ngila ngu raü mit simak pinthum maq siwanto.

Jude 1:10

Shatmiitiq, ara chong tiikai arot shammibi thun riika, tsangshiq raq jamlai wa tak lot mak bomtsi sitlaq, kriika shummii laqpii, chuphit nüphit li saisi tlo. Tsangshiq raq jamlai wa saptlaq kriika, ngarai han-ngam pinjali sap tlo. Tsangshiq ka ngarai han-ngam tsii phara maq jamlai wa sap tlaq kra miitu, rum ngamse kong ikhli, maiq ka kaqho tlo. Kra riili she, tsangshiq ka shiithen baiqtlo.

Jude 1:15

Raüta ngarai maiqse kunli kha ka mipho kuq. Raüta, tsangshiq raq phiiptsi jiiptsi ümchuwa ngarai tangtaq thun nai Shiikeawe ma ashut bomtaq thun kra kha phoke kai miki!” nguta tiithai thiito.

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.

Jude 1:7

Kiimahali, namshiq raq tsan na tiitsang shat rong laq, Sodom nai Gommora chelati nai kra chela nai tho na siti maiqse ahinti thun riimin la, rasetiim raq tangtaq kiikha sethoq ngarai nai hi-awaq ikha riinyat shat ngarai kra tang raüta siwanto. Kriikha na, tsangshiq ka pattup thum mak phan wa maq, tiikhiim chaq baiqto. Kriika maiqse angu tarü ma, hon chongke miitu shiithen baiqto.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.